ໂດຍ: ໜ່ວຍງານຄົ້ນຄວ້າຮ່ວມມື ລາວ-ຈີນ, ສະຖາບັນການຕ່າງປະເທດ

ເມື່ອພວກເຮົາຄໍານຶງເຖິງບັນດາກົດລະບຽບ, ກົດເກນ ຫຼື ຫຼັກການ ທີ່ຖືກໝູນໃຊ້ ແລະ ຜັນຂະຫຍາຍ ເພື່ອເປັນພື້ນຖານໃນການຮັກສາສະຖຽນລະພາບ ແລະ ການຮ່ວມມືກັບສາກົນ ຂອງທຸກປະເທດໃນໂລກ, 5 ຫຼັກການແຫ່ງການຢູ່ຮ່ວມກັນໂດຍສັນຕິ ຖືເປັນອະລິຍະທໍາທີ່ມີຄວາມໝາຍຄວາມສໍາຄັນ ອັນມີຈຸດເລີ່ມຕົ້ນມາຈາກຊົນຊັ້ນກຳມະກອນຊາວຜູ້ອອກແຮງງານ ພາຍໃຕ້ຍຸກແຫ່ງການນໍາພາຂອງທ່ານ ເລນິນ ທີ່ຕ້ອງການສະແຫວງຫາຄວາມສະເໝີພາບກັນ ຂອງມະນຸດ, ຍົກສູງສິດ ແລະ ປົກປ້ອງຜົນປະໂຫຍດຄວາມເປັນທໍາໃຫ້ກັບປະຊາຊົນຊາວຜູ້ອອກແຮງງານ. ໃນພາກປະຕິບັດຕົວຈິງ, ຫຼັກການແຫ່ງການຢູ່ຮ່ວມກັນຢ່າງສັນຕິ ແມ່ນໄດ້ກຳເນີດເກີດຂຶ້ນຢູ່ໃນດິນແດນອາຊີ ແລະ ໄດ້ປະກາດນໍາໃຊ້ຫຼັກການນີ້ຢ່າງເປັນທາງການ ໃນວັນທີ 29 ມິຖຸນາ 1954 ໂດຍໃນຍຸກຂອງ ທ່ານ ອະດີດນາຍົກລັດຖະມົນຕີ ໂຈວ ເອີ໋ນຫຼາຍ, ຂອງ ຈີນ. ຫຼັກການດັ່ງກ່າວໄດ້ຄ່ອຍໆຖືກຍອມຮັບ ແລະ ຈັດຕັ້ງປະຕິບັດຢ່າງເປັນຮູບປະທຳ, ໃນຫຼາຍປະເທດບ້ານໃກ້ເຮືອນຄຽງ ໂດຍສະເພາະບັນດາປະເທດທີ່ຮັກຫອມສັນຕິພາບໃນທົ່ວໂລກນີ້ຕ່າງກໍໄດ້ຍຶດເອົາຫຼັກການດັ່ງກ່າວເປັນທີ່ຕັ້ງ ແລະ ຍອມຮັບຢ່າງກວ້າງຂວາງສູ່ປະຊາຄົມໂລກ. ໃນປີ 1955 ຫຼັກການດັ່ງກ່າວໄດ້ຖືກບັນຈຸເຂົ້າໃນກົດບັດຂອງສະຫະປະຊາຊາດ ທີ່ໄດ້ປະຕິບັດຢ່າງເປັນຫຼັກການ ແລະ ໃນລະດັບພາກພື້ນ ກໍໄດ້ຖືກນຳໃຊ້ເຂົ້າໃນກົດບັດຂອງ ອາຊຽນ ເພື່ອເປັນຫຼັກການພື້ນຖານອັນສຳຄັນໃນການຮັດແໜ້ນການຮ່ວມມືພາຍໃນພາກພື້ນ ແລະ ກັບຄູ່ເຈລະຈາພາຍນອກ.

ໃນຕອນເຊົ້າຂອງວັນທີ 5 ມິຖຸນາ 2024 ທີ່ນະຄອນຫຼວງວຽງຈັນ, ທ່ານ ບໍວອນທັດ ດວງຈັກ, ເອກອັກຄະລັດຖະທູດ, ຜູ້ຕາງໜ້າຖາວອນ ແຫ່ງ ສປປ ລາວ ປະຈໍາອາຊຽນ ໃນນາມປະທານຄະນະກໍາມະການຜູ້ຕາງໜ້າຖາວອນປະຈໍາອາຊຽນ ສໍາລັບປີ 2024 ໄດ້ເປັນປະທານກອງປະຊຸມຄະນະກໍາມະການຜູ້ຕາງໜ້າຖາວອນປະຈໍາອາ ຊຽນ ຄັ້ງທີ 6 (The Sixth Meeting of the Committee of Permanent Representatives to ASEAN (CPR) - 6/2024 CPR Meeting). ເຂົ້າຮ່ວມກອງປະຊຸມມີບັນດາຜູ້ຕາງໜ້າຖາວອນປະຈໍາອາຊຽນ, ຕີມໍແລັດສະເຕ ໃນນາມຜູ້ສັງເກດການ ແລະ ກອງເລຂາອາຊຽນ.