ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຄະນະຜູ້ແທນ ສປປ ລາວ ສຳເລັດການເຂົ້າຮ່ວມກອງປະຊຸມທົບທວນຄືນກາງສະໄຫມການຈັດຕັ້ງປະຕິບັດແຜນດຳເນີນງານອິດສະຕັນບູນສຳລັບປະເທດດ້ອຍພັດທະນາ

am un

   ຄະນະຜູ້ແທນລາວ ນຳໂດຍ ທ່ານ ປອ.ຄຳລຽນ ພົນເສນາ, ຮອງລັດຖະມົນຕີກະຊວງແຜນການ ແລະ ການລົງທຶນ ພ້ອມດ້ວຍຄະນະຈາກສະພາແຫ່ງຊາດ, ກະຊວງການຕ່າງປະເທດ ແລະ ກະຊວງແຜນການ ແລະ ການລົງທຶນ ໄດ້ສຳເລັດການເຂົ້າຮ່ວມ ກອງປະຊຸມທົບທວນຄືນກາງສະໄຫມ ການຈັດຕັ້ງປະຕິບັດແຜນດຳເນີນງານ ອິດສະຕັນບູນ (Istanbul Programme of Action - IPoA) ແຕ່ປີ 2011 ເຖິງປີ 2020 ສຳລັບປະເທດດ້ອຍພັດທະນາ, ຊຶ່ງໄດ້ຈັດຂຶ້ນແຕ່ວັນທີ 27-29 ພຶດສະພາ 2016, ທີ່ ເມືອງອານຕາເລຍ, ປະເທດຕວັກກີ. ກອງປະຊຸມດັ່ງກ່າວຖືກຈັດຂຶ້ນຮ່ວມກັນ ໂດຍລັດຖະບານຕວັກກີ ແລະ ອົງການສະຫະປະຊາຊາດ ພາຍໃຕ້ຫົວຂໍ້ ''ການເປັນຄູ່ຮ່ວມມືເພື່ອສ້າງການປ່ຽນແປງດ້ານການພັດທະນາຢ່າງຕັ້ງຫນ້າຢູ່ປະເທດດ້ອຍພັດທະນາ'' ໂດຍການເປັນປະທານ ຂອງ ພະນະທ່ານ ເມບລຸດ ຊາວວຸສໂອກໂລ (MevlütÇavuşoğlu), ລັດຖະມົນຕີກະຊວງການຕ່າງປະເທດ ຂອງປະເທດຕວັກກີ ແລະ ມີຜູ້ແທນຂັ້ນສູງ ຈາກລັດຖະບານຂອງປະເທດສະມາຊິກ ແລະ ຜູ້ຕາງຫນ້າທີ່ກ່ຽວຂ້ອງຈາກສະພາ, ອົງການຈັດຕັ້ງພາກພື້ນແລະສາກົນ, ສັງຄົມພົນລະເຮືອນ, ພາກເອກະຊົນ, ມູນນິທິ, ສະຖາບັນຄົ້ນຄວ້າແລະສື່ມວນຊົນ ເຂົ້າຮ່ວມ 2 ພັນກວ່າຄົນ.

   ກອງປະຊຸມລະດັບລັດຖະບານໄດ້ດຳເນີນໄປທັງໃນຮູບແບບກອງປະຊຸມຄົບຄະນະ ແລະ ກອງປະຊຸມໂຕະມົນລະດັບສູງ 4 ຄັ້ງ. ນອກຈາກນັ້ນ, ຍັງມີກອງປະຊຸມທີ່ປິ່ນອ້ອມແຕ່ວັນທີ 26 ຫາ 29 ພຶດສະພາ ລວມທັງຫມົດ 25 ກອງປະຊຸມ, ເຊິ່ງຈັດໂດຍອົງການເຄື່ອຂ່າຍສະຫະປະຊາຊາດ ຮ່ວມກັບປະເທດຕ່າງໆ, ພາກເອກະຊົນ, ສະພາ ແລະ ສັງຄົມພົນລະເຮືອນ. ກອງປະຊຸມເຫລົ່ານັ້ນ ໄດ້ພ້ອມກັນທົບທວນຄືນຄວາມຄືບຫນ້າ ແລະ ປຶກສາຫາລືກ່ຽວກັບສິ່ງທ້າຍທາຍ ແລະ ຂໍ້ສະເຫນີແນະສຳລັບ 5 ປີຕໍ່ຫນ້າ ໃນການຈັດຕັ້ງປະຕິບັດແຜນດຳເນີນງານ ອິດສະຕັນບູນ ທີ່ໄດ້ຖືກຮັບຮອງເອົາໃນກອງປະຊຸມສະຫະປະຊາຊາດ ວ່າດ້ວຍປະເທດດ້ອຍພັດທະນາ ຄັ້ງທີ 4 ໃນເດືອນ ພຶດສະພາ ປີ 2011 ທີ່ອິດສະຕັນບູນໂດຍມີເປົ້າຫມາຍລວມ ເພື່ອຊ່ວຍເຫລືອບັນດາປະເທດດ້ອຍພັດທະນາໃຫ້ສາມາດບັນລຸເງື່ອນໄຂການຫລຸດພົ້ນອອກຈາກສະຖານະພາບປະເທດດ້ອຍພັດທະນາ ໃຫ້ໄດ້ເຄິ່ງຫນຶ່ງ ໂດຍການຈັດຕັ້ງປະຕິບັດ 8 ຂົງເຂດບູລິມະສິດຄື: 1) ຂີດຄວາມສາມາດດ້ານການຜະລິດ; 2) ກະສິກຳ, ໂພຊະນາການ ແລະ ການພັດທະນາຊົນນະບົດ; 3) ການຄ້າ; 4) ການຜະລິດສິນຄ້າ; 5) ການພັດທະນາຊັບພະຍາກອນມະນຸດ ແລະ ສັງຄົມ; 6) ການຮັບມືກັບວິກິດການແລະສິ່ງທ້າຍທາຍຕ່າງໆທີ່ເກີດຂຶ້ນ; 7) ແຫລ່ງເງິນທຶນ; ແລະ 8) ການປົກຄອງທີ່ດີ.

ພ້ອມດຽວກັນນັ້ນ, ກອງປະຊຸມຍັງໄດ້ເນັ້ນເຖິງຄວາມສຳຄັນໃນການຊ່ວຍເຫລືອປະເທດດ້ອຍພັດທະນາ ເພື່ອເຊື່ອມສານການຈັດຕັ້ງປະຕິບັດຂອບການຮ່ວມມືສາກົນອື່ນໆເຊັ່ນ: ວາລະການພັດທະນາແບບຍືນຍົງ     ຮອດປີ 2030 ແລະ ເປົ້າຫມາຍການພັດທະນາແບບຍືນຍົງ, ວາລະການດຳເນີນງານອາດີສອາບາບາ (Addis Ababa) ວ່າດ້ວຍການສະຫນອງທຶນເພື່ອການພັດທະນາ, ແຜນດຳເນີນງານເຊັນໄດກ່ຽວກັບການຫລຸດຜ່ອນຄວາມສ່ຽງໄພພິບັດ (Sendai 2015-2030) ແລະ ສັນຍາປາຣີວ່າດ້ວຍການປ່ຽນແປງຂອງດິນຟ້າອາກາດ (Paris Climate Conference – COP21).

    ໃນພິທີເປີດກອງປະຊຸມວັນທີ 27 ພຶດສະພາ, ທ່ານປະທານກອງປະຊຸມ ໄດ້ເນັ້ນຫນັກວ່າ ຕ້ອງສ້າງຄູ່ຮ່ວມມືໃຫມ່ ແລະ ຕິດຕາມການຈັດຕັ້ງປະຕິບັດຂອບການຮ່ວມມືຕ່າງໆ, ຕ້ອງເພີ້ມສະມັດຕະພາບດ້ານການຜະລິດ, ເສີມຂະຫຍາຍໂຄງລ່າງພື້ນຖານ ແລະ ໃຫ້ການສະຫນັບສະຫນູນດ້ານການເງິນ ແລະ ເຕັກນິກວິຊາການແກ່ປະເທດດ້ອຍພັດທະນາຫລາຍຍິ່ງຂຶ້ນ, ວົງຄະນາຍາດສາກົນ ຕ້ອງຮັກສາຄຳຫມັ້ນສັນຍາສາກົນທີ່ໃຫ້ໄວ້ໂດຍສະເພາະການຊ່ວຍເຫລືອທາງການເພື່ອການພັດທະນາທີ່ໄດ້ຫລຸດລົງໃນຊຸມປີຜ່ານມາ. ນອກຈາກນັ້ນ, ທ່ານປະທານສະມັດຊາໃຫຍ່ອົງການສະຫະປະຊາຊາດ ກໍ່ກ່າວວ່າ ປະຊາຊົນຜູ້ທຸກຍາກ ບໍ່ສາມາດຈະທົນລໍຖ້າກາລະໂອກາດໃນອານາຄົດໄດ້ອີກ, ສະນັ້ນ, ຈຶ່ງເປັນເວລາ ທີ່ສາກົນ ຕ້ອງຈັດຕັ້ງປະຕິບັດບັນດາຂໍ້ຕົກລົງດ້ານການຮ່ວມມືຫລາຍໆອັນທີ່ໄດ້ກຳນົດແນວທາງການພັດທະນາຢ່າງຊັດເຈນ ໂດຍສະເພາະຕ້ອງເສີມສ້າງການເປັນຄູ່ຮ່ວມໃຫ້ເຂັ້ມແຂງ ເພື່ອພັກດັນໃຫ້ມີການຫັນປ່ຽນດ້ານໂຄງສ້າງການພັດທະນາຢູ່ປະເທດດ້ອຍພັດທະນາ ເພື່ອຮັບປະກັນໃຫ້ປະເທດເຫລົ່ານີ້ ສາມາດບັນລຸເງື່ອນໄຂຫລຸດພົ້ນອອກຈາກສະຖານະພາບປະເທດດ້ອຍພັດທະນາໃຫ້ໄດ້ເຄິ່ງຫນຶ່ງ ໃນ 5 ປີ ຕໍ່ຫນ້າ.ພ້ອມກັນນັ້ນ, ທ່ານ ນາງ ເຮເລັນ ຄລາກ, ຜູ້ອຳນວຍການໃຫຍ່ອົງການສະຫະປະຊາຊາດເພື່ອການພັດທະນາ ກໍ່ໄດ້ອ່ານສານ ຂອງທ່ານ ບັນ ກີ-ມູນ, ເລຂາທິການໃຫຍ່ອົງການສະຫະປາຊາດ, ເຊິ່ງໃນນັ້ນ ໄດ້ຊີ້ໃຫ້ເຫັນວ່າ ຄວາມຄືບຫນ້າດ້ານການພັດທະນາໃນໄລຍະຜ່ານມາ ແມ່ນບໍ່ທົ່ວເຖິງແລະເທົ່າທຽມກັນ, ການຊ່ວຍເຫລືອທາງການເພື່ອການພັດທະນາພຽງຢ່າງດຽວ ແມ່ນບໍ່ພຽງພໍ, ຈຳເປັນຕ້ອງມີການເປັນຄູ່ຮ່ວມລະຫວ່າງພາກລັດແລະເອກະຊົນ ແລະ ມີຂໍ້ລິເລີ່ມຕ່າງໆລະຫວ່າງປະເທດພັດທະນາແລ້ວ ແລະ ປະເທດກຳລັງພັດທະນາ ແລະ ລະຫວ່າງປະເທດກຳລັງພັດທະນາດ້ວຍກັນເພີ້ມຂຶ້ນ ເພື່ອສະຫນັບສະຫນູນການພັດທະນາປະເທດຂອງປະເທດດ້ອຍພັດທະນາ.

          ໃນໂອກາດເຂົ້າຮ່ວມກອງປະຊຸມຄັ້ງນີ້, ທ່ານ ປອ.ຄໍາລຽນ ພົນເສນາ, ຮອງລັດຖະມົນຕີ ກະຊວງແຜນການ ແລະ ການລົງທຶນ, ຫົວຫນ້າຄະນະຜູ້ແທນແຫ່ງ ສປປ ລາວ ໄດ້ຂຶ້ນກ່າວປະກອບຄຳເຫັນໃນກອງປະຊຸມຄົບຄະນະ ໂດຍໄດ້ຊີ້ໃຫ້ຄວາມຄືບຫນ້າ ແລະ ສິ່ງທ້າທາຍໂດຍລວມຂອງປະເທດດ້ອຍພັດທະນາໃນການຈັດຕັ້ງປະຕິບັດແຜນດຳເນີນງານອິດສະບູນ ລວມທັງຄວາມພະຍາຍາມຂອງສປປລາວໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໃນແຕ່ລະໄລຍະເພື່ອນຳພາປະເທດຊາດໃຫ້ຫລຸດພົ້ນອອກຈາກສະຖານະພາບປະເທດດ້ອຍພັດທະນາໃນປີ 2020 ລວມທັງການເຊື່ອມສານວາລະການພັດທະນາສາກົນເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດໃນແຕ່ລະໄລຍະໃຫ້ມີຄວາມສອດຄ່ອງ. ນອກຈາກນັ້ນ, ທ່ານ ຄຳລຽນພົນເສນາກໍ່ໄດ້ຖືກເຊີນໃຫ້ເປັນຫນຶ່ງໃນຜູ້ນຳສະເຫນີຢູ່ເວທີສົນທະນາ ໂດຍການເປັນປະທານຂອງ Ms. Shamshad Akhtar, ເລຂາທິການຂອງຄະນະກຳມາທິການເສດຖະກິດ-ສັງຄົມສະຫະປະຊາຊາດ ປະຈຳພາກພື້ນອາຊີ-ປາຊີຟິກ (Executive Secretaryof United Nations Economic and Social Commission for Asia and the Pacific), ໃນນັ້ນທ່ານໄດ້ສະເໜີບົດຮຽນຂອງ ສປປ ລາວ ກ່ຽວກັບການເຊື່ອມສານ ແລະ ການຈັດຕັ້ງປະຕິບັດແຜນດຳເນີນງານອິດສະຕັນບູນ ກໍຄືເປົ້າຫມາຍການພັດທະນາແບບຍືນຍົງຂອງສາກົນ ໃນຂອບແຜນພັດທະນາເສດຖະກິດ - ສັງຄົມ ແຫ່ງຊາດ 5 ປີ ຄັ້ງທີ VIII. ພ້ອມກັນນັ້ນ, ກໍໄດ້ປະກອບຄຳເຫັນກ່ຽວກັບບັນຫາປະຊາກອນ ແລະ ການພັດທະນາ ຢູ່ກອງປະຊຸມທີ່ຈັດໂດຍ ອົງການສະຫະປະຊາຊາດກອງທຶນປະຊາກອນ ອີກດ້ວຍ.

ກອງປະຊຸມໄດ້ປິດລົງໃນຕອນແລງຂອງວັນທີ 29 ພຶດສະພາດ້ວຍຜົນສຳເລັດຕາມຈຸດປະສົງທີ່ວາງໄວ້ ໂດຍການຮັບຮອງເອົາຖະແຫລງການດ້ານການເມືອງຂອງກອງປະຊຸມຄັ້ງນີ້, ເຊິ່ງໃນນັ້ນໄດ້ຢ້ຳຄືນຄຳຫມາຍຫມັ້ນໃນການຈັດຕັ້ງປະຕິບັດແຜນດຳເນີນງານອິດສະຕັນບູນໃຫ້ມີປະສິດທິຜົນຢ່າງເຕັມປ່ຽມ ແລະ ທັນການ, ຄວາມຈຳເປັນໃນການຊຸກຍູ້ໃຫ້ທຸກຂະແຫນງການມີຄວາມຄືບຫນ້າ, ຮັດແຫນ້ນການເປັນຄູ່ຮ່ວມມືສາກົນໃຫ້ເຂັ້ມແຂງ, ສະຫນັບ ສະຫນູນການນຳພາ ແລະ ຄວາມເປັນເຈົ້າການຂອງປະເທດດ້ອຍພັດທະນາ. ພ້ອມນັ້ນຍັງມີຂໍ້ສະເຫນີແນະໃນ 14 ຂົງເຂດວຽກງານ ອັນສຳຄັນແມ່ນກ່ຽວຂ້ອງກັບການສະຫນອງທຶນເພື່ອການພັດທະນາ ລວມທັງການຊ່ວຍເຫລືອທາງການເພື່ອການພັດທະນາໂດຍຈະຈັດສັນ 0.2% ຂອງລວມຍອດລາຍຮັບແຫ່ງຊາດຂອງປະເທດພັດທະນາແລ້ວໃຫ້ແກ່ປະເທດດ້ອຍພັດທະນາ ກໍຄືການລະດົມທຶນພາຍໃນປະເທດ.

ອົງການສະຫະປະຊາຊາດໄດ້ຮັບຮອງເອົາກຸ່ມປະເທດດ້ອຍພັດທະນາໃນປີ 1971, ເຊິ່ງໃນຕອນນັ້ນມີພຽງ 25 ປະເທດ ແລະ ມາຮອດປະຈຸບັນປະເທດດ້ອຍພັດທະນາໄດ້ເພີ້ມຂຶ້ນເປັນ 48 ປະເທດ. ນັບຕັ້ງແຕ່ປີ 1971 ເປັນຕົ້ນມາ, ມີແຕ່ 4 ປະເທດເທົ່ານັ້ນ ທີ່ໄດ້ຫລຸດພົ້ນອອກຈາກສະຖານະພາບປະເທດດ້ອຍພັດທະນາ ຄື: ປະເທດບົດສະວານາປີ 1994, ປະເທດກັບແວກ ປີ 2007, ປະເທດມານດິຟປີ 2011 ແລະ ປະເທດຊາມົວປີ 2014.

ແຈ້ງການ

    

* ລັດຖະມົນຕີວ່າການກະຊວງການຕ່າງປະເທດ ແຫ່ງ ຣາຊະອານາຈັກໄທ ຈະເດີນທາງຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 30 ພຶດສະພາ 2024 (27 ພຶດສະພາ 2024)

  

* ແຈ້ງການ ກ່ຽວກັບ ການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນທົ່ວໄປ (22 ກຸມພາ 2024)

  

*ASEAN FOREIGN MINISTERS’ STATEMENT ON THE EARTHQUAKE IN JAPAN (January 4th, 2024)

  

*ເວັບໄຊທາງການ ການເປັນປະທານອາຊຽນ ປີ 2024 ຂອງ ສປປ ລາວ (17 ພະຈິກ 2023)

  

*ຄໍາຂວັນ ແລະ ກາໝາຍ ການເປັນປະທານອາຊຽນ ປີ 2024 ຂອງ ສປປ ລາວ (8 ພະຈິກ 2023)

  

* ຂໍ້ມູນ: ການເປັນປະທານອາຊຽນຂອງ ສປປ ລາວ ໃນປີ 2024

  

* ກົມກົງສຸນ ອອກບົດຖະແຫຼງຂ່າວ ກ່ຽວກັບ ການອອກໜັງສືຜ່ານແດນ

   

* ຖະແຫຼງການ ຂອງກະຊວງການຕ່າງປະເທດ ກ່ຽວກັບ ສະຖານະການຄວາມຮຸນແຮງ ລະຫວ່າງ ອິດສະຣາແອນ ແລະ ປາແລັດສະຕິນ (10 ຕຸລາ 2023)

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ກັບການນຳໃຊ້ລະເບີດລູກຫວ່ານ. (10 ກໍລະກົດ 2023)

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ. (ອັບເດດ 19 ເມສາ 2023)

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia).

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
492684
ມື້ນີ້184
ມື້ວານ306
ອາທິດນີ້381
ເດືອນນີ້6077