ພະນະທ່ານ ຊິນໂຊ ອາເບະ
ນາຍົກລັດຖະມົນຕີ ແຫ່ງ ຍີ່ປຸ່ນ
ທີ່ ນະຄອນຫຼວງ ໂຕກຽວ
ພະນະທ່ານ,
ຂ້າພະເຈົ້າ ຮູ້ສຶກເສົ້າສະຫຼົດໃຈ ທີ່ໄດ້ຮັບຊາບຂ່າວ ການເກີດແຜ່ນດິນໄຫວຫຼາຍຄັ້ງ ຢູ່ ທາງພາກຕາເວັນຕົກສ່ຽງໃຕ້ຂອງ ຍີ່ປຸ່ນ ນັບແຕ່ວັນທີ 14 ເມສາ 2016 ເປັນຕົ້ນມາ ອັນໄດ້ສ້າງຄວາມເສຍຫາຍໃຫ້ແກ່ຊີວິດ, ຊັບສິນ, ອາຄານ ແລະ ລະບົບພື້ນຖານໂຄງລ່າງ ຢູ່ບໍລິເວນດັ່ງກ່າວ ຢ່າງໜັກໜ່ວງ.
ຂ້າພະເຈົ້າ ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຂໍສະແດງຄວາມເຫັນໃຈ ແລະ ແບ່ງເບົາຄວາມທຸກໂສກ ມາຍັງ ພະນະທ່ານ ແລະ ຜ່ານພະນະທ່ານ ໄປຍັງ ລັດຖະບານ ແລະ ປະຊາຊົນ ຍີ່ປຸ່ນ, ໂດຍສະເພາະຜູ້ທີ່ໄດ້ຮັບເຄາະຮ້າຍ ແລະ ຄອບຄົວຂອງເຂົາເຈົ້າ ຈາກເຫດການໄພພິບັດທາງທຳມະຊາດໃນຄັ້ງນີ້.
ຂ້າພະເຈົ້າເຊື່ອໝັ້ນວ່າ, ພາຍໃຕ້ຄວາມພະຍາຍາມເອົາໃຈໃສ່ຈາກລັດຖະບານ ຍີ່ປຸ່ນ ໂດຍມີພະນະທ່ານ ເປັນຜູ້ຊີ້ນຳ ແລະ ດ້ວຍມູນເຊື້ອແຫ່ງຄວາມສາມັກຄີ ເປັນຈິດໜຶ່ງໃຈດຽວກັນ ຂອງປະຊາຊົນຍີ່ປຸ່ນ ສະພາບການດັ່ງກ່າວຈະໄດ້ຮັບການຟື້ນຟູກັບຄືນສູ່ສະພາບປັກກະຕິໂດຍໄວ.
ນະຄອນຫຼວງວຽງຈັນ 18 ເມສາ 2016
ທອງສິງ ທຳມະວົງ
ນາຍົກລັດຖະມົນຕີ ແຫ່ງ
ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ ຣາຟາເອັນ ວີເຊັນເຕ ໂກເຣອາ ແດນກາໂດ
ປະທານາທິບໍດີ ແຫ່ງ ສາທາລະນະລັດ ເອກົວດໍ
ທີ່ ນະຄອນຫຼວງ ກິໂຕ
ພະນະທ່ານ,
ຂ້າພະເຈົ້າໄດ້ຊາບຂ່າວດ້ວຍຄວາມເສົ້າສະຫຼົດໃຈເປັນຢ່າງຍິ່ງ ຕໍ່ເຫດການແຜ່ນດິນໄຫວ ຢູ່ບໍລິເວນຝັ່ງມະຫາສະໝຸດປາຊີຟິກ ຂອງເອກົວດໍ ອັນໄດ້ເຮັດໃຫ້ ມີການສູນເສຍຊີວິດຂອງປະຊາຊົນເອກົວດໍ ເປັນຈຳນວນຫຼາຍ ແລະ ຊັບສິນຖືກທຳລາຍໜັກໜ່ວງ.
ໃນນາມລັດຖະບານ ແລະ ປະຊາຊົນລາວ, ຂ້າພະເຈົ້າ ຂໍສະແດງຄວາມເຫັນໃຈຢ່າງສຸດຊຶ້ງ ແລະ ຄວາມເສົ້າສະຫຼົດໃຈເປັນຢ່າງຍິ່ງ ມາຍັງພະນະທ່ານ ແລະ ໂດຍຜ່ານພະນະທ່ານ ໄປຍັງລັດຖະບານ ແລະ ປະຊາຊົນ ເອກົວດໍ, ໂດຍສະເພາະແມ່ນ ຄອບຄົວຂອງຜູ້ປະສົບເຄາະຮ້າຍຈາກ ໄພທຳມະຊາດໃນຄັ້ງນີ້.
ຂ້າພະເຈົ້າເຊື່ອໝັ້ນວ່າ ພາຍໃຕ້ການນຳພາຂອງພະນະທ່ານ ປະເທດເອກົວດໍ ຈະສາມາດ ຜ່ານຜ່າຄວາມຫຍຸ້ງຍາກນາໆປະການ ເພື່ອເຮັດໃຫ້ຊີວິດການເປັນຢູ່ ຂອງປະຊາຊົນ ກັບສູ່ສະພາບ ປົກກະຕິໂດຍໄວ.
ນະຄອນຫຼວງວຽງຈັນ 18 ເມສາ 2016
ຈູມມາລີ ໄຊຍະສອນ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ 18 ເມສາ 2016
ພະນະທ່ານ ຣາຟາເອັນ ວີເຊັນເຕ ໂກເຣອາ ແດນກາໂດ
ປະທານາທິບໍດີ ແຫ່ງ ສາທາລະນະລັດ ເອກົວດໍ
ທີ່ ນະຄອນຫຼວງ ກິໂຕ