ວັນທີ 24 ກໍລະກົດ 2018

ພະນະທ່ານ ບຸນຍັງ ວໍລະຈິດ

ປະທານປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ຂ້າພະເຈົ້າ ຮູ້ສຶກເສົ້າສະຫຼົດໃຈເປັນຢ່າງຍິ່ງ ຕໍ່ຄວາມສູນເສຍທາງດ້ານຊີວິດ ແລະ ຊັບສິນ ອັນເນື່ອງມາຈາກເຂື່ອນໄຟຟ້າເຊປຽນ-ເຊນຳ້ນ້ອຍ ແຕກ ທີ່ ແຂວງອັດຕະປື. ໃນນາມປະຊາຊົນສິງກະໂປ, ຂ້າພະເຈົ້າ ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງ ມາຍັງພະນະທ່ານ ແລະ ປະຊາຊົນ ແຫ່ງ ສປປ ລາວ.

ສິງກະໂປ ພ້ອມແລ້ວທີ່ຈະໃຫ້ຄວາມຊ່ວຍເຫລືອເພື່ອບັນເທົາທຸກຕໍ່ເຫດການທີ່ບໍ່ເພິ່ງປາດຖະໜາໃນຄັ້ງນີ້. ພວກຂ້າພະເຈົ້າ ຂໍຢູ່ຄຽງຂາ້ງ ສປປ ລາວ ແລະ ປະຊາຊົນລາວ ໃນເວລາທີ່ຫຍຸ້ງຍາກສັບສົນນີ້.

                                                                                 ດ້ວຍຄວາມຈິງໃຈ,

                                                                                ຮາລີມາສ ຢາຄອບ

ພະນະທ່ານ ທອງລຸນ ສີສຸລິດ,

ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ຂ້າພະເຈົ້າຮູ້ສຶກເສົ້າສະຫຼົດໃຈເປັນຢ່າງຍິ່ງ ທີ່ໄດ້ຮັບຊາບຄວາມເສຍຫາຍທາງດ້ານຊີວິດ ແລະ ຊັບສິນ ຈາກເຫດການເຂື່ອນໄຟຟ້າເຊປຽນ-ເຊນຳ້ນ້ອຍ ແຕກ ທີ່ ແຂວງອັດຕະປື. ໃນນາມລັດຖະບານຂອງ ສາທາລະນະລັດ ສິງກະໂປ, ຂ້າພະເຈົ້າ ຂໍສະແດງຄວາມເສົ້າສະຫລົດໃຈຢ່າງສຸດຊຶ້ງ ມາຍັງລັດຖະບານ ແລະ ປະຊາຊົນຜູ້ທີ່ໄດ້ຮັບຜົນກະທົບຈາກໄພພິບັດຄັ້ງນີ້ທຸກຄົນ.

ລັດຖະບານສິງກະໂປ ຈະມອບເງິນຊ່ວຍເຫລືອໃນເບື້ອງຕົ້ນ ຈຳນວນ 100,000 ໂດລາ ສະຫະລັດ ຈາກການລະດົມທຶນຊ່ວຍເຫລືອ ຂອງອົງການກາແດງສິງກະໂປ. ກອງກຳລັງປ້ອງກັນພົນລະເຮືອນສິງກະໂປ ແລະ ກອງກຳລັງປະກອບອາວຸດຂອງສິງກະໂປ ພ້ອມແລ້ວທີ່ຈະສົ່ງກອງກຳລັງ ກໍຄືຂົນສົ່ງອຸປະກອນຊ່ວຍເຫລືອສຸກເສີນ ແລະ ວັດສະດຸເຄຶື່ອງຂອງຕ່າງໆ ເພື່ອຊ່ວຍບັນເທົາທຸກ ແລະ ດຳເນີນການຄົ້ນຫາ ແລະ ການກອບກູ້ຊີບຊ່ວຍ. ຂໍຄວາມກະລຸນາພະນະທ່ານຊ່ວຍແຈ້ງໃຫ້ຂ້າພະເຈົ້າຊາບ ຖ້າພວກເຮົາສາມາດຊ່ວຍເຫລືອໃນດ້ານຕ່າງໆ ເພີ້ມເຕີມ.

ພວກຂ້າພະເຈົ້າ ຂໍຢູ່ຄຽງຂ້າງປະຊາຊົນລາວ ໃນຊ່ວງເວລາແຫ່ງຄວາມໂສກເສົ້າຄັ້ງນີ້.

                                                        ດ້ວຍຄວາມຈິງໃຈ,

                                                          ລີ ຊຽນ ລຸງ

ພະນະທ່ານ ສອນໄຊ ສີພັນດອນ 

ຮອງນາຍົກລັດຖະມົນຕີ   

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ຂ້າພະເຈົ້າ ຮູ້ສຶກເສົ້າສະຫຼົດໃຈເປັນຢ່າງຍິ່ງ ທີ່ຊາບຂ່າວການສູນເສຍຊີວິດ ແລະ ຊັບສິນ ຈາກເຫດການເຂື່ອນໄຟຟ້າເຊປຽນ-ເຊນຳ້ນ້ອຍ ແຕກ ທີ່ແຂວງອັດຕະປື.

ສິງກະໂປ ພ້ອມແລ້ວທີ່ຈະໃຫ້ການສະໜັບສະໜູນ ເພື່ອບັນເທົາທຸກ. ຂ້າພະເຈົ້າຫວັງຢ່າງຍິ່ງວ່າ ບັນດາຜູ້ທີ່ຮັບຜົນກະທົບຈາກໄພພິບັດ ໃນຄັ້ງນີ້ ຈະສາມາດຜ່ານຜ່າຄວາມຫຍຸ້ງຍາກຄັ້ງນີ້ໄດ້ໂດຍໄວ. ຂໍໃຫ້ພະນະທ່ານຊ່ວຍແຈ້ງໃຫ້ພວກຂ້າພະເຈົ້າ ຊາບໂດຍທັນທີ ຖ້າພວກເຮົາສາມາດຊ່ວຍທ່ານໄດ້ໃນທາງໃດທາງນຶ່ງ.

                                                         ດ້ວຍຄວາມຈິງໃນ,

                                                           ໂທ ຈີ ຮຽນ

ພະນະທ່ານ ສະເຫລີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ 

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ຂ້າພະເຈົ້າຮູ້ສຶກໂສກເສົ້າຕົກຕະລຶງໃຈເປັນຢ່າງຍິ່ງ ທີ່ໄດ້ຮັບຊາບຂ່າວການສູນເສຍຊີວິດ, ການສູນຫາຍຂອງປະຊາຊົນຢ່າງຫຼວງຫຼາຍ ແລະ ຄວາມເສຍຫາຍຕໍ່ຊັບສິນຢ່າງໜັກໜ່ວງ ຈາກເຫດການເຂື່ອນໄຟຟ້າເຊປຽນ-ເຊນຳ້ນ້ອຍ ແຕກ ທີ່ແຂວງອັດຕະປື. ຂ້າພະເຈົ້າ ຂໍສະແດງຄວາມເຫັນໃຈຢ່າງສຸດຊຶ້ງມາຍັງບັນດາຄອບຄົວ ທີ່ໄດ້ຮັບຜົນກະທົບ. ພວກເຮົາ ກຽມພ້ອມແລ້ວ ທີ່ຈະໃຫ້ການຊ່ວຍເຫລືອລັດຖະບານລາວ ເພື່ອບັນເທົາທຸກໃນເຫດການນຳ້ຖ້ວມຄັ້ງນີ້.

ພວກຂ້າພະເຈົ້າ ຂໍຢືນຄຽງຂ້າງ ສປປ ລາວ ແລະ ປະຊາຊົນລາວ ໃນຊ້ວງເວລາທີ່ຫຍຸ້ງຍາກຄັ້ງນີ້.

                                                               ດ້ວຍຄວາມຈິງໃຈ,

                                                      ດຣ. ວິວຽນ ບາລາກຣິດສະມັນ

ວັນທີ 27 ກໍລະກົດ 2018

ພະນະທ່ານ ບຸນຍັງ ວໍລະຈິດ

ປະທານປະເທດ

ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ຂ້າພະ​ເຈົ້າ​ ໄດ້​ຮັບ​ຂ່າວ ດ້ວຍຄວາມເສົ້າສະຫຼົດໃຈ ຕໍ່ເຫດການອຸບັດຕິເຫດເຂື່ອນໄຟຟ້າ ຢູ່ ແຂວງອັດຕະປື ​ອັນເປັນເຫດໃຫ້ມີຜູ້ຄົນເສຍຊີວິດ.

ໃນ​ນາມ​ລັດຖະບານ ​ແລະ ປະຊາຊົນ ​ອົດສະຕຣາລີ, ຂ້າພະ​ເຈົ້າ ຂໍ​ສະ​ແດງ​ຄວາມ​​ເສົ້າສະຫຼົດ​ໃຈ ມາ​ຍັງ​ພະນະທ່ານ ກໍຄື ຄອບຄົວ ແລະ ປະຊາຊົນ ທີ່ໄດ້ຮັບຜົນກະທົບຈາກເຫດການໃນຄັ້ງນີ້. ພວກຂ້າພະເຈົ້າ ຂໍແບ່ງ​ເບົາ​ຄວາມ​ໂສກ​ເສົ້າ ທ່າມກາງສະພາບຄວາມຫຍຸ້ງຍາກດັ່ງກ່າວ.

ໃນນາມເພື່ອນມິດ ແລະ ຄູ່ຮ່ວມມືໃນພາກພື້ນ, ລັດຖະບານ ອົດສະຕຣາລີ ມີຄວາມຍິນດີໃຫ້ການຊ່ວຍເຫຼືອແກ່ ສປປ ລາວ ເພື່ອຟື້ນຟູເຂດທີ່ໄດ້ຮັບຜົນກະທົບຈາກໄພພິບັດໃນຄັ້ງນີ່້. ຖ້າຫາກ ພະນະທ່ານ ຕ້ອງການຄວາມຊ່ວຍເຫລືອໃນດ້ານໃດຈາກຝ່າຍອົດສະຕຣາລີ ກໍສາມາດປະສານຫາ ທ່ານ ຊອນ ເບີນາດ ຄາຣາສໂກ, ເອກອັກຄະລັດຖະທູດອົດສະຕຣາລີ ປະຈໍາ ສປປ ລາວ ໄດ້.

ດ້ວຍຄວາມນັບຖືເປັນຢ່າງສູງ

ມາລຄອມ ເທີນບູນ

ນາຍົກລັດຖະມົນຕີ

ແຫ່ງ ເຄືອຈັກກະພົບ ອົດສະຕຣາລີ

ພະນະທ່ານ ທອງລຸນ ສີສຸລິດ

ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ