ໃນລະຫວ່າງວັນທີ 10-11 ກໍລະກົດ 2021, ທ່ານ ຄໍາພັນ ອັ່ນລາວັນ, ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈໍາ ປະເທດສະຫະລັດ ອາເມລິກາ ແລະ ການາດາ, ພ້ອມດ້ວຍ ທ່ານ ອານຸພາບ ວົງໜໍ່ແກ້ວ, ເອກອັກຄະລັດຖະທູດ, ຜູ້ຕາງໜ້າຖາວອນ ແຫ່ງ ສປປ ລາວ ປະຈໍາ ອົງການສະຫະປະຊາຊາດ ທີ່ ນິວຢອກ ແລະ ຄະນະ ໄດ້ເຄື່ອນໄຫວຢ້ຽມຢາມພີ່ນ້ອງເຊື້ອຊາດລາວທີ່ດໍາລົງຊີວິດຢູ່ເຂດນິວອິງແລນ ໂດຍສະເພາະຢູ່ລັດໂຣດໄອແລນ ແລະ ລັດໃກ້ຄຽງ ທາງພາກຕາເວັນອອກສ່ຽງເໜືອຂອງ ສ. ອາເມລິກາ ເຊິ່ງເປັນຄັ້ງທໍາອິດພາຍຫຼັງມີການລະບາດຂອງພະຍາດໂຄວິດ-19 ແຕ່ຕົ້ນປີ 2020 ເປັນຕົ້ນມາ ຕາມການເຊື້ອເຊີນຂອງ ທ່ານ ວຽງຄອນ ພົມມະສິດ, ປະທານສະມາຄົມລາວ ແຫ່ງ ລັດໂຣດໄອແລນ ແລະ ທ່ານ ຄໍາເຜີຍ ສຸຣິຍາ, ປະທານສະມາຄົມ ສາຍສໍາພັນ ສະຫວັນນະເຂດ ແຫ່ງ ເຂດນິວອິງແລນ.

ວັນທີ 13 ກໍລະກົດ 2021, ທ່ານ ລັດສະໝີ ແກ້ວມະນີ ໄດ້ຍື່ນສານຕາຕັ້ງຕໍ່ ທ່ານ ນາງ Tatiana VALOVAYA, ຫົວໜ້າຫ້ອງການ ສປຊ ທີ່ ເຊີ​ແນວ, ປະເທດສະວິດ ເພື່ອດໍາລົງຕໍາແໜ່ງເປັນ ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແລະ ທັງເປັນຜູ້ຕາງໜ້າຖາວອນ ແຫ່ງ ສປປ ລາວ ປະຈໍາ ຫ້ອງການ ສປຊ ແລະ ອົງການຈັດຕັ້ງສາກົນອື່ນໆ ທີ່ ເຊີ​ແນວ.

      ວັນທີ 24​ ມິຖຸນາ 2021 ທີ່ ຫ້ອງ​ວ່າການ​ສູນ​ກາງ​ພັກ​ກອມ​ມູນິດ​ຫວຽດນາມ, ສະຫາຍ ແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້​ມີ​ອຳນາດ​ເຕັມ ​ແຫ່ງ ສປປລາວ ປະຈຳ ສສ ຫວຽດນາມ ພ້ອມ​ຄະນະ​ໄດ້​ເຂົ້າ​ຢ້ຽມ​ຂໍ່ານັບ ແລະ ຊົມເຊີຍ ສະຫາຍ ​​ເລມິງຮຶງ, ​ເລຂາທິການສູນ​ກາງ​ພັກ, ຫົວໜ້າ​ຫ້ອງວ່າການ​ສູນ​ກາງ​ພັກ​ກອມ​ມູນິດ​ຫວຽດນາມ ​ ເນື່ອງ​ໃນ​ໂອກາດທີ່ສະຫາຍ​ໄດ້ຮັບ​ຕຳ​ແໜ່ງ​ໃໝ່.