ໃນວັນທີ 01 ເມສາ 2022, ທີ່ ນະຄອນຫຼວງແຄນເບີຣາ, ທ່ານ ສິນໃຈ ມະນີວັນ ໄດ້ສໍາເລັດການຍື່ນສານຕາຕັ້ງຕໍ່ພະນະທ່ານ ເດວິດ ຈອນ ເຮີເລ (David John Hurley), ຜູ້ສຳເລັດຣາຊະການ ແຫ່ງ ເຄືອຈັກກະພົບອົດສະຕຣາລີ ເພື່ອດໍາເນີນລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ເຄືອຈັກກະພົບ ອົດສະຕຣາລີ ໂດຍມີສໍານັກງານສະຖານທູດຕັ້ງຢູ່ນະຄອນຫຼວງແຄນເບີຣາ.

          ໃນວັນທີ 01 ເມສາ 2022, ທີ່ ນະຄອນຫຼວງແຄນເບີຣາ, ທ່ານ ສິນໃຈ ມະນີວັນ ໄດ້ສໍາເລັດການຍື່ນສານຕາຕັ້ງຕໍ່ພະນະທ່ານ ເດວິດ ຈອນ ເຮີເລ (David John Hurley), ຜູ້ສຳເລັດຣາຊະການ ແຫ່ງ ເຄືອຈັກກະພົບອົດສະຕຣາລີ ເພື່ອດໍາເນີນລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ເຄືອຈັກກະພົບ ອົດສະຕຣາລີ ໂດຍມີສໍານັກງານສະຖານທູດຕັ້ງຢູ່ນະຄອນຫຼວງແຄນເບີຣາ.

          ໃນໂອກາດນີ້, ພະນະທ່ານຜູ້ສຳເລັດຣາຊະການ ເດວິດ ຈອນ ເຮີເລ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຊົມເຊີຍ ທ່ານ ສິນໃຈ ມະນີວັນ ທີ່ໄດ້ຖືກແຕ່ງຕັ້ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາ ເຄືອຈັກກະພົບ ອົດສະຕຣາລີ. ທ່ານທູດ ສິນໃຈ ມະນີວັນ ໄດ້ນໍາເອົາຄວາມຢ້ຽມຢາມຖາມຂ່າວອັນອົບອຸ່ນ ແລະ ພອນໄຊ ອັນປະເສີດຈາກ ພະນະ ທ່ານ ທອງລຸນ ສີສຸລິດ, ປະທານປະເທດ ແຫ່ງ ສປປ ລາວ ຝາກເຖິງຜູ້ສຳເລັດຣາຊະການ ແຫ່ງ ເຄືອຈັກກະພົບ ອົດສະຕຣາລີ ແລະ ສະແດງຄວາມຂອບໃຈຢ່າງຈິງໃຈ ຕໍ່ການຕ້ອນຮັບອັນແສນອົບອຸ່ນ ແລະ ການອໍານວຍຄວາມສະດວກຕ່າງໆ ໃນການຈັດພິທີຍື່ນສານຕາຕັ້ງໃຫ້ແກ່ທູດລາວໃນຄັ້ງນີ້. ພ້ອມນີ້, ທ່ານທູດ    ສິນໃຈ ມະນີວັນ ກໍ່ໄດ້ຕາງໜ້າໃຫ້ ລັດຖະບານ ແລະ ປະຊາຊົນ ແຫ່ງ ສປປ ລາວ ສະແດງຄວາມຂອບໃຈ ຕໍ່ລັດຖະບານ ກໍຄືປະຊາຊົນອົດສະຕຣາລີ ທີ່ໄດ້ໃຫ້ການຊ່ວຍເຫຼືອ ແລະ ສະໜັບສະໜູນ ສປປ ລາວ ໃນໄລຍະຜ່ານມາ ໂດຍສະເພາະແມ່ນ ຂົງເຂດການສຶກສາ ແລະ ການພັດທະນາຊັບພະຍາກອນມະນຸດ, ສາທາລະນະສຸກ, ກະສິກໍາປ່າໄມ້, ການຄ້າ ແລະ ການລົງທຶນ, ການທ່ອງທ່ຽວ, ການຄຸ້ມຄອງຊັບພະຍາກອນນໍ້າ, ແລະ ເກັບກູ້ລະເບີດບໍ່ທັນແຕກ ແລະ ອື່ນໆ ອັນໄດ້ປະກອບສ່ວນສຳຄັນເຂົ້າໃນການສ້າງສາພັດທະນາປະເທດ ແລະ ຫວັງວ່າ ຈະສືບຕໍ່ໄດ້ຮັບການຊ່ວຍເຫຼືອໃນຊຸມປີຕໍ່ໜ້າ. ພະນະທ່ານຜູ້ສຳເລັດຣາຊະການ ໄດ້ສະແດງຄວາມຂອບໃຈ ສປປ ລາວ ທີ່ໄດ້ໃຫ້ການຮ່ວມມື ແລະ ສະໜັບສະໜູນອົດສະຕຣາລີ ໃນເວທີພາກພື້ນ ແລະ ສາກົນ ພ້ອມທັງຢືນຢັນວ່າ ອົດສະຕຣາລີ ຈະສືບຕໍ່ໃຫ້ການຊ່ວຍເຫຼືອ ແລະ ຮ່ວມມືກັບ ສປປ ລາວ ທັງໃນກອບສອງຝ່າຍ ແລະ ຫຼາຍຝ່າຍ.

          ພິທີຍື່ນສານຕາຕັ້ງຄັ້ງນີ້ ໄດ້ຈັດຂຶ້ນ ແລະ ດຳເນີນໄປດ້ວຍບັນຍາກາດທີ່ດີ ແລະ ສົມກຽດ.

          ສປປ ລາວ ແລະ ອົດສະຕຣາລີ ໄດ້ສ້າງຕັ້ງສາຍພົວພັນການທູດຮ່ວມກັນ ນັບແຕ່ວັນທີ 15 ມັງກອນ 1952 ເປັນຕົ້ນມາ.

         ວັນທີ 31 ​ມີນາ 2022 ທີ່ສະຖານ​ເອກ​ອັກຄະ​ລັດຖະທູດ​ແຫ່ງ​ສປປ ລາວ ປະຈຳ ສສ ຫວຽດນາມ, ສະຫາຍ   ແສງເພັດ ຮຸ່ງບຸນຍວງ,  ເອກອັກຄະລັດຖະທູດວິສາມັນຜູ້​ມີ​ອຳນາດ​ເຕັມ​ແຫ່ງ ສປປ ລາວ ປະຈຳ ສສ ຫວຽດນາມ ພ້ອມ​ຄະນະ​ໄດ້​ຕ້ອນຮັບຮອງ​ຜູ້ອຳນວຍການ​ໃຫຍ່​ທະນາຄານ​ຮຸ້ນ​ສ່ວນລົງທຶນ ແລະ ພັດທະນາຫວຽດນາມ (BIDV) ມາ​ອວຍພອນ​ປີ​ໃໝ່​ລາວ ປີ ພສ. 2565.

        ໂອກາດ​ນີ້, ສະຫາຍ ​ແກວກ ຮູ່ງ ຫຽບ ຮອງຜູ້ອໍານວຍການໃຫຍ່ຂອງທະນາຄານຮຸ້ນ​ສ່ວນ​ລົງທຶນ ແລະ ພັດທະນາຫວຽດນາມ ກໍໄດ້ແຈ້ງໂດຍຫຍໍ້ ກ່ຽວ​ກັບ​ການ​ດຳ​ເນີນ​ທຸລະ​ກິດ​ຂອງທະນາຄານ​ຮຸ້ນ​ສ່ວນລົງທຶນ ແລະ ພັດທະ ນາຫວຽດນາມ (BIDV) ​ໃນ​ໄລຍະຜ່ານ​ມາ. ສະຫາຍ​ ໄດ້​ຕາງໜ້າ​ຄະນະ​ນຳທະນາຄານ​ຮຸ້ນ​ສ່ວນລົງທຶນ ແລະ ພັດທະນາຫວຽດນາມ (BIDV) ອວຍພອນ ທ່ານ​ເອກ​ອັກຄະ​ລັດຖະທູດ ພ້ອມ​ຄະນະ​ນຳ ​ແລະ ພະນັກງານ​ສະຖານທູດ ​ເນື່ອງ​ໃນ​ໂອກາດ​ປີ​ໃໝ່​ລາວ​ ທີ່ຈະ​ໝູນວຽນມາ​ເຖີ່​ງນີ້​, ອວຍພອນ​ໃຫ້​ ສປປ ລາວ ນັບ​ມື້​ນັບ​ຈະ​ເລີ​ນກ້າວໜ້າ ​ແລະ ນັບ​ມື້​ນັບ​ພັດທະນາ​ຢ່າງ​ບໍ່​ຢຸດ​ຢັ້ງ, ອວຍພອນ​ໃຫ້ສາຍ​ພົວພັນ​ມິດຕະພາບ​ລາວ-ຫວຽດນາມຈົ່ງ​ໝັ້ນຄົງ​ຂະ​ນົງ​ແກ່ນຕະຫຼອດ​ໄປ.

​        ສະຫາຍ ແສງເພັດ ຮຸ່ງບຸນຍວງ  ໄດ້ສະແດງຄວາມຂອບໃຈຢ່າງຈິງໃຈມາຍັງ ສະຫາຍ ​ແກວກ ຮູ່ງ ຫຽບ ພ້ອມຄະນະນຳທະນາຄານ BIDV ທີ່ໄດ້​ນຳພາ​ຄະນະ​ມາ​ອວຍພອນ ປີ​ໃໝ່​ລາວ ປີ ພສ. 2565, ການ​ມາ​ອວຍພອນ​ໃນ​ຄັ້ງ​ນີ້​ແມ່ນ​ການ​ນຳ​ເອົາ​​ໄມຕີ​ຈິດມິດຕະພາບອັນ​ອົບ​ອຸ່ນ​ລະຫວ່າງ​ລາວ-ຫວຽດນາມ, ທະນາຄານ​ຮຸ້ນ​ສ່ວນລົງທຶນ ແລະ ພັດທະ ນາຫວຽດ ນາມ (BIDV) ຍາມ​ໃດ​ກໍ​ໄດ້​ຢູ່​ຄຽງ​ບ່າ​ຄຽງ​ໃຫຼ່ລັດຖະບານ ​ແລະ ປະຊາຊົນ​ລາວ​ຕະຫຼອດ​ມາ, ພ້ອມ​ນັ້ນ​ຍັງ​ໄດ້​ປະ​ກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ​ຂອງ​ລາວ, ຫວັງ​ວ່າ​ໃນ​ອານາ​ຄົດ​ທະນາຄານ BIDV ກໍ​ຄື​ທະນາຄານ​ລາວ-ຫວຽດຈະ​ນັບ​ມື້​ນັບ​ພັດທະນາ ​ແລະ ມີ​ຜູ້​ຊົມ​ໃຊ້​ນັບ​ມື້​ຫຼາຍ​ຂື້ນ,  ​ ພ້ອມ​ດຽວ​ກັນ​ນັ້ນ ສະຫາຍ​ເອກ​ອັກຄະ​ລັດຖະທູດ ຍັງ​ໄດ້​ອວຍພອນ​ໃຫ້ທະນາຄານ BIDV ກໍ​ຄື​ທະນາຄານ​ລາວ-ຫວຽດ ​ໃຫ້​ນັບ​ມື້​ໄດ້​ຮັບ​ການ​ພັດທະນາ​ຍິ່ງໆ​ຂື້ນ.​ ອວຍພອນ​ໃຫ້ສາຍພົວພັນມິດຕະພາບ ອັນ​ຍິ່ງ​ໃຫຍ່, ​ຄວາມ​ສາມັກຄີ​ພິ​ເສດ ແລະ ການຮ່ວມມືຮອບດ້ານລະຫວ່າງ ສອງພັກ,  ສອງລັດ ແລະ ປະຊາຊົນຂອງສອງປະເທດລາວ - ຫວຽດນາມ, ຫວຽດນາມ - ລາວ ​ຈົ່ງ​ຂຽວ​ສົດ​ງົດ​ງາມ​ຕະຫຼອດ​ກາລະ​ນານ.