ນະຄອນຫຼວງວຽງຈັນ, ວັນທີ ມິຖຸນາ 2020
ພະນະທ່ານ,
ເນື່ອງໃນໂອກາດພິທີສະເຫຼີມສະຫຼອງ ວັນໄຊຊະນະສົງຄາມປົກປ້ອງປິຕຸພູມ ຄົບຮອບ 75 ປີ ເຊິ່ງຈະຈັດຂຶ້ນໃນວັນທີ 24 ມິຖຸນາ 2020 ຈະມາເຖິງນີ້, ຕາງໜ້າໃຫ້ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍຢ່າງສຸດໃຈ ແລະ ຈາລຶກຄຸນງາມຄວາມດີ ກໍ່ຄືລັດທິວິລະຊົນອັນຍິ່ງໃຫຍ່ ຂອງ ບັນດານັກຮົບກອງທັບແດງ ຣັດເຊຍ ທີ່ເສຍສະຫຼະເລືອດເນື້ອໃນການຕໍ່ສູ້ເພື່ອປົກປ້ອງປິຕຸພູມ ກໍຄືເພື່ອປົດປ່ອຍທະວີບເອີຣົບ ແລະ ພາກພື້ນອື່ນໆຂອງໂລກອອກຈາກເງື້ອມມືຂອງພວກຟາດຊິດທີ່ໂຫດຮ້າຍປ່າເຖື່ອນ.
ນະຄອນຫຼວງວຽງຈັນ, ວັນທີ 22 ມິຖຸນາ 2020
ສົມເດັດ,
ເນື່ອງໃນໂອກາດວັນຊາດ ແຫ່ງ ຣາຊະອານາຈັກ ລຸກຊຳບວກ, ໃນນາມ ປະຊາຊົນລາວ ທຸກຖ້ວນໜ້າ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ສົມເດັດ ຈົ່ງມີສຸຂະພາບເຂັ້ມແຂງ, ພະລານາໄມສົມບູນ ແລະ ປະຊາຊົນ ຣາຊະອານາຈັກ ລຸກຊຳບວກ ທຸກຖ້ວນໜ້າ ຈົ່ງມີແຕ່ຄວາມຜາສຸກ ແລະ ຈະເລີນຮຸ່ງເຮືອງ ຕະຫຼອດກາລະນານ.
ສົມເດັດ ພະຣາຊິນີ ທີ່ນັບຖື,
ເນື່ອງໃນໂອກາດວັນຄ້າຍວັນປະສູດຂອງ ສົມເດັດ ພະຣາຊິນີ ຄົບຮອບ 94 ປີ, ໃນນາມປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ສົມເດັດ ພະຣາຊິນີ ແລະ ຜ່ານສົມເດັດ ພະຣາຊິນີ ໄປຍັງປະຊາຊົນ ສະຫະຣາຊະອານາຈັກ ອັງກິດ ແລະ ອຽກລັງເໜືອ ທຸກຖ້ວນໜ້າ ຈົ່ງມີພະລານາໄມສົມບູນ, ມີຄວາມຜາສຸກ ແລະ ຈະເລີນຮຸ່ງເຮືອງ.