ນະຄອນຫຼວງວຽງຈັນ, ວັນທີ 09 ກໍລະກົດ 2018

            ພະນະ​ທ່ານ,

ຂ້າພະ​ເຈົ້າ ​ໄດ້​ຮັບ​ຂ່າວ​ດ້ວຍ​ຄວາມ​ເສົ້າ​ສະ​ຫຼົດ​ໃຈ​ເປັນ​ຢ່າງ​ຍິ່ງ ຕໍ່ເຫດການ​ອຸປະຕິ​ເຫດ​ເຮືອ​ທ່ອງ​ທ່ຽວຫຼົ້ມ​ຢູ່ກາງ​ທະ​ເລ ທີ່ ​ຈັງຫວັດ​ພູ​ເກັດ ​​ເມື່ອ​ວັນ​ທີ 05 ກໍລະກົດ 2018 ທີ່​ຜ່ານ​ມາ, ຊຶ່ງ​ເປັນ​ເຫດ​ໃຫ້​ມີ​ຜູ້​ເສຍຊີວິດ​ ແລະ ບາດ​ເຈັບ ທີ່​ເປັນນັກ​ທ່ອງ​ທ່ຽວຊາວ​ຕ່າງປະ​ເທດ ​ເປັນ​ຈໍານວນ​ຫຼວງ​ຫຼາຍ.

​ຕາງໜ້າ​ຄະນະ​ນໍາ, ພະນັກງານ​ລັດຖະກອນ ກະຊວງ​ການ​ຕ່າງ​ປະ​ເທດ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ກໍ່​ຄື​ໃນ​ນາມ​ສ່ວນ​ຕົວ, ຂ້າພະ​ເຈົ້າ ຂໍ​ສະ​ແດງ​ຄວາມ​ເສຍ​ໃຈ ​ແລະ ​ເຫັນ​ໃຈ​​ເປັນ​ຢ່າງ​ຍິ່ງມາ​ຍັງ​ພະນະ​ທ່ານ ​ແລະ ຜ່ານ​ພະນະ​ທ່ານ​ໄປ​​ຍັງລັດຖະບານ ​ແລະ ປະຊາຊົນ ​ແຫ່ງ ຣາຊະ​ອານາຈັກ​ໄທ ກໍ່​ຄື ຄອບຄົວ​ຂອງ​ຜູ້​ເສຍ​ຊີວິດ ​ໃນ​ການ​ສູນ​ເສຍ​ຄັ້ງ​ນີ້ດ້ວຍ. ​

ດ້ວຍຄວາມ​ເຄົາລົບ ​ແລະ ນັບຖືຢ່າງ​ສູງ.

                         ສະເຫລີມໄຊ ກົມມະສິດ

ພະນະ​ທ່ານ ດອນ ປຣະມັດ​ວິ​ໄນ,

ລັດຖະມົນຕີກະຊວງການຕ່າງປະເທດ

ແຫ່ງ ຣາຊະ​ອານາ​ຈັກ​ໄທ

ທີ່ ບາງກອກ.