ໂດຍຕອບສະໜອງຕາມຄຳເຊີນ ຂອງ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ, ນາຍົກລັດຖະມົນຕີ ແຫ່ງ ຣາຊະອານາຈັກ ກຳປູເຈຍ, ໃນວັນທີ 4-5 ເມສາ 2018, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ, ຈະນໍາພາຄະນະຜູ້ແທນລາວ ເຂົ້າຮ່ວມກອງປະຊຸມສຸດຍອດ ຄະນະກໍາມາທິການແມ່ນໍ້າຂອງສາກົນ ຄັ້ງທີ່ 3, ທີ່ ສຽມຣຽບ, ຣາຊະອານາຈັກ ກໍາປູເຈຍ. ພາຍໃຕ້ຫົວຂໍ້ “ເສີມສ້າງການເປັນຄູ່ຮ່ວມ ແລະ ສຸມທຸກຄວາມພະຍາຍາມຮ່ວມກັນ ເພື່ອບັນລຸເປົ້າໝາຍການພັດທະນາແບບຍືນຍົງ ຢູ່ຂົງເຂດອ່າງແມ່ນໍ້າຂອງ ”.

ເນື່ອງໃນໂອກາດສະເຫລີມສະຫລອງວັນສ້າງຕັ້ງ ຂອບການຮ່ວມມື MLC ໃນວັນທີ 23 ມີ ນາ ທີ່ຜ່ານມາ ເປັນມື້ຄົບຮອບ 3 ປີ. ດັ່ງນັ້ນ, ກອງເລຂາ ແມ່ນ້ຳຂອງ-ແມ່ນ້ຳລ້ານຊ້າງ (ກົມເສດຖະກິດ, ກະຊວງການຕ່າງປະເທດ) ຈະໄດ້ຈັດກິດຈະກຳຕ່າງໆ. ​ເຊິ່ງໃນນັ້ນ, ແມ່ນການແຂ່ງຂັນອອກແບບ ຮູບພາບສັນຍາລັກ ຂອງການເປັນປະທານຮ່ວມຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ (MLC) ສຳລັບ ປີ 2018-2020 ສຳລັບຊາວຫນຸ່ມລາວ.

    ໃນວັນທີ 29 ມີນາ 2018, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ຈະນຳພາຄະນະຜູ້ແທນ ສປປ ລາວ ເດີນທາງເຂົ້າຮ່ວມ ກອງປະຊຸມສຸດຍອດ ອະນຸພາກພື້ນແມ່ນຳ້ຂອງ ຄັ້ງທີ 6,ກອງປະຊຸມສຸດຍອດທຸລະກິດອະນຸພາກພື້ນແມ່ນໍ້າຂອງ ຄັ້ງທຳອິດ ແລະ ກອງປະຊຸມສຸດຍອດ ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 10ໃນລະຫວ່າງ ວັນທີ 30-31 ມີນາ 2018 ທີ່ ຮ່າໂນ້ຍ, ສສ ຫວຽດນາມຕາມການເຊື້ອເຊີນ ຂອງ ພະນະທ່ານ ຫງວຽນ ຊວນ ຟຸກ, ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິຍົມ ຫວຽດນາມ.