ພະນະທ່ານ ຟຣັງຊົວ ໂຮນລັງ

ປະທານາທິບໍດີ ແຫ່ງ ສາທາລະນະລັດ ຝຣັ່ງ

ທີ່ ນະຄອນຫຼວງປາຣີ

ພະນະທ່ານ,

ພວກຂ້າພະເຈົ້າ ໄດ້ຮັບຊາບຂ່າວດ້ວຍຄວາມເສົ້າໂສກ ກ່ຽວກັບ ເຫດການສະຫຍອງຂວັນທີ່ເກີດຂຶ້ນ, ຈາກການກະທຳທີ່ໂຫດຮ້າຍປ່າເຖື່ອນ ໂດຍຄົນຮ້າຍໄດ້ຂັບລົດບັນທຸກແລ່ນເຂົ້າຕຳປະຊາຊົນ ທີ່ກຳລັງຢືນຊົມບັ້ງໄຟດອກ ແຄມຫາດຊາຍ ​ໂພຣ​ເມິ​ນາດ ​ເດ​ຊັງ​ແກຼ (Promenade des Anglais) ທີ່ເມືອງ ນິສ໌ ໃນໂອກາດສະເຫຼີມສອງວັນຊາດ ວັນທີ 14 ກໍລະກົດ 2016,    ຊຶ່ງເຮັດໃຫ້ມີຜູ້ເສຍຊີວິດ ແລະ ບາດເຈັບເປັນຈຳນວນຫຼວງຫຼາຍ. ສປປ ລາວ ກ່າວປະນາມຢ່າງແຂງແຮງ ຕໍ່ການກະທຳດັ່ງກ່າວຂອງກຸ່ມກໍ່ການຮ້າຍ.

ປະທານາທິບໍດີ ບາຣັກ ໂອບາມາ

ແຫ່ງ ສະຫະລັດ ອາເມລິກາ

ທີ່ ວໍຊິງຕັນ, ດີຊີ

ພະນະທ່ານ,

ເນື່ອງໃນໂອກາດວັນຊາດແຫ່ງ ສະຫະລັດ ອາເມລິກາ ຄົບຮອບ 240 ປີ,ຂ້າພະເຈົ້າ ໃນນາມລັດຖະບານ ແຫ່ງ ສປປ ລາວ ແລະ ໃນນາມສ່ວນຕົວ, ຂໍສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ແລະ ຜ່ານພະນະທ່ານ ໄປຍັງ ລັດຖະບານ ກໍ່ຄືປະຊາຊົນ ອາເມລິກາ ທຸກຖ້ວນໜ້າ.

ພະນະທ່ານ ເດວິດ ຈອນສະຕັນ,

ຜູ້ສຳເລັດລາດຊະການ ແຫ່ງ ການາດາ

ທີ່ ໂອຕາວາ

ພະນະທ່ານ,

          ເນື່ອງໃນໂອກາດວັນຊາດ ການາດາ ຄົບຮອບ 149 ປີ, ໃນນາມລັດຖະບານ ແຫ່ງ ສປປ ລາວ, ປະຊາຊົນ ແລະ ໃນນາມສ່ວນຕົວ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງພະນະທ່ານ ແລະ ຜ່ານພະນະທ່ານໄປຍັງປະຊາຊົນການາດາເພື່ອນມິດທຸກທົ່ວໜ້າ.