ເຖິງ: - ສະຫາຍ ບຸນຍັງ ວໍລະຈິດ,

ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

- ສະຫາຍ ທອງລຸນ ສີສຸລິດ,​

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ນະຄອນຫຼວງວຽງຈັນ

      ພວກຂ້າພະເຈົ້າ ຮູ້ສຶກສະເທືອນໃຈ ເມື່ອໄດ້ຮັບຂ່າວກ່ຽວກັບອຸບັດຕິເຫດຂອງໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນໍ້ານ້ອຍ ຢູ່ແຂວງອັດຕະປື, ພາກໃຕ້ຂອງລາວ ໃນຕອນຄໍ່າວັນທີ 23/7/2018 ຊຶ່ງເຮັດໃຫ້ຫຼາຍຮ້ອຍຄົນຖືກຫາຍສາບສູນ ແລະ ຫຼາຍພັນຄອບຄົວຖືກສູນເສຍເຮືອນຊານບ້ານຊ່ອງ.

      ຕາງໜ້າພັກ, ລັດ, ລັດຖະບານ ແລະ ປະຊາຊົນຫວຽດນາມ, ພວກຂ້າພະເຈົ້າຂໍສົ່ງຄວາມເຫັນອົກເຫັນໃຈ ແລະ ເສົ້າສະຫຼົດໃຈຢ່າງຈິງໃຈມາຍັງບັນດາສະຫາຍ ແລະ ປະຊາຊົນລາວອ້າຍນ້ອງ ພ້ອມກັບບັນດາຄອບຄົວຜູ້ປະສົບເຄາະຮ້າຍໃນຄັ້ງນີ້ດ້ວຍ. ພັກ, ລັດຖະບານ ແລະ ປະຊາຊົນຫວຽດນາມ ກຽມ ພ້ອມທີ່ຈະໃຫ້ການຊ່ວຍເຫລືອປະຊາຊົນລາວອ້າຍນ້ອງໃນຄວາມຫຍຸ້ງຍາກຄັ້ງນີ້.

      ພວກຂ້າພະເຈົ້າເຊື່ອໝັ້ນວ່າ ພັກ, ລັດຖະບານ ແລະ ປະຊາຊົນລາວອ້າຍນ້ອງ ຈະສາມາດຜ່ານຜ່າທຸກຄວາມຫຍຸ້ງຍາກ ແລະ ຟື້ນຟູຜົນກະທົບຂອງອຸບັດຕິເຫດໃນຄັ້ງນີ້ໃຫ້ກັບຄືນສູ່ສະພາບປົກກະຕິໂດຍໄວ.

ຮ່າໂນ້ຍ, ວັນທີ 24 ກໍລະກົດ 2018

ຫງວຽນ ຝູ້ ຈ້ອງ

ເລຂາທິການຄະນະບໍລິຫານງານສູນກາງພັກ ກອມມູນິດ ຫວຽດນາມ

ເຈິ່ນ ດ໋າຍ ກວ່າງ

ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ

ຫງວຽນ ຊັວນ ຟຸກ

ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິຍົມ ຫວຽດນາມ

ເຖິງ:   ສະຫາຍ ນາງ ປານີ ຢາທໍ່ຕູ້,

ປະທານສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທີ່ ນະຄອນຫຼວງວຽງຈັນ

          ເມື່ອໄດ້ຮັບຂ່າວກ່ຽວກັບອຸບັດຕິເຫດຂອງໂຄງການກໍ່ສ້າງເຂື່ອນໄຟຟ້າເຊປຽນ-ເຊນໍ້ານ້ອຍ ເຊິ່ງເຮັດໃຫ້ນໍ້າຖ້ວມຢ່າງຮ້າຍແຮງ ແລະ ສ້າງຄວາມເສຍຫາຍຢ່າງໜັກໜ່ວງເຖິງຊີວິດຂອງປະຊາຊົນ ແລະ ຊັບສິນ ຢູ່ແຂວງອັດຕະປື, ພາກໃຕ້ລາວ, ຂ້າພະເຈົ້າຮູ້ສຶກຕົກໃຈ ແລະ ສະເທືອນໃຈ ຕໍ່ກັບຄວາມເສຍຫາຍອັນໃຫຍ່ຫຼວງຂອງປະຊາຊົນເຂດທີ່ຖືກຜົນກະທົບໃນຄັ້ງນີ້.

ຕາງໜ້າສະພາແຫ່ງຊາດ ແລະ ປະຊາຊົນ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ຂ້າພະເຈົ້າ ຂໍສົ່ງຄວາມຢ້ຽມຢາມຖາມຂ່າວຢ່າງຈິງໃຈ ແລະ ເລິກເຊິ່ງມາຍັງສະຫາຍ ແລະ ປະຊາຊົນລາວ ອ້າຍນ້ອງ ພ້ອມດ້ວຍບັນດາຄອບຄົວຜູ້ປະສົບເຄາະຮ້າຍ ແລະ ບັນດາຜູ້ຖືກກະທົບໃນຄັ້ງນີ້.

ຂ້າພະເຈົ້າເຊື່ອໝ້ັນວ່າ, ພາຍໃຕ້ການນຳພາ ແລະ ເອົາໃຈໃສ່ ຂອງພັກ, ລັດ ແລະ ສະພາແຫ່ງຊາດ ລາວ, ປະຊາຊົນລາວອ້າຍນ້ອງຈະສາມາດຜ່ານຜ່າຄວາມເສຍຫາຍ, ແກ້ໄຂຜົນຮ້າຍຂອງອຸບັດຕິເຫດໃນຄັ້ງນີ້ໂດຍໄວ.

ສະພາແຫ່ງຊາດ ແລະ ປະຊາຊົນຫວຽດນາມ ຍາມໃດກໍ່ຢູ່ຄຽງຂ້າງປະຊາຊົນລາວ ອ້າຍນ້ອງໃນຊ່ວງເວລາ ທີ່ຫຍຸ້ງຍາກຄັ້ງນີ້.

                                                          ນະຄອນຫຼວງຮ່າໂນ້ຍ, ວັນທີ 25 ກໍລະກົດ 2018

     ຫງວຽນ ຖິ ກີມ ເງິນ

     ປະທານສະພາແຫ່ງຊາດ

         ແຫ່ງ ສາທາລະນະລັດ ສັງຄົມນິຍົມ ຫວຽດນາມ

ເຖິງ:   ສະຫາຍ ສະເຫຼີມໄຊ ກົມມະສິດ,

ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ນະຄອນຫຼວງວຽງຈັນ

      ໄດ້ຮັບຂ່າວກ່ຽວກັບອຸບັດຕິເຫດຂອງໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນໍ້ານ້ອຍ ຢູ່ແຂວງອັດຕະປື, ພາກໃຕ້ຂອງລາວ ໃນຕອນຄໍ່າວັນທີ 23/7/2018 ຊຶ່ງເຮັດໃຫ້ຫຼາຍຮ້ອຍຄົນຖືກຫາຍຊາບສູນ ແລະ ຫຼາຍພັນຄອບຄົວຖືກສູນເສຍເຮືອນຊານບ້ານຊ່ອງ, ຂ້າພະເຈົ້າຂໍສົ່ງຄໍາຢື້ຢາມຖາມຂ່າວຢ່າງຈິງໃຈມາຍັງ ສະຫາຍ ແລະ ໂດຍຜ່ານສະຫາຍໄປຍັງປະຊາຊົນລາວ ພ້ອມກັບບັນດາຄອບຄົວຜູ້ປະສົບເຄາະຮ້າຍໃນຄັ້ງນີ້ດ້ວຍ.

      ພວກຂ້າພະເຈົ້າເຊື່ອໝັ້ນວ່າ ປະຊາຊົນລາວອ້າຍນ້ອງ ຈະສາມາດແກ້ໄຂຜົນກະທົບຂອງອຸບັດຕິເຫດໃນຄັ້ງນີ້ ແລະ ຟື້ນຟູຊີວິດການເປັນຢູ່ຂອງປະຊາຊົນໃຫ້ກັບສູ່ສະພາບປົກກະຕິໂດຍໄວ.

      ດ້ວຍຄວາມນັບຖືຢ່າງສູງ.

ຮ່າໂນ້ຍ,​ ວັນທີ 24 ກໍລະກົດ 2018

   ຟາມ ບິງ ມິ່ງ

ຮອງນາຍົກລັດຖະມົນຕີ,

ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ

ເຖິງ:    ພະນະທ່ານ ທອງລຸນ ສີສຸລິດ

                   ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ຂ້າພະເຈົ້າ ໄດ້ຮັບຊາບດ້ວຍຄວາມເສຍໃຈຢ່າງຍິ່ງ ກ່ຽວກັບເຫດອຸທົກກະໄພທີ່ພາກໃຕ້                  

ຂອງສາທາລະນະລັດ ປະຊາທິປະໄຕ ປະຊາຊົນລາວ ເຊິ່ງເກີດຈາກປະລິມານນ້ຳຝົນທີ່ເກີນຄວາມສາມາດໃນການ           ຮອງຮັບຂອງເຂື່ອນເຊປຽນ-ເຊນ້ຳນ້ອຍ ຈົນເກີດການສູນເສຍຕໍ່ຊີວິດ ແລະ ຊັບສິນຂອງປະຊາຊົນທີ່ອາໄສຢູ່ໃນ             ພື່້ນທີ່ດັ່ງກ່າວ

                   ໃນນາມຂອງລັດຖະບານໄທ ແລະ ປະຊາຊົນຊາວໄທ ຂ້າພະເຈົ້າ ຂໍສະແດງຄວາມເສຍໃຈຢ່າງສຸດຊຶ້ງມາຍັງລັດຖະບານ ສາທາລະນະລັດ ປະຊາທິປະໄຕ ປະຊາຊົນລາວ ແລະ ປະຊາຊົນຊາວລາວທີ່ໄດ້ຮັບຜົນກະທົບຈາກອຸທົກກະໄພດັ່ງກ່າວ ຂ້າພະເຈົ້າ ເຊື່ອໝັ້ນວ່າ ພາຍໃຕ້ການນຳຂອງ ພະນະທ່ານ ແລະ ຄວາມມຸ່ງໝັ້ນ                 ຂອງປະຊາຊົນຊາວລາວ ພີ່ນ້ອງຊາວລາວຈະສາມາດກ້າວຜ່ານໄພພິບັດໃນຄັ້ງນີ້ ແລະ ສະຖາ ນະການຈະຜ່ານພົ້ນ           ໄປດ້ວຍດີໃນໄວໆນີ້.

                   ໃນຖານະມິດປະເທດໃກ້ຊິດ ໄທພ້ອມ ແລະ ມຸ່ງໝັ້ນທີ່ຈະສະໜັບສະໜູນ ແລະ ຊ່ວຍເຫຼືອສາທາລະນະລັດ ປະຊາທິປະໄຕ ປະຊາຊົນລາວ ຢ່າງເຕັມທີ່ໃຫ້ກ້າວພົ້ນວິກິດການໃນຄັ້ງນີ້ໂດຍໄວ.

   ຂໍສະແດງຄວາມນັບຖື

ພົນເອກ ປຣະຍຸດ ຈັນໂອຊາ

   ນາຍົກລັດຖະມົນຕີ

ເຖິງ:    ພະນະທ່ານ ສະເຫຼີມໄຊ ກົມມະສິດ

                   ລັດຖະມົນຕີກະຊວງການຕ່າງປະເທດ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ

ຂ້າພະເຈົ້າ ໄດ້ຮັບຊາບກ່ຽວກັບເຫດອຸທົກກະໄພເຊິ່ງກໍ່ໃຫ້ເກີດຄວາມເສຍຫາຍຕໍ່ຊີວິດປະຊາຊົນ,ເຂື່ອນ, ເສັ້ນທາງ, ຄົມມະນາຄົມ, ບ້ານເຮືອນ ແລະ ຊັບສິນຂອງປະຊາຊົນທີ່ແຂວງຈຳປາສັກ ແລະ ແຂວງອັດຕະປື   ຂອງສາທາລະນະລັດ ປະຊາທິປະໄຕ ປະຊາຊົນລາວ

ໃນໂອກາດນີ້ ຂ້າພະເຈົ້າ ຂໍສະແດງຄວາມເສຍໃຈຢ່າງຍິ່ງມາຍັງປະຊາຊົນຜູ້ໄດ້ຮັບຜົນກະທົບ            

ເຊິ່ງຂ້າພະເຈົ້າໝັ້ນໃຈວ່າ ພາຍໃຕ້ການຊີ້ນຳຂອງຄະນະຜູ້ບໍລິຫານປະເທດ ແລະ ດ້ວຍຄວາມຮັກ, ຄວາມສາມັກຄີ ແລະ ຄວາມເຂັ້ມແຂງຂອງປະຊາຊົນຊາວລາວ ສາທາລະນະລັດ ປະຊາທິປະໄຕ ປະຊາຊົນລາວ ຈະສາມາດຜ່ານ             ວິກິດດັ່ງກ່າວໄດ້ສຳເລັດໂດຍໄວ.

                   ທຸກວັນນີ້ ພູມີປະເທດຂອງເຮົາຕ້ອງປະເຊີນກັບໄພທຳມະຊາດຢ່າງຮຸນແຮງເພີ່ມຫຼາຍຂຶ້ນ  ລັດຖະບານໄທ ແລະ ລັດຖະບານລາວ ລວມທັງລັດຖະບານປະເທດໃນພາກພື້ນຈະຕ້ອງຮ່ວມມືກັນຢ່າງເຂັ້ມແຂງ         ຍິ່ງຂຶ້ນໃນການປ້ອງກັນ ແລະ ຈັດການກັບຳພພິບັດທີ່ເກີດຈາກທຳມະຊາດ ເພື່ອຄວາມປອດໄພຂອງພີ່ນ້ອງປະຊາຊົນ ຂ້າພະເຈົ້າ ຂໍຢ້ຳຄວາມພ້ອມຂອງໄທທີ່ຈະຮ່ວມມືກັບ ສປປ ລາວ ໃນການຊ່ວຍເຫຼືອຜູ້ປະສົບໄພຈາກອຸທັກກະໄພຄັ້ງນີ້ຢ່າງເຕັມທີ່ ລວມທັງການຮ່ວມມືເພື່ອປ້ອງກັນ ແລະ ແກ້ໄຂບັນຫາໄພພິບັດຈາກທຳມະຊາດຕໍ່ໄປ.

   ຂໍສະແດງຄວາມນັບຖື

ທ່ານ ດອນ ປະຣະມັດວິໄນ

ລັດຖະມົນຕີວ່າການກະຊວງການຕ່າງປະເທດ

ເຖິງ:  - ສະຫາຍ ເຈີນ ດ໋າຍ ກວ່າງ, ປະທານປະເທດ ແຫ່ງ ສາທາລະນະລັດ ສັງຄົມນິ​ຍົມ ຫວຽດນາມ.

- ສະຫາຍ ຫງວຽນ ຊວັນ ຟຸກ, ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິ​ຍົມ ຫວຽດນາມ.

ທີ່ ນະຄອນຫຼວງຮ່າໂນ້ຍ

ບັນດາສະຫາຍທີ່ນັບຖື,

ພວກຂ້າພະເຈົ້າໄດ້​ຮັບ​ຂ່າວດ້ວຍ​ຄວາມເສົ້າ​ສະຫຼົດ​ໃຈ ແລະ ​ເປັນ​ຫ່ວງ​ເປັນ​ໄຍຕໍ່ກັບເຫດ​ການຜົນກະທົບຈາກພະຍຸເລກ 3 ທີ່ພັດເຂົ້າພາກກາງ ແລະ ພາກເໜືອ ຂອງ ຫວຽດນາມ ເຮັດໃຫ້ເກີດມີຜົນຕົກໜັກ, ນໍ້າຖ້ວມ ແລະ ດິນເຊາະເຈື່ອນ ຢູ່ບັນດາແຂວງ ເຫງະອານ, ຮວາບິງ, ກວາງນິ່ງ, ແທ່ງຮວ້າ, ເຊີນລາ, ຝູ້ເຖາະ, ອຽນບ້າຍ, ຫາຍຟອງ, ຫາຍເຢື່ອງ, ຮານາມ, ນາມດິງ, ຖ້າຍບິງ, ຮ່າຕີ້ງ. ຊຶ່ງ​ໄດ້​ສ້າງ​ຄວາມ​ເສ​ຍ​ຫາຍຢ່າງໜັກໜ່ວງເຖິງ​ຊີ​ວິດ ແລະ ຊັບ​ສິນ​ຂອງ​ປະ​ຊາ​ຊົນ​ຫວຽດ​ນາມອ້າຍ​ນ້ອງ ກໍ່​ຄື​ພື້ນ​ຖານ​ໂຄງ​ລ່າງ​ຂອງບັນດາແຂວງທີ່ໄດ້ຖືກຜົນກະທົບໃນຄັ້ງນີ້.

​ໃນ​ນາມພັກ, ລັດຖະບານ ແລະ ປະຊາຊົນລາວ, ພວກຂ້າພະເຈົ້າ ຂໍສົ່ງຄວາມເຫັນ​ອົກ​ເຫັນ​ໃຈ ແລະ ເສົ້າ​ສະ​ຫຼົດ​ໃຈຢ່າງຈິງ​ໃຈມາຍັງບັນດາສະຫາຍ ແລະ ໂດຍຜ່ານບັນດາສະຫາຍໄປຍັງພັກ, ລັດຖະບານ ແລະ ປະຊາຊົນຫວຽດນາມອ້າຍນ້ອງ ໂດຍ​ສະ​ເພາະ​ແມ່ນ​ອຳ​ນາດ​ການ​ປົກ​ຄອງ ແລະ​ຄອບ​ຄົວ​ຜູ້​ປະ​ສົບ​ເຄາະ​ຮ້າຍ​ໃນ​ຄັ້ງ​ນີ້​ດ້ວຍ.

ພວກຂ້າພະເຈົ້າ ເຊື່ອໝັ້ນວ່າ​ພາຍໃຕ້​ການ​ນຳ​ພາ ແລະ ດ້ວຍ​ຄວາມເອົາ​ໃຈ​ໃສ່​ຢ່າງ​ໃກ້​ຊິດ ​ຂອງພັກ, ລັດຖະບານຫວຽດ​ນາມ ທັງຂັ້ນ​ສູນ​ກາງ ແລະ ທ້ອງ​ຖິ່ນ, ​ປະ​ຊາ​ຊົນຫວຽດ​ນາມ​ອ້າຍ​ນ້ອງ ຈະ​​ຜ່ານຜ່າ​ທຸກຄວາມ​ຫ​ຍຸ້ງ​ຍາກນີ້​ ແລະ ຟື້ນ​ຟູ​ຊີ​ວິດ​ການ​ເປັນ​ຢູ່ຂອງ​ປະ​ຊາ​ຊົນ​ໃນ​ເຂດ​ທີ່​ໄດ້​ຮັບ​ຜົນ​ກະ​ທົບ​ຈາກ​ໄພ​ທຳ​ມະ​ຊາດ​ຄັ້ງ​ນີ້ ​ໃຫ້ກັບ​ຄືນ​ສູ່​ສະ​ພາບ​ປົກ​ກະ​ຕິ​ໂດຍ​ໄວ.

ດ້ວຍຄວາມນັບຖືຢ່າງສູງ,

ນະຄອນຫຼວງວຽງຈັນ, ວັນທີ 24 ກໍລະກົດ 2018

ບຸນຍັງ ວໍລະຈິດ,

ປະທານປະເທດ,

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທອງລຸນ ສີສຸລິດ,

ນາຍົກລັດຖະມົນຕີ,

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ