ໃນທ່າມກາງບັນຍາກາດທີ່ແມ່ຍິງລາວບັນດາເຜົ່າໃນທົ່ວປະເທດ ພວມເບີກບານມ່ວນຊື່ນໃນການສະເຫຼີມສະຫຼອງວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 61 ປີ (ວັນທີ 20 ກໍລະກົດ 1955-20 ກໍລະກົດ 2016). ໜ່ວຍສະຫະພັນແມ່ຍິງສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາປະເທດຍີ່ປຸ່ນ ກໍ່ໄດ້ຈັດຕັ້ງການສະເຫຼີມສະຫຼອງ ແລະ ປາຖະກະຖາເອກະສານກ່ຽວກັບການສ້າງຕັ້ງສະຫະພັນແມ່ຍິງລາວຂຶ້ນ ທີ່ສໍານັກງານສະຖານທູດລາວ ທີ່ໂຕກຽວ ໃນວັນທີ 30 ກໍລະກົດ 2016 ໂດຍໃຫ້ກຽດເຂົ້າຮ່ວມໃນພິທີຂອງສະຫາຍ ນ. ສົມສະໜຸກ ວົງສັກ, ຮອງເລຂາໜ່ວຍພັກ, ອຸປະທູດຊົ່ວຄາວ ພ້ອມດ້ວຍຜູ້ຕາງໜ້າໜ່ວຍຊາວໜຸ່ມ, ກຳມະບານສະຖານທູດ, ພະນັກງານສະຖານທູດ, ຈຸພັກນັກສຶກສາ, ຄະນະສະມາຄົມນັກສຶກສາລາວ ແລະ ນັກສຶກສາລາວທີ່ຮຽນຢູ່ໂຕກຽວ ເຂົ້າຮ່ວມທັງໝົດ 30 ທ່ານ.

ໃນວັນທີ 27 ກໍລະກົດ ນີ້, ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ຮ່າໂນ້ຍ ໄດ້ຈັດພິທີປະດັບຫລຽນໄຊ ອິດສະຫລະຊັ້ນ 1 ໃຫ້ ສະຫາຍ ຟ້າມຫງອກເບິນ (ຫລື ຄໍາຍອດ) ແລະ ສະຫາຍ ຫງວຽນຕິ້ນ, ອະດີດຊ່ຽວ ຊານທະຫານອາສາສະໝັກຫວຽດນາມ ທີ່ມີຜົນງານ, ຄຸນງາມຄວາມດີ, ອຸທິດເຫື່ອແຮງ, ສະຕິປັນຍາ, ເສຍສະຫລະຊີວິດ ໃນສະໄໝຕໍ່ສູ້ກູ້ຊາດ ຕ້ານການຮຸກຮານ ຂອງພວກຈັກກະພັດລ່າເມືອງຂຶ້ນຕ່າງດ້າວ ຢູ່ເຂດ ພຽງສາ-ລາວຮຸ່ງ, ເມືອງຊຽງຄໍ້, ແຂວງຫົວພັນ, ຊຶ່ງ ສະຫາຍ ທອງສະຫວັນ ພົມວິຫານ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ. ຫວຽດນາມ ໄດ້ຕາງໜ້າລັດຖະບານລາວ ປະດັບຫລຽນດັ່ງກ່າວ ໃຫ້ແກ່ຕົວແທນ ຂອງແຂວງເຊີນລາ ຊຶ່ງຕາງໜ້າໃຫ້ 2 ສະຫາຍ ເປັນຜູ້ຮັບແທນ.

ໃນວັນທີ 22 ກໍລະກົດ 2016, ທີ່ ສູນການຮ່ວມມືສາກົນ ແລະ ການຝຶກອົບຮົມ (ICTC), ທ່ານ ພອນທະວີ ບຸດດາລາ, ຫົວໜ້າສູນຂ່າວຕ່າງປະເທດ, ຫົວໜ້າກົມການຂ່າວ, ໂຄສົກກະຊວງການຕ່າງປະເທດ ໄດ້ຕອບສຳພາດຂ່າວກັບສື່ມວນຊົນຕໍ່ຄວາມກຽມພ້ອມຂອງສູນຂ່າວ ໃນການຮັບໃຊ້ກອງປະຊຸມເອເອັມເອັມ ແລະ ກອງປະຊຸມກ່ຽວຂ້ອງອື່ນໆ ວ່າ: