ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ນໍາພາຄະນະຜູ້ແທນ ເຂົ້າຮ່ວມກອງປະຊຸມສຸດຍອດອາເຊັມ ຄັ້ງທີ 11, ຊຶ່ງໄດ້ຈັດຂຶ້ນໃນລະຫວ່າງວັນທີ 15-16 ກໍລະກົດ 2016, ທີ່ ນະຄອນຫລວງ ອູລານບາຕໍ, ປະເທດ ມົງໂກລີ ດ້ວຍຜົນສຳເລັດຢ່າງຈົບງາມ. ມີບັນດາປະມຸກລັດ, ຫົວໜ້າລັດຖະບານ ແລະ ບັນດາຫົວໜ້າຄະນະຜູ້ແທນສະມາຊິກອາເຊັມ ໄດ້ໃຫ້ກຽດເຂົ້າຮ່ວມກອງປະຊຸມຄັ້ງນີ້ ຈຳນວນ 53 ຄະນະ. ກອງປະຊຸມ ໄດ້ດຳເນີນໄປພາຍໃຕ້ ການເປັນປະທານຂອງ ທ່ານ ຊາເກຍກີນ ເອີເບີກດອດຊ໌ (Tsakhiagiin ELBEGDORJ), ປະທານາທິບໍດີ ມົງໂກລີ.

ໃນວັນທີ 11 ກໍລະກົດ 2016, ທີ່ ຫ້ອງວ່າການສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອຳລາຂອງ ທ່ານ ນາງ ຊານດ້າ ນິກໂຄຮ, ຜູູ້ຕາງໜ້າທະນາຄານພັດທະນາອາຊີ ປະຈຳ ສປປ ລາວ, ພາຍຫລັງສິ້ນສຸດວາລະປະຕິບັດໜ້າທີ່ ຢູ່ ສປປ ລາວ.

ຕອບສະໜອງຕາມຄຳເຊີນຂອງ ສະຫາຍ ດິງ​ເຖ​ຮິ່ງ, ກຳ​ມະ​ການ​ກົມ​ການ​ເມືອງ, ຜູ້​ປະ​ຈຳ​ການ​ຄະ​ນະ​ເລ​ຂາ​ທິ​ການ​ສູນ​ກາງພັກ​ກອມ​ມູ​ນິດ ຫວຽດ​ນາມ ແລະ ສະຫາຍ ນາງ ດັ້ງທິຫງອກທິ້ງ, ກຳມະການສູນກາງພັກ, ຮອງປະທານປະເທດ ແຫ່ງ ສສ ຫວຽດນາມ, ສະ​ຫາຍ ​​ພັນ​ຄຳ ວິ​ພາ​ວັນ, ກຳ​ມະ​ການ​ກົມ​ການ​ເມືອງ, ​ຜູ້​ປະ​ຈຳ​ການ​ຄະ​ນະ​ເລ​ຂາ​ທິ​ການ​ສູນ​ກາງ​ພັກ, ຮອງປະທານປະເທດ ແຫ່ງ ສປປ ລາວ ໄດ້ນຳພາຄະນະຜູ້ແທນຂັ້ນສູງພັກ ແລະ ລັດລາວ ຢ້ຽມຢາມ ສສ ຫວຽດນາມ ຢ່າງເປັນທາງການ ແຕ່ວັນທີ 10-13 ກໍລະກົດ 2016.