ໃນຕອນເຊົ້າຂອງວັນທີ 08 ທັນວາ 2022, ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງຄະນະ ສະມາຄົມມິດຕະພາບ ຣັດເຊຍ-ລາວ ແລະ ໃນໂອກາດເດີນທາງມາເຂົ້າຮ່ວມພິທີເປີດອະນຸສາວະລີນັກບິນອະດີດທະຫານ ສະຫະພາບໂຊວຽດ ທີ່ເສຍຊີວິດແຕ່ປາງສົງຄາມ ຢູ່ ລາວ.

      ໃນຕອນແລງຂອງວັນທີ 6 ທັນວາ 2022, ທີ່ ໂຮງແຮມ ຄຣາວ ພຼາຊາ, ສປປ ລາວ ແລະ ຣາຊະອານາຈັກ ລຸກຊໍາບວກ ໄດ້ຮ່ວມກັນ ສະເຫຼີມສະຫຼອງວັນສ້າງຕັ້ງສາຍພົວພັນການທູດ ຄົບຮອບ 25 ປີ ໂດຍການເປັນກຽດເຂົ້າຮ່ວມຂອງ ທ່ານ ທອງລຸນ ສີສຸລິດ, ປະທານປະເທດ ແຫ່ງ ສປປ ລາວ ແລະ ສົມເດັດ ພຣະຣາຊາ ອັງຣີ ແຫ່ງ ຣາຊະອານາຈັກ ລຸກຊໍາບວກ ພ້ອມດ້ວຍບັນດາການນໍາຂັ້ນສູງຂອງສອງປະເທດເຂົ້າຮ່ວມ.

ໃນທ່າມກາງບັນຍາກາດທີ່ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ອ້າຍນ້ອງ ພວມສະເຫຼີມສະຫຼອງປີສາມັກຄິມິດຕະພາບ ສອງວັນປະຫວັດສາດ ກໍຄື ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ລາວ-ຫວຽດນາມ ຄົບຮອບ 45 ປີ; ໂດຍສະເພາະ ໃນໂອກາດ ຄົບຮອບ 45 ປີ ວັນເຊັນສົນທິສັນຍາກໍານົດຊາຍແດນແຫ່ງຊາດລາວ-ຫວຽດນາມ (18/7/1977 – 18/7/2022), ສະຫາຍ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ຮອງປະທານຄະນະກຳມະການຊາຍແດນແຫ່ງຊາດ ໄດ້ນຳພາຄະນະຜູ້ແທນຊາຍແດນທັງສູນກາງ ແລະ ທ້ອງຖິ່ນຂອງລາວ ເດີນທາງໄປເຄື່ອນໄຫວຢ້ຽມຢາມ ແລະ ເຮັດວຽກຢູ່ ແຂວງເຫງະອານ, ສສ ຫວຽດນາມ, ແຕ່ວັນທີ 5-7 ທັນວາ 2022 ນີ້.