ໃນວັນທື 27/02-03/03/2016 ນີ້, ຕາງໜ້າໃຫ້ຄະນະພົວພັນຕ່າງປະເທດສູນກາງພັກ ນຳໂດຍທ່ານ ບຸນຍັງ ໄຊຊະນະວົງ, ຫົວໜ້າກົມພົວພັນສາກົນຂອງອົງການຈັດຕັ້ງມະຫາຊົນ ພ້ອມດ້ວຍຄະນະໄດ້ນຳເອົາເຄື່ອງຊ່ວຍເຫລືອຈາກສະມາຄົມມິດຕະພາບ ສ.ເກົາຫລີ-ລາວ,  ໂດຍແມ່ນເຄື່ອງນຸ່ງຮົ່ມກັນໜາວຈຳນວນ 60 ແກັດ ແລະ ເກີບກິລາ (ບັງຕຸບ) ຈຳນວນ 800 ຄູ່ ເພື່ອມອບໃຫ້ປະຊາຊົນສອງແຂວງພາກເໜືອຄື: ແຂວງຊຽງຂວາງ ແລະ ແຂວງຫົວພັນ, ຈຸດປະສົງໃນການມອບ-ຮັບເຄື່ອງຊ່ວຍເຫລືອຄັ້ງນີ້ ແມ່ນເພື່ອຊ່ວຍເຫລືອປະຊາຊົນທີ່ໄດ້ຮັບເຄາະຮ້າຍ ຈາກຜົນກະທົບໄພໜາວທີ່ຜ່ານມາ, ໂດຍສະເພາະປະຊາຊົນຢູ່ເຂດມືອງຄູນ, ເມືອງໝອກ ແລະ ເມືອງຜາໄຊແຂວງຊຽງຂວາງ. ສ່ວນຢູ່ແຂວງຫົວພັນແມ່ນໄດ້ມອບໃຫ້ປະຊາຊົນເຂດເມືອງ ຊຳເໜືອ, ເມືອງຊຳໃຕ້ ແລະ ເມືອງວຽງໄຊ.

ຜູ້​ແທນ​ການ​ຄ້າ​ປະເທດ​ສະຫະ​ລັດ​ອາ​ເມ​ຣິ​ກາ ທ່ານ ໄມ​ໂຄ ໂຟຼ​ແມນ ແລະ ລັດຖະມົນຕີ​ກະຊວງ​ອຸດສາຫະກຳ ແລະ ການ​ຄ້າຂອງ ​ສປປ ລາວ ທ່ານ​ນາງ ເຂັມ​ມະນີ ພົນ​ເສນາ ໄດ້​ເຊັນ​ສັນຍາ​ການ​ຄ້າ ແລະ ການ​ລົງທຶນສອງ​ຝ່າຍ ເຊິ່ງ​ທັງ​ສອງ​ທ່ານ​ໄດ້ເປັນ​ປະທານ​ຮ່ວມ​ກອງ​ປະຊຸມ ​ລັດຖະ​ມົນຕີ​ເສດຖະກິດ​ອາ​ຊຽນ-ອາເມ​ຣິ​ກາ​ ຢູ່​ຊານ​ຟຼານ​ຊິດ​ໂກ ລັດແຄ​ລິ​ຟໍ​ເນຍ​ ອາທິດ​ທີ່​ຜ່ານ​ມາ.

​ໃນຕອນ​ເຊົ້າ ຂອງ ​ວັນ​ທີ 15 ກຸມພາ 2016 ທີ່​ສະ​ໂມ​ສອນ​ໃຫ່ຍ ຂອງຫ້ອງ​ວ່າການ​ເມືອງ​ສັງ​ທອງ, ໄດ້​ມີ​ຈັດ​ປາຖະກະຖາ, ສາຍຮູບ​ເງົາ ​ແລະ ວາງສະ​ແດງ​ຮູບ​ພາບ ​ເພື່ອ​ລະນຶກ​ວັນ​ຄ້າຍ​ວັນ​ເກີດ ຂອງ​ສະຫາຍ ກິມ ​ເຈິ​ງ ອິນ,ຜູ້​ນໍາ​ທີ່​ຍິ່ງ​ໃຫ່ຍຕະຫລອດ​ການຂອງ​ປະຊາຊົນ ​ເກົາຫລີ ຄົບຮອບ 74 ປີ(16/2/1942-16/2/2016). ​ເຂົ້າຮ່ວມ​ໃນ​ງານ​ປາຖະກະຖາ​ຄັ້ງນີ້ ມີ ສະຫາຍ ຄໍາ​ພັນ ສິດທິ​ດໍາ​ພາ, ກໍາມະການ​ສູນ​ກາງ​ພັກ ປະທານ​ສານປະຊາຊົນ​ສູງ​ສຸດ, ຮອງ​ປະທານ​ສະມາຄົມ​ມິດຕະພາບ​ລາວ-ສປປ ເກົາຫລີ, ສະຫາຍ ຄໍາໝູນ ຕຽງທະລາ​ດ, ​ເລຂາ​ພັກ​ເມືອງ ​ເຈົ້າ​ເມືອງ ​ເມືອງ​ສັງ​ທອງ ​ແລະ ສະຫາຍ ລີ​ຊາງ ກູນ, ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອໍານາດ​ເຕັມ ​ແຫ່ງສປປ ​ເກົາຫລີ ປະ​ຈໍາ ສປປ ລາວແລະ ມີ​ພະນັກງານ​ຫລັກ​ແຫ​ລ່ງອ້ອມ​ຂ້າງ​ເມືອງ​ສັງ​ທອງ​ເຂົ້າຮ່ວມ​ເປັນ​ຈໍານວນ 200 ກ່ວາ​ຄົນ.