ໃນຕອນ​ແລງ​ຂອງວັນ​ທີ 7 ພຶດສະພາ 2016 ​ທີ່​ຜ່ານ​ມານີ້, ທ່ານ ຫລີ ບຸນຄໍ້າ, ເອກອັກຄະລັດຖະທູດ ແລະ ທ່ານ ບຸນສີ ວົງບົວສີ, ກົງສູນໃຫ່ຍ ແຫ່ງ ສປປ ລາວ ປະຈຳຂອນແກ່ນ ພ້ອມດ້ວຍ ອ້າຍເອື້ອຍນ້ອງສະຖານທູດລາວທີ່ບາງກອກຈຳນວນໜື່ງ ໄດ້ໃຫ້​ກຽດ​ເຂົ້າຮ່ວມ​ງານ​ສານສຳພັນວັດທະນາທຳປະເພນີ ໄທຊົງດຳ ຫຼື ໄທດຳ ປະຈຳປີ 2016 ຊຶ່ງຈັດຂຶ້ນເປັນຄັ້ງທີສອງ ໂດຍມູນນິທິໄທຊົງດຳ ແລະ ສະມາຄົມໄທດຳແຫ່ງປະເທດໄທ ຮ່ວມກັບສະຖາບັນວິໄຈພາສາ ແລະ ວັດທະນາທຳເອເຊຍ ຂອງມະຫາວິທະຍາໄລມະຫິດົນ ທີ່ ມະຫາວິທະຍາ ໄລມະຫິດົນ, ວິທະຍາເຂດສາລາຍາ, ຈັງຫວັດນະຄອນປະຖົມ.

ທ່ານ ສົງການ ຫຼວງມຸນິນທອນ, ຫົວໜ້າກົມເສດຖະກິດ, ທັງເປັນຫົວໜ້າເຈົ້າໜ້າທີ່ອາວຸໂສອາເຊັມ ສປປ ລາວ ໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມປຶກສາຫາລືສື່ມວນຊົນອາເຊັມ ວ່າດ້ວຍການເຊື່ອມຈອດ (ASEM Media Dialogue on Connectivity), ໃນວັນທີ 9-10 ພຶດສະພາ 2016, ທີ່ ກວາງໂຈ, ສປ ຈີນ, ຊຶ່ງຈັດໂດຍ ກະຊວງການຕ່າງປະເທດ, ສະພາແຫ່ງລັດວ່າດ້ວຍຂ່າວສານ ແລະ ລັດຖະບານນະຄອນ ກວາງໂຈ. ຈູດປະສົງຂອງກອງປະຊຸມດັ່ງກ່າວ ເພື່ອປຶກສາຫາລື, ລະດົມ ແລະ ແລກປ່ຽນຄໍາຄິດຄຳເຫັນ ຂອງບັນດານັກຂ່າວ, ນັກຄົ້ນຄວ້າ, ໜ່ວຍງານຄັງສະໜອງ ແລະ ວິຊາການດ້ານສື່ມວນຊົນ ຈາກ ທະວີບ ອາຊີ-ເອີຣົບ ເພື່ອຊຸກຍູ້ ແລະ ຜັນຂະຫຍາຍບົດບາດຂອງສື່ມວນຊົນ ດ້ານການເຊື່ອມຈອດອາເຊັມ ໃນຍຸກນະວັດຕະກຳເທັກໂລຊີ ແລະ ພ້ອມທັງການໂຄສະນາເຜີຍແຜ່ຄວາມເຂົ້າໃຈ ກ່ຽວກັບ ການເປັນຄູ່ຮ່ວມມືຮອບ ດ້ານຂອງອາເຊັມ.

ກອງປະຊຸມເຈົ້າໜ້າທີ່ອາວຸໂສຂອບການຮ່ວມມືແມ່ນໍ້າຂອງຕອນລຸ່ມ - ສ. ອາເມລິກາ ( Lower Mekong Initiative Senior Officials’ Meeting ) ໄດ້ຈັດຂຶ້ນໃນຕອນເຊົ້າຂອງວັນທີ 7 ພຶດສະພາ 2015, ທີ່ ໂຮງແຮມ ຫຼວງພະບາງວິວ, ແຂວງ ຫຼວງພະບາງ ພາຍໃຕ້ການເປັນປະທານຮ່ວມຂອງ ທ່ານ ສົງການ ຫຼວງມຸນິນທອນ, ຫົວໜ້າກົມເສດຖະກິດ, ກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ເດນຽວ ຣັດໂຊ, ຜູ້ຊ່ວຍລັດຖະມົນຕີກະຊວງການຕ່າງປະເທດ ສະຫະລັດ ອາເມລິກາ ແລະ ມີຄະນະຜູ້ແທນຈາກບັນດາປະເທດແມ່ນໍ້າຂອງຕອນລຸ່ມ ຄື: ກໍາປູເຈຍ, ມຽນມາ, ໄທ, ສສ. ຫວຽດນາມ ​ແລະ ຜູ້ຕາງໜ້າຈາກກອງເລຂາອາຊຽນ ເຂົ້າຮ່ວມຢ່າງພ້ອມພຽງ.