ໃນວັນທີ 27 ກໍລະກົດ 2018 ນີ້, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ ທ່ານ ລີ ສາງ ກຸນ, ເອກອັກຄະລັດຖະທູດຜູ້ມີອໍານາດເຕັມ ແຫ່ງ ສປປ ເກົາຫຼີ ປະຈໍາ ສປປ ລາວ ພາຍຫຼັງທີ່ທ່ານໄດ້ສິ້ນສຸດການປະຕິບັດໜ້າທີ່ການທູດຢູ່ ສປປ ລາວ ເປັນເວລາ 4 ປີ 5 ເດືອນ (ແຕ່ວັນທີ 13 ກຸມພາ 2014 – 31 ກໍລະກົດ 2018).

ໃນໂອກາດນີ້, ທ່ານ ສະເຫຼີມໄຊ ກົມມະສິດ, ລັດຖະມົນຕີຕ່າງປະເທດ ໄດ້ສະແດງຄວາມຊົມເຊີຍ ແລະ ຂອບໃຈຢ່າງຍິ່ງ ຕໍ່ການປະກອບສ່ວນຢ່າງຫ້າວຫັນ ຕະຫຼອດໄລຍະເວລາ 4 ປີ 5 ເດືອນ ຢູ່ ສປປ ລາວ, ທ່ານ ລີ ສາງ ກຸນ ໄດ້ອອກເຮື່ອເທແຮງເຄື່ອນໄຫວຊຸກຍູ້ໃຫ້ສາຍພົວພັນມິດຕະພາບອັນເປັນມູນເຊື້ອ ແລະ ການພົວພັນຖານປະເທດຮ່ວມອຸດົມການດຽວກັນ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ ແລະ ສປປ ເກົາຫຼີ ໃຫ້ຂະຫຍາຍຕົວຢ່າງຕໍ່ເນື່ອງ, ໜັກແໜ້ນ ແລະ ເກີດດອກອອກຜົນ.

    ໂດຍຕອບສະໜອງຕາມຄຳເຊີນຂອງ ທ່ານ ອູ ຈໍ ຕິນ, ລັດຖະມົນຕີກະຊວງຮ່ວມມືສາກົນ ແຫ່ງ ສາທາລະນະລັດ ສະຫະພາບ ມຽນມາ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະ ໄດ້ເດີນທາງຢ້ຽມຢາມ ສສ. ມຽນມາ ຢ່າງເປັນທາງການ, ໃນລະຫວ່າງວັນທີ 23-24 ກໍລະກົດ 2018.

ກະຊວງການຕ່າງປະເທດແຫ່ງ ສປປ ລາວ ຂໍແຈ້ງໃຫ້ປະຊາຊົນລາວຊາບວ່າ, ໃນວັນທີ 09 ກໍລະກົດ 2018, ລັດຖະບານ ສະຫະລັດ ອາເມລິກາ ໄດ້ປະກາດໃສ່ມາດຕະການ ດ້ານວິຊາ (Visas) ຕໍ່ ສປປ ລາວ ດ້ວຍເຫດຜົນທີ່ວ່າ ລັດຖະບານລາວບໍ່ໃຫ້ການຮ່ວມມືອັນເຕັມສ່ວນໃນການຮັບເອົາບັນດານັກໂທດພາຍຫຼັງພົ້ນໂທດແລ້ວ ທີ່ຝ່າຍສະຫະລັດອ້າງວ່າເປັນພົນລະ ເມືອງລາວກັບຄືນປະເທດເດີມ ຕາມການສະເໜີຂອງສະຫະລັດ. ຕໍ່ການປະກາດດັ່ງກ່າວ, ພາຍໃຕ້ພາກ 243(d) ຂອງກົດບັນຍັດວ່າດ້ວຍ ການກວດຄົນເຂົ້າເມືອງ ແລະ ສັນຊາດຂອງສະຫະລັດ ເຊິ່ງຈະປະຕິບັດຕໍ່ທຸກໆປະເທດທີ່ຝ່າຍອາເມລິກາຖືວ່າບໍ່ໃຫ້ການຮ່ວມມືຮັບເອົາຄົນເຊື້ອຊາດເຂົາກັບຄືນປະເທດ. ສໍາລັບ ສປປ ລາວ, ສະຖານທູດ ສະຫະລັດ ທີ່ວຽງຈັນ ຈະໄດ້ປະຕິບັດ ມາດຕະການລະດັບ ທີ່(1) ນັບແຕ່ວັນທີ 9 ກໍລະກົດ ຮອດວັນທີ 9 ກັນຍາ 2018 ຄື :