ທ່ານ Irmawan Emir Wisnandar, ເອກອັກຄະລັດຖະທູດ ແຫ່ງ ສ.ອິນໂດເນເຊຍ ປະຈຳ ສປປ ລາວ

ທ່ານ Hwang Inmoo, ຮອງລັດຖະມົນຕີກະຊວງປ້ອງກັນປະເທດ ສ.ເກົາຫຼີ

ໃນວັນທີ 01 ກໍລະກົດ 2016, ທີ່ ກະຊວງການຕ່າງປະເທດ, ທ່ານ ​ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້​ໃຫ້​ກຽດ​ຕ້ອນຮັບ​ການເຂົ້າຢ້ຽມ​ຄຳນັບຊົມເຊີຍຂອງ ​ທ່ານ Irmawan Emir Wisnandar, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ອິນໂດເນເຊຍ ປະຈຳ ສປປ ລາວ, ເນື່ອງ​ໃນ​ໂອກາດທີ່ ທ່ານ ສະເຫຼີມໄຊ ກົມມະສິດ ໄດ້​ຮັບ​ການ​ແຕ່ງຕັ້ງ​ໃຫ້ດຳລົງຕຳ ແໜ່ງເປັນລັດຖະມົນຕີກະຊວງການຕ່າງປະເທດ.ໃນໂອກາດ​ດັ່ງກ່າວ, ທ່ານທູດກໍໄດ້​ສະແດງຄວາມຂອບໃຈ​ຕໍ່​ການ​ຕ້ອນຮັບ​ພ້ອມທັງສະແດງ​ຄວາມ​ຍ້ອງຍໍ-ຊົມເຊີຍທີ່ ​ທ່ານ ສະເຫຼີມໄຊ ກົມມະສິດໄດ້​ຮັບ​ຄວາມ​ໄວ້​ເນື້ອ​ເຊື່ອ​ໃຈ​ຈາກ ພັກ ແລະ ລັດຖະບານໃຫ້​ດຳລົງຕຳແໜ່ງ​ເປັນ ລັດຖະມົນຕີກະຊວງການຕ່າງປະເທດ ຂອງ ສປປ ລາວ, ອວຍພອນໃຫ້ທ່ານລັດຖະມົນຕີ ຈົ່ງໄດ້ຮັບຜົນສຳເລັດໃນການປະຕິບັດໜ້າທີ່ອັນໃໝ່. ພ້ອມ​ກັນ​ນັ້ນ, ກໍ​ໄດ້ຕີລາຄາສູງຕໍ່ຜົນສຳເລັດ ແຫ່ງການສ້າງສາພັດທະນາ​ເສດຖະກິດ​-ສັງຄົມ​ ຂອງ ສປປ ລາວ ໃນໄລຍະຜ່ານມາ​ ແລະ ຢືນຢັນວ່າຈະໃຫ້ການຮ່ວມມື ແລະ ສະໜັບສະໜູນ ສປປ ລາວ ໃນການເປັນປະທານອາ ຊຽນໝູນວຽນ​ໃນ​ປີ 2016 ນີ້ ໃຫ້ປະສົບຜົນສໍາເລັດດ້ວຍດີ.

ທ່ານ ນາງ ແຊລລີ ເບີນນິງແຮມ (Mrs. Sally Burningham), ຜູ້ຕາງໜ້າທະນາຄານໂລກ ປະຈໍາ ສປປ ລາວ

ທ່ານ ນົບພະດົນ ເທບພິທັກ, ເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈຳ ສປປ ລາວ

ໃນ​ໂອກາດ​ຢ້ຽມຢາມ ຣາຊະ​ອານາຈັກ​ ກຳປູ​ເຈຍ ຢ່າງ​ເປັນ​ທາງ​ການ ​ໃນ​ລະຫວ່າງ​ວັນ​ທີ 27-28 ມີ​ຖຸນາ 2016 ນີ້, ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ພ້ອມພັນລະຍາ ແລະ ຄະນະຜູ້ແທນໄດ້ເຂົ້າຢ້ຽມຂໍ່ານັບ ພະມະຫາກະສັດ ໂນໂຣດົມ ສີຫາໂມນີ, ເຈົ້າຊີວິດ ແຫ່ງ ຣາຊະອານາ ຈັກກຳປູເຈຍ, ໃນຕອນເຊົ້າວັນທີ 28 ມີຖຸນາ 2016, ທີ່ ພຣະລາດຊະວັງ, ນະຄອນຫລວງ ພະນົມເປັນ, ຣາຊະອານາຈັກ ກຳປູເຈຍ.