ສົມ​ເດັດ ​ພະ​ລາ​ຊາ ຟີ​ລິບ

ແຫ່ງ ລາ​ຊະ​ອາ​ນາ​ຈັກ ແບນ​ຊິກ

ນະ​ຄອນຫຼວງ​ບ​ຣຸກ​ແຊນ

            ​​ສົມ​ເດັດ ​ພະ​ລາ​ຊາ,

            ​ເນື່ອງ​ໃນ​ໂອກ​າດວັນຊາດ​ ແຫ່ງ ລາຊະ​ອານາຈັກ ແບນ​ຊິກ, ຕາງໜ້າ​ໃຫ້​ປະຊາຊົນ​ລາວ ​ແລະ ​ໃນ​ນາມ​ສ່ວນ​ຕົວ,​ ຂ້າພະ​ເຈົ້າ ຂໍ​ຖື​ເປັນກຽດສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ​ ແລະ ພອນ​ໄຊ​ອັນ​ປະ​ເສີດ ​ມາ​ຍັງ ​​ສົມ​ເດັດ ​ພະ​ລາ​ຊາ​ ແລະ ຜ່ານ ​​ສົມ​ເດັດ ​ພະ​ລາ​ຊາ ໄປ​ຍັງ​ປະຊາຊົນແບນ​ຊິກ​ທຸກ​ຖ້ວນໜ້າ ຈົ່ງ​ມີ​ພະລາ​ນາໄມ​ສົມບູນ ​ແລະ ມີຄວາມຈະເລີນວັດທະນາ.

ຂ້າພະ​ເຈົ້າ​ເຊື່ອ​ໝັ້ນວ່າ ສາຍ​ພົວພັນ​ມິດຕະພາບ ແລະ ການ​ຮ່ວມ​ມື​​ທີ່ດີ ​ລະຫວ່າງ ສາທາລະ​ນະ​ລັດ ປະຊາທິປະ​ໄຕ ປະຊາຊົນ​ລາວ ​ແລະ ລາຊະ​ອານາ​ຈັກ​ ແບນ​ຊິກ ຈະ​ສືບຕໍ່​ໄດ້​ຮັບ​ການເສີມ​ຂະ​ຫ​ຍາຍຢ່າງ​ບໍ່ຢຸດ​ຢັ້ງ​ ເພື່ອ​ຜົນ​ປະ​ໂຫຍ​ດຂອງ​ປະຊາຊົນ​ສອງ​ຊາດ​ພວກ​ເຮົາ.

ດ້ວຍ​ຄວາມ​ນັບຖື​ຢ່າງ​ສູງ,

ບຸນຍັງ ວໍລະຈິດ

ປະທານ​ປະ​ເທດ

                                                         ແຫ່ງ ສາທາລະນະ​ລັດ ປະຊາທິປະ​ ໄຕປະຊາຊົນ​ລາວ

-------------------------------------------------------------------------------------------------------------------------------------

ພະນະ​ທ່ານ ຊາກ ມິ​ເຊວ

ນາຍົກລັດຖະມົນ​ຕີ​ ແຫ່ງ ລາຊະ​ອານາຈັກ ແບນ​ຊິກ

ບ​ຣຸກ​ແຊນ

            ພະນະ​ທ່ານ,

            ​ເນື່ອງ​ໃນ​ໂອກາດ​ວັນຊາດ ​ແຫ່ງ ລາຊະ​ອານາຈັກ​ ແບນ​ຊິກ, ຕາງໜ້າ​ໃຫ້​ລັດຖະບານ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ​ແລະ​ ໃນ​ນາມ​ສ່ວນ​ຕົວ, ຂ້າພະ​ເຈົ້າ ຂໍ​ຖື​ເປັນກຽດສົ່ງ​ຄຳ​ຊົມ​ເຊີ​ຍອັນ​ອົບ​ອຸ່ນ ​ແລະ ພອນ​ໄຊ​ອັນ​ປະ​ເສີດ​ ມາ​ຍັງ ​ພະນະ​ທ່ານ​ ແລະ ຜ່ານ ​ພະນະ​ທ່ານ ​ໄປ​ຍັງ​ລັດຖະບານ ​ແລະ ປະຊາຊົນ​ແບນ​ຊິກທຸກ​ຖ້ວນ​ໜ້າ.

            ຂ້າພະ​ເຈົ້າ​ເຊື່ອໝັ້ນວ່າ ສາຍພົວພັນມິດຕະພາບ ​​ແລະ ການ​ຮ່ວມ​ມືອັນດີ ລະຫວ່າງ​ສອງ​ປະ​ເທດ​ພວກ​ເຮົາ ຈະ​​ສືບຕໍ່ໄດ້​ຮັບ​ການ​​ເສີມ​ຂະຫຍາຍ​ຢ່າງ​ບໍ່ຢຸດ​ຢັ້ງ ​ເພື່ອ​ຜົນ​ປະ​ໂຫຍ​ດລວມຂອງ​ສອງ​ຊາດ​ພວກ​ເຮົາ ກໍ​ຄື​ເພື່ອສັນຕິພາບ ແລະ ການຮ່ວມມືສາກົນ.                   

                                                                                                ດ້ວຍ​ຄວາມ​ນັບຖື​ຢ່າງ​ສູງ,    

ທອງ​ລຸນ ສີສຸລິດ

ນາຍົກລັດຖະມົນຕີ​ແຫ່ງ

ສາທາລະນະ​ລັດປະຊາ​ທິປະ​ໄຕປະຊາຊົນ​ລາວ

-------------------------------------------------------------------------------------------------------------------------------------

ພະນະ​ທ່ານ ດີ​ດີ​ເອ ຣຽນ​ເດີ

ຮອງ​ນາ​ຍົກ​ລັດ​ຖະ​ມົນ​ຕີ

ລັດຖະມົນຕີ​ກະຊວງ​ການ​ຕ່າງປະ​ເທດ ແລະ ວຽກງານເອີຣົບ

ແຫ່ງ ລາຊະ​ອານາຈັກ ແບນ​ຊິກ

ບ​ຣຸກ​ແຊນ

            ພະນະ​ທ່ານ,       

​            ​ເນື່ອງ​ໃນ​ໂອກາດ​ວັນຊາດ​ ແຫ່ງ ລາຊະ​ອານາຈັກແບນ​ຊິກ, ຂ້າພະ​ເຈົ້າ​ ຂໍ​ສົ່ງ​ຄຳ​ຊົມ​ເຊີຍ​ຢ່າງ​ຈິງ​ໃຈ ​ແລະ ພອນ​ໄຊ​ອັນ​ປະ​ເສີດ ມາ​ຍັງ ​ພະນະ​ທ່ານ ຈົ່ງ​ມີ​​ພາ​ລະ​ນາ​ໄມ​ສົມ​ບຸນ ​ແລະ ປະສົບ​ຜົນສຳ​ເລັດ​ທຸກ​ປະການ​ ໃນໜ້າທີ່​ອັນ​ສູງ​ສົ່ງ​ຂອງ​ຕົນ.

ຂ້າພະ​ເຈົ້າ​ເຊື່ອໝັ້ນວ່າ ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື​ທີ່​ມີປະສິດທິພາບ ລະ​ຫວ່າງ​ສອງ​ປະ​ເທດ​ພວກ​ເຮົາ ທັງ​ໃນ​ຂອບ​ສອງ​ຝ່າຍ ​ແລະ ຫຼາຍຝ່າຍ ຈະ​ໄດ້​ຮັບ​ການສືບຕໍ່​ເສີມ​ຂະຫຍາຍ​​ ແລະ ​ເກີດ​ດອກ​ອອກ​ຜົນ​ຍິ່ງໆຂຶ້ນ ເພື່ອ​ຜົນ​ປະ​ໂຫຍ​ດຂອງ​ປະຊາຊົນ​ສອງ​ຊາດພວກ​ເຮົາ ກໍ​ຄື ​ເພື່ອ​ສັນຕິພາບໂລກ ​ແລະ ການ​ຮ່ວມ​ມື​ສາກົນ ​ເພື່ອ​ກາ​ນພັດທະນາ​ແບບ​ຍືນ​ຍົງ.

ດ້ວຍ​ຄວາມ​ນັບຖື​ຢ່າງ​ສູງ,

ສະເຫຼີມໄຊ ກົມມະສິດ

ລັດຖະມົນຕີ​ກະຊວງ​ການ​ຕ່າງປະ​ເທດ

ແຫ່ງສາທາລະນະ​ລັດປະຊາທິປະ​ໄຕປະຊາຊົນ​ລາວ