ໃນຕອນບ່າຍຂອງ ວັນທີ 21 ພຶດສະພາ 2024, ຢູ່ ສໍານັກງານປະທານາທິບໍດີ (Belweder Palace) ນະ ຄອນຫຼວງ ວາກໂຊວີ, ສາທາລະນະລັດ ໂປໂລຍ, ທ່ານ ໄມບົວ ໄຊຍະວົງ, ໄດ້ເຂົ້າຍື່ນສານຕາຕັ້ງຕໍ່ ພະນະທ່ານ ອານ ເດຣ ດູດາ (H.E Mr. Andrzej DUDA), ປະທານາທິບໍດີ ແຫ່ງ ສາທາລະນະລັດ ໂປໂລຍ ເພື່ອດຳລົງຕຳແໜ່ງ ເປັນເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົນໃໝ່ ປະຈຳ ສາທາລະນະລັດ ໂປໂລຍ, ຊຶ່ງມີສໍານັກງານຕັ້ງ ຢູ່ ນະຄອນຫຼວງ ແບກແລງ, ປະເທດ ເຢຍລະມັນ.

ໃນວັນທີ 20 ພຶດສະພາ 2024, ທີ່ ໂຮງແຮມ ຄຣາວພລາຊ່າ, ນະຄອນຫຼວງວຽງຈັນ, ກົມອາຊຽນ ໄດ້ເຮັດວຽກຮ່ວມກັບ Temasek Foundation ແລະ ກອງເລຂາອາຊຽນ ໄດ້ຈັດກອງປະຊຸມສໍາມະນາ ASEAN Prize Symposium 2024, ຊຶ່ງເປັນໜຶ່ງໃນວຽກງານຂອງການໂຄສະນາເຜີຍແຜ່, ຍົກສູງບົດບາດ ແລະ ຄວາມສຳຄັນຂອງ ASEAN Prize ກ່ອນການຄັດເລືອກຜູ້ໄດ້ຮັບລາງວັນໃນທີ 31 ພຶດສະພາ 2024 ນີ້.

ໃນວັນທີ 13 ພຶດສະພາ 2024, ຢູ່ ສໍານັກງານໃຫຍ່ອົງການການຄ້າໂລກ (ອຄລ) ທີ່ ເຊີແນວ, ປະເທດ ສະວິດສ, ໂດຍການມອບໝາຍຈາກລັດຖະບານ ແຫ່ງ ສປປ ລາວ, ທ່ານ ລັດສະໝີ ແກ້ວມະນີ, ເອກອັກຄະລັດຖະທູດວິສາມັນຜູ້ມີອໍານາດເຕັມ, ຜູ້ຕາງໜ້າຖາວອນ ແຫ່ງ ສປປ ລາວ ປະຈຳ ຫ້ອງການ ສປຊ ແລະອົງການຈັດຕັ້ງສາກົນອື່ນໆ ທີ່ ເຊີແນວ, ໄດ້ເປັນກຽດມອບເອກະສານສັດຕະຍາບັນສັນຍາວ່າດ້ວຍການຖົມຂຸມການປະມົງ (WTO Fisheries Subsidies Agreement) ຕໍ່ ທ່ານ ນາງ Ngozi Okonjo-Iweala,  ຜູ້ອໍານວຍການໃຫ່ຍ ອຄລ.