ກອງປະຊຸມເຈົ້າໜ້າທີ່ອາວຸໂສຂອບການຮ່ວມມືແມ່ນໍ້າຂອງຕອນລຸ່ມ - ສ. ອາເມລິກາ ( Lower Mekong Initiative Senior Officials’ Meeting ) ໄດ້ຈັດຂຶ້ນໃນຕອນເຊົ້າຂອງວັນທີ 7 ພຶດສະພາ 2015, ທີ່ ໂຮງແຮມ ຫຼວງພະບາງວິວ, ແຂວງ ຫຼວງພະບາງ ພາຍໃຕ້ການເປັນປະທານຮ່ວມຂອງ ທ່ານ ສົງການ ຫຼວງມຸນິນທອນ, ຫົວໜ້າກົມເສດຖະກິດ, ກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ເດນຽວ ຣັດໂຊ, ຜູ້ຊ່ວຍລັດຖະມົນຕີກະຊວງການຕ່າງປະເທດ ສະຫະລັດ ອາເມລິກາ ແລະ ມີຄະນະຜູ້ແທນຈາກບັນດາປະເທດແມ່ນໍ້າຂອງຕອນລຸ່ມ ຄື: ກໍາປູເຈຍ, ມຽນມາ, ໄທ, ສສ. ຫວຽດນາມ ​ແລະ ຜູ້ຕາງໜ້າຈາກກອງເລຂາອາຊຽນ ເຂົ້າຮ່ວມຢ່າງພ້ອມພຽງ.

ໃນວັນທີ 6 ພຶດສະພາ 2016, ທີ່ ໂຮງແຮມ ຫຼວງພະບາງ ວິວ, ແຂວງ ຫຼວງພະບາງ, ໄດ້ຈັດກອງປະຊຸມເຈົ້າໜ້າທີ່ອາວຸໂສ ສໍາລັບ ການຮ່ວມມືໃນຂອບ ແມ່ນ້ຳຂອງ-ແມ່ນ້ຳຄົງຄາ, ຊຶ່ງເປັນກອງປະຊຸມຮ່ວມມື ລະຫວ່າງ 5 ປະເທດລຸ່ມແມ່ນ້ຳຂອງ ( ກຳປູເຈຍ, ສປປ ລາວ, ມຽນມາ, ໄທ, ຫວຽດນາມ ) ແລະ ແມ່ນ້ຳຄົງຄາ (ອິນເດຍ) ເພື່ອຮັດແໜ້ນການຮ່ວມມືກັນໃນບັນດາຂົງເຂດການຮ່ວມມືໄດ້ແກ່ ການທ່ອງທ່ຽວ, ວັດທະນະທຳ, ການສຶກສາ ແລະ ຂົນສົ່ງ.

ໃນ​ວັນ​ທີ 30 ເມສາ 2016, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສະຫະລັດອາເມລິກາ, ການາດາ ແລະ ແມັກຊິໂກ ໄດ້ຈັດພິທີສະເຫລີມສະຫລອງບຸນປີໃໝ່ລາວ ພສ 2559, ທີ່ ສະຖານທູດລາວ ທີ່ນະຄອນຫລວງ ວໍຊິງຕັນ, ດີຊີ ໂດຍໄດ້ເຊື້ອເຊີນພີ່ນ້ອງຄົນເຊື້ອຊາດລາວ ຈາກບັນດາລັດຕ່າງໆໃນ ສະຫະລັດອາເມຣິກາ ແລະ ຈາກການາດາ ແລະ ບັນດາແຂກຈໍານວນໜຶ່ງ ຈາກກະຊວງການຕ່າງປະເທດ ສະຫະລັດອາເມລິກາ, ຈາກລັດຖະສະພາ, ກະຊວງທີ່ກ່ຽວຂ້ອງຕ່າງໆ, ບັນດານັກການທູດຈາກປະເທດອາຊຽນ ແລະ ນັກທຸລະກິດຈໍານວນໜຶ່ງ ເຂົ້າຮ່ວມປະມານ 600 ກວ່າຄົນ.