ພະນະທ່ານ ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

         ທີ່ ນະຄອນຫຼວງວຽງຈັນ

          ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ຂໍສະແດງຄວາມຍິນດີດ້ວຍຄວາມຈິງໃຈ ແລະ ຂໍອວຍພອນໃຫ້ທ່ານປະທານປະເທດ ມີພະລານາໄມແຂງແຮງ ແລະ ມີຄວາມຜາສຸກ ລວມທັງຂໍໃຫ້ປະເທດ ແລະ ປະຊາຊົນຊາວລາວ ປະສົບຄວາມສໍາເລັດ ແລະ ຈະເລີ່ນຮຸ່ງເຮືອງ ຍິ່ງໆຂຶ້ນໄປ.

          ຕະຫຼອດໄລຍະເວລາກວ່າ 7 ທົດສະວັດ, ປະເທດສາທາລະນະລັດ ປະຊາທິະໄຕ ປະຊາຊົນລາວ ແລະ ປະເທດໄທ ໄດ້ດໍາເນີນການພົວພັນມິດຕະພາບຢ່າງແໜ້ນແຟ້ນ ດ້ວຍຄວາມເຂົ້າໃຈອັນດີ ແລະ ເຄົາລົບເຊິ່ງກັນ ແລະ ກັນຕະຫຼອດມາ, ພ້ອມທັງບຸກຄົນສໍາຄັນ ແລະ ປະຊາຊົນທັງສອງຝ່າຍກໍ່ມີນໍ້າໃຈໄມຕີໄປມາຫາສູ່ກັນມາໂດຍຕະຫຼອດ. ຂ້າພະເຈົ້າ ເຊື່ອເປັນຢ່າງຍິ່ງວ່າ ການພົວພັນອັນໃກ້ຊິດດັ່ງກ່າວ ຈະໄດ້ຮັບການສືບຕໍ່ພັດທະນາກ້າວໜ້າຕໍ່ໄປ ທັງມີສ່ວນສໍາຄັນທີ່ສົ່ງເສີມການຮ່ວມມືໃນກິດຈະການດ້ານຕ່າງໆ ເປັນຕົ້ນ: ດ້ານວັດທະນະທໍາ, ການຄ້າ, ການລົງທຶນ ແລະ ການທ່ອງທ່ຽວໃຫ້ເຂັ້ມແຂງ ແລະ ເພີ່ມພູນຍິ່ງຂຶ້ນ ເພື່ອຜົນປະໂຫຍດຮ່ວມກັນຂອງປະເທດ ແລະ ປະຊາຊົນທັງສອງຝ່າຍໃນຫຼາຍດ້ານ.

                                                                       ມະຫາວະຊິຣະລົງກອນ ພະວະຊິຣະເກົ້າເຈົ້າຢູ່ຫົວ

   ແຫ່ງ ຣາຊະອານາຈັກໄທ

ພະນະທ່ານ ພັນຄໍາ ວິພາວັນ

ນາຍົກລັດຖະມົນຕີ ແຫ່ງ ສປປ ລາວ

          ເນື່ອງໃນໂອກາດຄົບຮອບ 46 ປີ ວັດຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 2021, ໃນນາມລັດຖະບານ ແລະ ປະຊາຊົນໄທ, ຂ້າພະເຈົ້າ ຂໍສະແດງຄວາມຍິນດີເປັນຢ່າງຍິ່ງຕໍ່ພະນະທ່ານ ແລະ ປະຊາຊົນຊາວລາວ ທີ່ ສປປ ລາວ ໄດ້ມີຄວາມຈະເລີນກ້າວໜ້າຢ່າງຕໍ່ເນື່ອງທັງທາງດ້ານການເມືອງ, ເສດຖະກິດ, ສັງຄົມ ແລະ ວັດທະນະທໍາ ໂດຍຂໍຖືໂອກາດນີ້ສະແດງຄວາມຍິນດີທີ່ສະມັດຊາສະຫະປະຊາຊາດໄດ້ມີມະຕິຮັບຮອງເອົາ ສປປ ລາວ ຫຼຸດພົ້ນອອກຈາກລາຍຊື່ປະເທດພັດທະນາໜ້ອຍທີ່ສຸດ ໂດຍມີໄລຍະເວລາກະກຽມ 5 ປີ ລວມທັງໃນປີນີ້ເປັນຊ່ວງເວລາສໍາຄັນທີ່ ສປປ ລາວ ເປີດນໍາໃຊ້ໂຄງການລົດໄຟລາວ-ຈີນ, ຊຶ່ງຈະຊ່ວຍປ່ຽນແປງ ສປປ ລາວ ໄປສູ່ການເປັນປະເທດ Land-Linked ຢ່າງແທ້ຈິງ ທັງນີ້ຝ່າຍໄທພ້ອມທີ່ຈະສະໜັບສະໜູນເປົ້າໝາຍດັ່ງກ່າວ ແລະ ຮ່ວມພັດທະນາການເຊື່ອມໂຍງໃນອະນຸພາກພື້ນ ແລະ ພາກພື້ນໄປພ້ອມກັນຢ່າງໝັ້ນຄົງ ແລະ ຍືງຍົງ.

          ນອກຈາກນີ້, ຂ້າພະເຈົ້າ ມຸ່ງໝັ້ນທີ່ຈະສືບຕໍ່ສົ່ງເສີມການຮ່ວມມືລະຫວ່າງ ໄທ ກັບ ສປປ ລາວ ເພື່ອຟື້ນຟູເສດຖະກິດ ແລະ ສັງຄົມໃຫ້ເກີດປະໂຫຍດສູງສຸດຕໍ່ປະຊາຊົນຂອງທັງສອງປະເທດ ໂດຍສະເພາະການສົ່ງເສີມການໄປມາຫາສູ່ ລະຫວ່າງກັນທັງໃນລະດັບຜູ້ນໍາ, ເຈົ້າໜ້າທີ່ລະດັບສູງ ແລະ ປະຊາຊົນ ລວມທັງການບັນເທົາຜົນກະທົບຈາກສະຖານະການໂຄວິດ-19

          ສຸດທ້າຍນີ້, ຂ້າພະເຈົ້າຂໍອວຍພອນໃຫ້ ພະນະທ່ານ ແລະ ຄອບຄົວ ລວມທັງປະຊາຊົນລາວ ມີສຸຂະພາບພະລານາໄມທີ່ແຂງແຮງ ແລະ ປະສົບແຕ່ຄວາມຈະເລີນຮຸ່ງເຮືອງຕະຫຼອດໄປ.

   ຂໍສະແດງຄວາມນັບຖື

                                                                             ພົນເອກ ປຣະຢຸດ ຈັນໂອຊາ

                                                                                ນາຍົກລັດຖະມົນຕີ

ພະນະທ່ານ ສະເຫຼີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ

          ຂ້າພະເຈົ້າ ສະແດງຄວາມຍິນດີມາຍັງທ່ານ ແລະ ປະຊາຊົນຊາວລາວ ເນື່ອງໃນໂອກາດຄົບຮອບ 46 ປີ ວັນຊາດ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 2021, ຊຶ່ງໃນປີນີ້ເປັນໂອກາດພິເສດທີ່ລັດຖະບານ ສປປ ລາວ ຈະເປີດໂຄງການລົດໄຟລາວ-ຈີນ, ຊຶ່ງຈະເປັນຈຸດປ່ຽນສໍາຄັນໃນການຍົກລະ ດັບການພັດທະນາ ສປປ ລາວ ຈາກ Land-Locked ໄປສູ່ Land-Linked ໂດຍໄທພ້ອມຊຸກຍູ້ການຮ່ວມມືລະຫວ່າງກັນ ເພື່ອພັດທະນາການເຊື່ອມໂຍງໃນອະນຸພາກພື້ນ ແລະ ພາກພື້ນຢ່າງໂລງລຽນຢ່າງແທ້ຈິງ.

         ຂ້າພະເຈົ້າ ຮູ້ສຶກຍິນດີເປັນຢ່າງຍິ່ງທີ່ ສປປ ລາວ ກັບ ໄທ ສາມາດຮັກສາບັນຍາກາດການພົວພັນລະຫວ່າງກັນໄດ້ຢ່າງດີເລີດ ພາຍໃຕ້ສະຖານະການໂຄວິດ-19 ແລະ ຂໍສະແດງຄວາມມຸ່ງໝັ້ນທີ່ຈະຮ່ວມມືກັບທ່ານຢ່າງໃກ້ຊິດຍິ່ງຂຶ້ນ ເພື່ອສືບຕໍ່ຜົນຂອງກອງປະຊຸມຄະນະກໍາມາທິການຮ່ວມ ວ່າດ້ວຍການຮ່ວມມື ລາວ-ໄທ ຄັ້ງທີ 22 ລວມທັງເລັ່ງລັດຊຸກຍູ້ບັນຫາຄົງຄ້າງຕ່າງໆໃຫ້ເກີດຜົນເປັນຮູບປະທໍາ ແລະ ສົ່ງເສີມການຮ່ວມມືໃນສາຂາໃໝ່ໆລະຫວ່າງກັນ ໃຫ້ເກີດປະໂຫຍດຕໍ່ປະຊາຊົນຂອງທັງສອງປະເທດ.

          ນອກຈາກນີ້, ຂ້າພະເຈົ້າ ຂໍຖືໂອກາດນີ້ ສະແດງຄວາມຍິນດີທີ່ສະມັດຊາສະຫະປະຊາຊາດ ໄດ້ມີມະຕິຮັບຮອງເອົາ ສປປ ລາວ ຫຼຸດພົ້ນອອກຈາກລາຍຊື່ປະເທດພັດທະນາໜ້ອຍທີ່ສຸດໂດຍມີໄລຍະເວລາກະກຽມ 5 ປີ ໂດຍຝ່າຍໄທພ້ອມສະໜັບສະໜູນ ສປປ ລາວ ໃນກະບວນການດັ່ງກ່າວຢ່າງເຕັ້ມທີ່.

          ສຸດທ້າຍນີ້ ຂ້າພະເຈົ້າຂໍອວຍພອນໃຫ້ທ່ານ ແລະ ຄອບຄົວ ລວມທັງເຈົ້າໜ້າທີ່ກະຊວງການຕ່າງປະ ເທດ ແລະ ປະຊາຊົນຊາວລາວ ມີພະລານະໄມເຂັ້ມແຂງ, ປະສົບແຕ່ຄວາມສຸກ ແລະ ຄວາມສໍາເລັດຕະຫຼອດໄປ.

                                                                 ຂໍສະແດງຄວາມນັບຖື

ດອນ ປຣະມັດວິໄນ

       ຮອງນາຍົກລັດຖະມົນຕີ

   ລັດຖະມົນຕີວ່າການກະຊວງການຕ່າງປະເທດ