ວັນທີ 18 ພຶດສະພາ 2016
ພະນະທານນາຍົກລັດຖະມົນຕີ,
ຂ້າພະເຈົ້າຂໍສະແດງຄວາມຊົມເຊີຍ ມາຍັງພະນະທ່ານ ທີ່ໄດ້ຖືກເລືອກຕັ້ງໃຫ້ດຳລົງຕຳແໜ່ງເປັນ ນາຍົກລັດຖະມົນຕີ ແຫ່ງສາທາລະນະລັດປະຊາທິປະໄຕປະຊາຊົນລາວ.
ຫວ່າງບໍ່ດົນມານີ້, ພວກເຮົາໄດ້ສະເຫຼີມສະຫຼອງວັນສ້າງຕັ້ງສາຍພົວພັນການທູດລະຫວ່າງສປປລາວແລະສະຫະຣາຊະອານາຈັກອັງກິດ ແລະອຽກລັງເໜືອຄົບຮອບ 60 ປີ ແລະຂ້າພະເຈົ້າກໍມີຄວາມພາກພູມໃຈທີ່ເຫັນວ່າໃນປັດຈຸບັນຢູ່ນະຄອນຫຼວງຂອງທັງສອງປະເທດເຮົາ ມີສຳນັກງານການທູດຂອງຕົນ. ການສົ່ງເສີມສາຍພົວພັນດ້ານເສດຖະກິດ ແລະການເມືອງກັບບັນດາປະເທດສະມາຊິກອາຊຽນ,ໃນນັ້ນລວມທັງສປປລາວ, ແມ່ນບູລິມະສິດຫລັກສຳລັບປະເທດອັງກິດ.
ໃນຖານະທີ່ສປປລາວ ເປັນປະທານໝູນວຽນອາຊຽນຊຶ່ງເປັນບົດບາດທີ່ສຳຄັນຍິ່ງ, ພ້ອມທັງເປັນການສົ່ງເສີມການເຊື່ອມໂຍງເສດຖະກິດໃນພາກພື້ນ ແລະການຮັບມືກັບສິ່ງທ້າທາຍທາງດ້ານຄວາມໝັ້ນຄົງໃນພາກພື້ນ. ພວກເຮົາຂໍມີສ່ວນຮ່ວມໃນການປະຕິບັດພັນທະກັບ ສປປ ລາວ ໃນບັນຫາເຫຼົ່ານີ້ ແລະພວກເຮົາຫວັງວ່າຈະໄດ້ຮ່ວມເຮັດວຽກກັບພະນະທ່ານ ໃນອະນາຄົດ.
ດ້ວຍຄວາມເຄົາລົບ ແລະນັບຖື,
ເດວິດ ຄາເມຣອນ
ພະນະທ່ານ ທອງລຸນ ສີສຸລິດ
ພະນະທ່ານສະເຫຼີມໄຊກົມມະສິດ,
ລັດຖະມົນຕີກະຊວງການຕ່າງປະເທດ
ນະຄອນຫຼວງວຽງຈັນ,
ສາທາລະນະລັດປະຊາທິປະໄຕປະຊາຊົນລາວ
ພະນະທ່ານ,
ຂ້າພະເຈົ້າ ຂໍສະແດງຄວາມຊົມເຊີຍທີ່ພະນະທ່ານຖືກເລືອກຕັ້ງໃຫ້ດຳລົງຕຳແໜ່ງ ເປັນລັດຖະມົນຕີ ກະຊວງການຕ່າງປະເທດແຫ່ງສາທາລະນະລັດປະຊາທິປະໄຕປະຊາຊົນລາວ, ຂໍອວຍພອນໃຫ້ພະນະທ່ານຈົ່ງປະສົບຜົນສຳເລັດໃນໜ້າທີ່ອັນສູງສົ່ງຂອງພະນະທ່ານ.
ສາຍພົວພັນສອງຝ່າຍຂອງພວກເຮົາພວມມີທ່າຂະຫຍາຍຕົວດີ ໂດຍເຫັນໄດ້ຈາກການເປີດສະຖານເອກອັກຄະລັດຖະທູດ ຂອງທັງສອງປະເທດຄືນໃໝ່. ພວກເຮົາມີຄວາມສົນໃຈເປັນຢ່າງຍິ່ງທີ່ຈະສົ່ງເສີມການເປັນຄູ່ຮ່ວມມືທີ່ສ້າງສັນກັບສປປລາວ ໃນຂົງເຂດວຽກງານດ້ານການເມືອງ, ການຄ້າ ແລະການລົງທຶນ ແລະທັງເປັນການເສີມຂະຫຍາຍສາຍພົວພັນ ລະຫວ່າງປະຊາຊົນສອງຊາດ ລວມທັງໃນດ້ານການສຶກສາ.
ຂ້າພະເຈົ້າຂໍສະແດງຄວາມຊົມເຊີຍຕໍ່ຄວາມຄືບໜ້າທີ່ສປປລາວ ເຮັດໄດ້ໃນໄລຍະການເປັນປະທານ ໝູນວຽນອາຊຽນຂອງຕົນ, ໂດຍສະເພາະ ແມ່ນການສົ່ງເສີມການເຊື່ອມໂຍງເສດຖະກິດໃນພາກພື້ນ ແລະການຮັບມືກັບສິ່ງທ້າທາຍທາງດ້ານຄວາມໝັ້ນຄົງໃນພາກພື້ນ.
ດ້ວຍຄວາມເຄົາລົບ ແລະນັບຖື,
ຟີລິບ ແຮັມມ້ອນ