ວັນທີ 27 ເມສາ 2021ທີ່ ຫ້ອງວ່າການສູນກາງພັກກອມມູນິດຫວຽດນາມ, ສະຫາຍ ແສງເພັດ ຮຸ່ງບຸນຍວງ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະໄດ້ເຂົ້າຢ້ຽມຂໍ່ານັບ ແລະ ຊົມເຊີຍ ສະຫາຍ ຫວໍ ວັນ ເຖືອງ, ກຳມະການກົມການເມືອງສູນກາງພັກກອມມູນິດຫວຽດນາມ, ຜູ້ປະຈຳການເລຂາທິການພັກກອມມູນິດຫວຽດນາມ, ເນື່ອງໃນໂອກາດທີ່ສະຫາຍຮັບຕຳແໜ່ງໃໝ່.
ໃນຕອນບ່າຍຂອງວັນທີ 28 ເມສາ 2021, ທີ່ ກະຊວງການຕ່າງປະເທດ, ທ່ານ ນາງ ແສງດາວັນ ວົງໄຊ, ຮອງຫົວໜ້າກົມອາຊຽນ ໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມເຈົ້າຫນ້າທີ່ອາວຸໂສອາຊຽນ-ອິນເດຍ ແບບທາງໄກ, ຕາມການມອບຫມາຍຂອງ ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ, ທັງເປັນເຈົ້າຫນ້າທີ່ອາວຸໂສອາຊຽນ ແຫ່ງ ສປປ ລາວ.