ໃນວັນທີ 19 ມີນາ 2016 ທີ່ຜ່ານມາ, ທີ່ ສໍານັກງານສະຖານເອກອັກຄະລັດຖະທູດ ແຫ່ງ ສປປ ​ລາວ ປະຈໍາປະເທດຍີ່ປຸ່ນ ໄດ້ດໍາເນີນການປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ VIII, ເຂດ 1 ນະຄອນຫຼວງວຽງຈັນຂຶ້ນ.

ໃນຕອນບ່າຍຂອງວັນທີ 16 ມີນາ 2016, ທີ່ ສະຖານເອກອັກຄະລັດຖະທູດ ຟີລິບປີນ, ທ່ານ ບຸນທົງ ຈັນທະປະເສີດ, ຮອງຫົວຫນ້າຫ້ອງການກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍບັນດາຄະນະກົມຂອງກະຊວງການຕ່າງປະເທດ ໄດ້ຕາງໜ້າໃຫ້ຄະນະນຳກະຊວງການຕ່າງປະເທດ ເຊັນປື້ມໄຫວ້ອາໄລແກ່ດວງວິນຍານຂອງ ທ່ານ Antonio L.Cabangon-Chua, ອາດີດເອກອັກຄະລັດຖະທູດ ແຫ່ງ ສ.ຟີລິບປີນ ປະຈຳ ສປປ ລາວ ແລະ ທັງເປັນປະທານສະພາທຸລະກິດ ຟີລິບປີນ-ລາວ, ທີ່ໄດ້ເຖິງແກ່ມໍລະນະກຳ ໃນວັນທີ 11 ມີນາ 2016, ທີ່ ນະຄອນຫລວງ ມານີລາ ດ້ວຍໂລກຊະລາ ລວມອາຍຸໄດ້ 81 ປີ.

ໃນວັນ​ທີ 29 ກຸ​ມພາ 2016, ທ່ານ ນາງ​ ວັນ​ດີ ບຸດ​ທະສະ​ວົງ ​ໄດ້​ເຂົ້າ​ຍື່ນ​ສານ​ຕາ​ຕັ້ງ​ຕໍ່ ທ່ານ ສີ ​ຈິ​ນຜິີງ, ປະທານ​ປະ​ເທດ ​ແຫ່ງ ສາທາລະນະ​ລັດ ປະຊາຊົນ​ຈີນ, ຢູ່ ​ຫໍ​ສະພາ​ປະຊາຊົນ​ຈີນ, ທີ່ ​ນະຄອນຫຼວງ​ປັກ​ກິ່ງ ​ເພື່ອ​ດຳລົງ​ຕຳ​ແໜ່​ງ​ເປັນ​ເອກ​ອັກ​ຄະ​ລັດຖະ​ທູດ​ວິສາມັນ​ຜູ້​ມີ​ອຳນາດ​ເຕັມ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ປະຈຳ ສາທາລະນະ​ລັດ ປະຊາຊົນ​ຈີນ. ​ໃນ​ໂອກາດ​ດັ່ງກ່າ​ວ, ທ່ານ​ປະທານ​ປະ​ເທດ ສີ ​ຈິ​ນຜີ​ງ ​ໄດ້​ສະ​ແດງ​ຄວາມ​ຊົມ​ເຊີຍ​ຕໍ່ ທ່ານ ນາງ ວັນ​ດີ ບຸດ​ທະສະ​ວົງ ທີ່​ໄດ້​ຮັບ​ກຽດ​ມາ​ດຳລົງ​ຕຳ​ແໜ່​ງ​ເປັນ ​ເອກ​ອັກ​ຄະ​ລັດຖະ​ທູດ​ວິສາມັນຜູ້​ມີ​ອຳນາດ​ເຕັມ ​ແຫ່ງ ສປປ ລາວ ປະຈຳ ສປ ຈີນ, ພ້ອມ​ທັງ​ໄດ້​ຕີ​ລາຄາ​ສູງ​ຕໍ່​ການ​ພົວພັນ​ຮ່ວມ​ມື ລະຫວ່າງສອງປະ​ເທດ ລາວ-ຈີນ ​ແລະ ອວຍພອນ​ໃຫ້​ທ່ານ​ທູດ​ຈົ່ງ​ປະສົບ​ຜົນສຳ​ເລັດ​ໃນ​ໜ້າ​ທີ່​ວຽກ​ງານ.