ພະນະທ່ານ,

ໃນນາມລັດຖະບານ ແລະ ປະຊາຊົນ ຂອງ ສາທາລະນະລັດເຄນຢາ ກໍຄື​ ໃນ​ນາມສ່ວນຕົວ, ​​ຂ້າ​ພະ​ເຈົ້າ​ ​ຂໍ​ສະ​ແດງ​ຄວາມ​ຊົມ​ເຊີຍ​ອັນ​ອົບ​ອຸ່ນ​ ແລະ ພອນ​ໄຊ​ອັນ​ປະ​ເສີດ​​ ມາຍັງ ພະນະທ່ານ ແລະ ຜ່ານພະນະທ່ານ ໄປຍັງ ລັດຖະບານ ແລະ ປະຊາຊົນລາວ ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 47 ປີ.

ຂ້າ​ພະ​ເຈົ້າ​ຂໍ​ສະ​ແດງ​ຄວາມ​ຊົມ​ເຊີຍ​ຕໍ່​ສາຍ​ພົວ​ພັນມິດຕະພາບ ແລະ ການຮ່ວມມື​ອັນດີ ​​ລະ​ຫວ່າງ ສາທາລະນະລັດເຄນຢາ ແລະ ລາວ ທີ່ຍຶດໝັ້ນຫຼັກການລວມ ແລະ ຄວາມມຸ່ງມາດປາດຖະໜາເພື່ອສ້າງຄວາມຜາສຸກຕໍ່ປະຊາຊົນສອງຊາດພວກເຮົາ.  ພວກເຮົາສອງຊາດຈະສືບຕໍ່ເຮັດວຽກຮ່ວມກັນຢ່າງໃກ້ຊິດ​ທັງໃນ​ກອບສອງ​ຝ່າຍ ​ແລະ ຫຼາຍ​ຝ່າຍ ​ເພື່ອຜົນປະໂຫຍດຮ່ວມກັນ.

ຂ້າ​ພະ​ເຈົ້າ​ເຊື່ອໝັ້ນ​ວ່າ​ ​ການ​ຮ່ວມ​ມືອັນແໜ້ນແຟ້ນຂອງພວກເຮົາຈະສືບຕໍ່ໄດ້ຮັບການພັດທະນາ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ.

ຂ້າພະເຈົ້າ ຂໍອວຍພອນມາຍັງ ພະນະທ່ານ ຈົ່ງສືບຕໍ່ມີສຸຂະພາບເຂັ້ມແຂງ ແລະ ອວຍພອນ ປະຊາຊົນຂອງ ສປປ ລາວ ພາຍໃຕ້ການນຳພາອັນມີກຽດຂອງພະນະທ່ານ ຈົ່ງມີແຕ່ຄວາມຈະເລີນກ້າວໜ້າ.

                     ດ້ວຍຄວາມເຄົາລົບ ແລະ ນັບຖືຢ່າງສູງ.

ປ.ອ. ວິນລຽມ ສະໝຸຍ ຣູໂຕ

ປະທານປະເທດ ແຫ່ງ ສາທາລະນະລັດ ເຄນຢາ

ພະນະທ່ານ ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ ສະເຫຼີມໄຊ ກົມມະສິດ

 ລັດຖະມົນຕີການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ນະຄອນຫຼວງ​ວຽງຈັນ, ວັນ​ທີ 19 ມັງກອນ 2023

ພະນະທ່ານ,

          ຂ້າພະເຈົ້າ ໄດ້ຮັບຂ່າວດ້ວຍຄວາມເສົ້າສະຫຼົດໃຈຕໍ່ເຫດການ ອຸບັດຕິເຫດເຮືອບິນຕົກ ທີ່ເມືອງໂພກຄາຣາ, ປະເທດເນປານ ໃນວັນທີ 15 ມັງກອນ 2023 ທີ່ຜ່ານມາ, ອັນໄດ້ເຮັດໃຫ້ຜູ້ໂດຍສານ ແລະ ລູກເຮືອທັງໝົດ ເສຍຊິວິດ.