ໂດຍຕອບສະໜອງຕາມຄໍາເຊີນຂອງ ທ່ານ ນາງ ຈູລີ ບີຊອບ (Julie Bishop), ລັດຖະມົນຕີກະຊວງການຕ່າງປະເທດ ແຫ່ງ ອົດສະຕຣາລີ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະ ຈະດໍາເນີນການຢ້ຽມຢາມ ອົດສະຕຣາລີ ຢ່າງເປັນທາງການ, ໃນລະຫວ່າງວັນທີ 26 – 28 ພະຈິກ 2017, ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ມີປະສິດທິພາບສູງ ລະຫວ່າງ ສປປ ລາວ ແລະ ອົດສະຕຣາລີ.

ນະຄອນຫຼວງວຽງຈັນ, ວັນທີ 21 ພະຈິກ 2017

ກະຊວງການຕ່າງປະເທດ

ໂດຍຕອບສະໜອງຕາມຄຳເຊີນຂອງ ພະນະທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພະນະທ່ານ ເຊັກຄ໌ ອັບດູນລາ ບິນ ຊາຢິດ ບິນ ຊຸນຕານ ອາລ ນາຢັນ (Sheikh Abdullah bin Zayed bin Sultan Al Nahyan), ລັດຖະມົນຕີກະຊວງການຕ່າງປະເທດ ແລະ ການຮ່ວມມືສາກົນ ແຫ່ງ ສະຫະ ອາຣັບ ເອມີເຣດ ພ້ອມດ້ວຍຄະນະ ຈະເດີນທາງຢ້ຽມຢາມ ສປປ ລາວ ຢ່າງເປັນທາງການ ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສປປ ລາວ ແລະ ສະຫະອາຣັບ ເອມີເຣດ ໃນວັນທີ 16 ພະຈິກ 2017.

ສະຫາຍ ສີ ຈິ້ນຜິງ (Xi Jinping) ເກີດເດືອນມິຖຸນາປີ 1953 (64 ປີ), ຊົນເຜົ່າຮັ້ນ, ເມືອງຟູຜິງແຂວງສານຊີ, ເຂົ້າຮ່ວມການປະຕິວັດໃນເດືອນມັງກອນ ປີ 1969, ເປັນສະມາຊິກພັກກອມມູນິດຈີນ ໃນເດືອນມັງກອນ ປີ 1974. ຈົບການສຶກສາລະດັບປະລິນຍາຕີ ຂະແໜງການສຶກສາດ້ານທິດສະດີ ແລະ ແນວຄິດການເມືອງລັດທິມາກ ຢູ່ ສະຖາບັນວັດທະນະທຳ ແລະ ສັງຄົມ ຂອງມະຫາວິທະຍາໄລຊິງຮວາ, ຈົບປະລິນຍາໂທເຊື່ອມຕໍ່, ຈົບປະລິນຍາເອກຂະແໜງກົດໝາຍ.