ພະນະທ່ານ ທອງລຸນ ສີສຸລິດ

ປະທານປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທີ່ ນະຄອນຫຼວງວຽງຈັນ

ເນື່ອງ​ໃນ​ໂອ​ກາດວັນ​ຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ​​, ຂ້າພະເຈົ້າ ຂໍສົ່ງຄໍາຊົມເຊີຍຢ່າງຈິງໃຈ ແລະ ພອນໄຊອັນປະເສີດ ມາຍັງ ພະນະທ່ານ ຈົ່ງມີພະລານາໄມສົມບຸນ, ມີຄວາມຜາສຸກ ແລະ ປະຊາຊົນ ແຫ່ງ ສປປ ລາວ ຈົ່ງມີຄວາມຈະເລີນກ້າວໜ້າ ແລະ ວັດທະນະຖາວອນ.

                                                                    ບິດຍາ ເດວີ ບັນດາຣີ

                                                                   ປະທານາທິບໍດີ ເນປານ

------------------------------------------------------------------------------------------------------------------------------------

ພະນະທ່ານ ພັນຄຳ ວິພາວັນ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທີ່ ນະຄອນຫຼວງວຽງຈັນ

ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ໃນນາມລັດຖະບານ ແລະ ປະຊາຊົນເນປານ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄໍາຊົມເຊີຍອັນຈິງໃຈ ມາຍັງ  ພະນະທ່ານ ແລະ ຜ່ານ ພະນະທ່ານ ໄປຍັງ ປະຊາຊົນ ແຫ່ງ ສປປ ລາວ.

ຂ້າພະເຈົ້າ ຂໍອວຍພອນໃຫ້ ພະນະທ່ານ ຈົ່ງມີພະລານາໄມສົມບູນ ແລະ ມີຄວາມຜາສຸກ ກໍຄື ປະຊາຊົນແຫ່ງ ສປປ ລາວ ຈົ່ງມີຄວາມກ້າວໜ້າ ແລະ ວັດທະນະຖາວອນ.

ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບທີ່ມີຢູ່ແລ້ວນັ້ນ ລະຫວ່າງ ສອງປະເທດພວກເຮົາ ຈະໄດ້ຮັບການເຕີບໃຫຍ່ຂະຫຍາຍຕົວຍິ່ງໆຂຶ້ນ ໃນຊຸມປີຕໍ່ຫນ້າ.​   

                                                                             ເຊີ ບາຮາດົວ ດິວບາ

                                                                          ນາຍົກລັດຖະມົນຕີ ເນປານ

ລັດປາແລັດສະຕິນ

                                                      ປະທານາທິບໍດີ

ພະນະທ່ານ ທອງລຸນ ສີສຸລິດ, ປະທານປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ນະຄອນຫຼວງວຽງຈັນ

ພະນະທ່ານ,

ເນື່ອງໃນໂອກາດສະເຫຼີມສະຫຼອງວັນສ້າງຕັ້ງ ແລະ ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ມີຄວາມປິຕິຍິນດີ ສົ່ງຄຳຊົມເຊີຍ ມາຍັງ ພະນະທ່ານ ແລະ ຜ່ານ ພະນະທ່ານ ໄປຍັງ ຄະນະລັດຖະບານ ແລະ ປະຊາຊົນລາວ ເພື່ອນມິດ. ໃນນາມປະຊາຊົນ ແຫ່ງ ລັດປາແລັດສະຕິນ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄໍາຊົມເຊີຍອັນອົບອຸ່ນ ແລະ ອວຍພອນໃຫ້ ພະນະທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດ. ຂໍໃຫ້ປະຊາຊົນລາວ ຈົ່ງມີຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ ແລະ ຂໍໃຫ້ສາຍພົວພັນມິດຕະພາບ ແລະ ການເຄົາລົບນັບຖືເຊິ່ງກັນ ແລະ ກັນ ລະຫວ່າງ ປະຊາຊົນສອງຊາດພວກເຮົາ ຈົ່ງໄດ້ຮັບການພັດທະນາ ແລະ ວັດທະນະຖາວອນຍິ່ງໆຂຶ້ນ.

 ດ້ວຍຄວາມນັບຖືຢ່າງສູງ,

 ຣາມາລາ, 02 ທັນວາ 2021

                                                                                                          (ລາຍເຊັນ)

ມາ​ມູດ ອັບ​ບາດ

ປະ​ທາ​ນາ​ທິ​ບໍ​ດີ ແຫ່ງ ລັດ​ປາ​ແລັດ​ສະ​ຕິນ

                                                                                 ປະ​ທານ​ຄະ​ນະ​ກຳ​ມະ​ການອົງ​ການ​ປົດ​ປ່ອຍ ປາແລັດສະຕິນ

--------------------------------------------------------------------------------------------------------------------------------------------------------                                                

                                                    ລັດປາແລັດສະຕິນ

                      ກະຊວງການຕ່າງປະເທດ ແລະ ການຕັ້ງພູມລໍາເນົາ ແຫ່ງ ລັດປາແລັດສະຕິນ

                                                       ລັດຖະມົນຕີ

ຣາມາລາ 24 ພະຈິກ 2021

ພະນະທ່ານ ສະເຫຼີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ພະນະທ່ານ,

ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ຂ້າພະເຈົ້າ ມີຄວາມປິຕິຍິນດີສົ່ງຄຳຊົມເຊີຍອັນຈິງໃຈ ແລະ ພອນໄຊອັນອົບອຸ່ນ ມາຍັງ ພະນະທ່ານ ແລະ ໂດຍຜ່ານ ພະນະທ່ານ ໄປຍັງລັດຖະບານ ແລະ ປະຊາຊົນລາວ.

 ສາຍພົວພັນມິດຕະພາບທີ່ເປັນມູນເຊື້ອຂອງພວກເຮົານັ້ນ ຊຶ່ງໄດ້ສະແດງໃຫ້ເຫັນຈາກພຶດຕິກໍາຕົວຈິງຂອງ ການພົວພັນ ລະຫວ່າງ ສອງປະເທດ ແລະ ສອງຊາດພວກເຮົາ ຢູ່ບົນພື້ນຖານຄວາມແຂງແກ່ນ ແລະ ຍາວນານ. ຂ້າພະເຈົ້າ ເຊື່ອໝັ້ນວ່າ ສາຍພົວພັນທີ່ບໍ່ມີວັນແຕກແຍກນີ້ ຈະສືບຕໍ່ເຕີບໃຫຍ່ຂະຫຍາຍຕົວ ແລະ ເພີ່ມທະວີຍິ່ງໆຂຶ້ນໃນຊຸມປີຕໍ່ໜ້າ.

​ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ ແລະ ມີຄວາມຜາສຸກ ແລະ ຂໍໃຫ້ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຈົ່ງສືບຕໍ່ມີຄວາມຈະເລີນກ້າວໜ້າ ແລະ ວັດທະນະຖາວອນ.

                                                                  ດ້ວຍຄວາມນັບຖືຢ່າງສູງ,

         ປອ. ຣີອາດ ມານກີ

                                                      ລັດຖະມົນຕີກະຊວງການຕ່າງປະເທດ ແລະ ການຕັ້ງພູມລໍາເນົາ

ພະນະທ່ານ ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ມີຄວາມປິຕິຍິນດີ ສົ່ງຄຳຊົມເຊີຍຢ່າງຈິງໃຈ ແລະ ພອນໄຊອັນປະເສີດ ມາຍັງ ພະນະທ່ານ ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອນມິດ. ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ ພະນະທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດ ແລະ ຂໍໃຫ້ປະຊາຊົນລາວ ຈົ່ງມີຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.

ດ້ວຍຄວາມນັບຖືຢ່າງສູງ,

ເຊັກຄ໌ ເມຊໍ ອາລ-ອາມັດ ອາລ-ຈາເບີ ອາລ-ຊາບາ

ອົງມົງກຸດ ແຫ່ງ ລັດກູເວດ

ກູເວດ

2 ທັນວາ 2021

--------------------------------------------------------------------------------------------------------------------

ພະນະທ່ານ ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ມີຄວາມຍິນດີເປັນຢ່າງຍິ່ງສົ່ງຄຳຊົມເຊີຍອັນຈິງໃຈ ມາຍັງ ພະນະທ່ານ ເນື່ອງໃນໂອກາດສະເຫຼີມ ສະຫຼອງວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຂໍອວຍພອນໄຊອັນປະເສີດໃຫ້ ປະຊາຊົນ ແຫ່ງສາທາລະນະລັດ ປະຊາທິປະໄຕ ປະຊາຊົນລາວເພື່ອນມິດ ຈົ່ງມີສຸຂະພາບເຂັ້ມແຂງມີຄວາມຈະເລີນກ້າວໜ້າ ແລະ ວັດທະນະຖາວອນ.

ຂ້າພະເຈົ້າ ຂໍຖືໂອກາດນີ້​​ ສະແດງຄວາມຊົມເຊີຍ ຕໍ່​ສາຍ​ພົວພັນ​ອັນອົບອຸຸ່ນທີ່ແໜ້ນແຟ້ນ ລະຫວ່າງ ລັດກູເວດ ແລະ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຂໍຢໍ້າຄືນຄວາມມຸ້ງມາດປາດຖະໜາໃນການຮັດແໜ້ນສາຍພົວພັນມິດຕະພາບ  ແລະ ການຮ່ວມມືໃນຂົງເຂດຕ່າງໆ ລະຫວ່າງ ສອງປະເທດພວກເຮົາ ແລະ ຫວັງຢ່າງຍິ່ງທີ່ຈະສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືດັ່ງກ່າວ ເພື່ອຜົນປະໂຫຍດຮ່ວມກັນຂອງ ປະຊາຊົນເພື່ອນມິດພວກເຮົາ.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                

                                                        ດ້ວຍຄວາມນັບຖືຢ່າງສູງ,

  ຊາບາ ຄາເລດ ອາລ-ອາມັດ ອາລ-ຊາບາ

  ນາຍົກລັດຖະມົນຕີ ແຫ່ງ ລັດກູເວດ

ກູເວດ

5 ທັນວາ 2021