ໂດຍຕອບສະໜອງຕາມຄຳເຊີນຂອງ ພະນະທ່ານ ມາລຄອມ ເທີນບູນ (Malcolm Turnbull), ນາຍົກລັດຖະມົນຕີ ແຫ່ງ ອົດສະຕຣາລີ, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພ້ອມດ້ວຍພັນລະຍາ ແລະ ຄະນະ ຈະເດີນທາງເຂົ້າຮ່ວມກອງປະຊຸມສຸດຍອດ ອາຊຽນ-ອົດສະຕຣາລີ ສະໄໝພິເສດ ໃນລະຫວ່າງວັນທີ 15-19 ມີນາ 2018 ທີ່ ຊິດນີ, ປະເທດອົດສະຕຣາລີ.
ໃນໂອກາດເຂົ້າຮ່ວມກອງປະຊຸມຄັ້ງນີ້, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ຈະພົບປະສອງຝ່າຍກັບ ພະນະທ່ານ ມາລຄອມ ເທີນບູນ, ນາຍົກລັດຖະມົນຕີ ແຫ່ງ ອົດສະຕຣາລີ, ແລະ ຈະເຂົ້າຮ່ວມກອງປະຊຸມທຸລະກິດ ລາວ-ອົດສະຕຣາລີ ອີກດ້ວຍ.
ໂດຍຕອບສະໜອງຕາມຄໍາເຊີນ ຂອງທ່ານລັດຖະມົນຕີກະຊວງການຕ່າງປະເທດ ຍີ່ປຸ່ນ ແລະ ທ່ານເລຂາທິ ການໃຫຍ່ OECD, ໃນລະຫວ່າງວັນທີ 06-09 ມີນາ 2018, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຈະນໍາພາຄະນະຜູ້ແທນລາວເດີນທາງເຂົ້າຮ່ວມກອງປະຊຸມລະດັບລັດຖະມົນຕີກ່ຽວກັບ ແຜນງານ OECD ເຂດພາກພື້ນຕາເວັນອອກສ່ຽງໃຕ້ (The Ministerial Conference of the OECD Southeast Asia Regional Programme), ທີ່ ຈະຈັດຂຶ້ນ ທີ່ ໂຕກຽວ, ປະເທດ ຍີ່ປຸ່ນ, ພາຍໃຕ້ຫົວຂໍ້ “ການມີສ່ວນຮ່ວມຂອງອາຊຽນ (Inclusive ASEAN)”.
ໂດຍຕອບສະໜອງຕາມຄຳເຊີນຂອງ ພະນະທ່ານ ນາເຣັນດຣາ ໂມດີ, ນາຍົກລັດຖະມົນຕີ ແຫ່ງ ສາທາລະນະລັດ ອິນເດຍ, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຈະນຳພາຄະນະຜູ້ແທນລາວ ເຂົ້າຮ່ວມກອງປະຊຸມສຸດຍອດ ສະເຫລີມສະຫລອງການພົວພັນ ອາຊຽນ-ອິນເດຍ ຄົບຮອບ 25 ປີ ແລະ ງານສະເຫລີມສະຫລອງວັນຊາດອິນເດຍ ຄົບຮອບ 69 ປີ, ໃນລະຫວ່າງວັນທີ 24-27 ມັງກອນ 2018 ທີ່ ນິວເດັນລີ, ສາທາລະນະລັດ ອິນເດຍ.