ໃນວັນທີ 22/8/2017 ກອງປະຊຸມປຶກສາຫາລືໃນລະດັບວິຊາການ ລະຫວ່າງ ລາວ-ອາເມລິກາ ກ່ຽວກັບວຽກງານການສໍາຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ (MIA) ປະຈຳປີ 2017 ໄດ້ດຳເນີນຂຶ້ນທີ່ນະຄອນຫຼວງວຽງຈັນ, ຊຶ່ງຝ່າຍລາວນຳໂດຍ ທ່ານ ຂວັນຕາ ຜາລີວົງ, ຫົວໜ້າກົມເອີຣົບ-ອາເມລິກາ, ກະຊວງການຕ່າງປະເທດ, ພ້ອມດ້ວຍຄະນະວິຊາການກະຊວງການຕ່າງປະເທດ ແລະ ກະຊວງປ້ອງກັນປະເທດ, ແລະ ຄະນະຜູ້ແທນຝ່າຍອາເມລິການຳໂດຍທ່ານ ພົນຈັດ ຕະວາ Mark Spindler, ຮອງຫົວໜ້າອົງການປົກປ້ອງສິດຜົນປະໂຫຍດຂອງສະເລີຍເສິກທະຫານອາເມລິກາທີ່ຫາຍສາບສູນໃນປາງສົງຄາມ (DPAA), ໂດຍມີການເຂົ້າຮ່ວມຂອງທ່ານ ນາງ Rena Bitter, ເອກອັກຄະລັດຖະທູດສະຫະລັດ ອາເມລິກາ ປະຈຳ ສປປ ລາວ.

ໃນວັນທີ 22 ສິງຫາ 2017, ສະຖານເອກອັກຄະລັດຖະທູດແຫ່ງ ສປປ ລາວ ນຳໂດຍ ທ່ານ ຄອນເພັງ ທຳມະວົງ,​ ເອກອັກຄະລັດຖະທູດ ພ້ອມດ້ວຍພະນັກງານສະຖານທູດ ແລະ ນັກສຶກສາລາວທີ່ ສິງກະໂປ ໄດ້ເຂົ້າຮ່ວມງານວັນອາຊຽນ (ASEAN Day) ແລະ ການສະເຫຼີມສະຫຼອງ ອາຊຽນ ຄົບຮອບ 50 ປີ ປະຈຳປີ 2017, ເຊິ່ງຈັດໂດຍ ກະຊວງການຕ່າງປະເທດ ສິງກະໂປ ເພື່ອພົບປະສັງສັນ ແລກປ່ຽນວັດທະນະທຳຮີດຄອງປະເພນີ ແລະ ອາຫານ ລະຫວ່າງບັນດາສະຖານທູດປະເທດສະມາຊິກ ອາຊຽນ ແລະ ບັນດາສະຖານທູດປະເທດຄູ່ຮ່ວມມືເຈລະຈາ ອາຊຽນ ປະຈຳ ສິງກະໂປ, ແລະ ມີຕົວແທນຈາກອົງການຈັດຕັ້ງພາກລັດ ແລະ ເອກະຊົນ, ນັກຮຽນນັກສຶກສາ ແລະ ຕົວແທນຈາກສະຖາບັນຕ່າງໆຂອງ ສິງກະໂປ ເຂົ້າຮ່ວມ 1000 ກວ່າຄົນ.

1. ກ່ຽວກັບບັນຫາທີ່ເກີດຂຶ້ນຢູ່ບໍລິເວນຊາຍແດນລາວ-ກຳປູເຈຍ ໄລຍະໃກ້ໆນີ້ ຢູ່ແຂວງອັດຕະປືຂອງລາວ ແລະ ແຂວງຊຽງແຕງ ຂອງກຳປູເຈຍ ຢາກໃຫ້ທ່ານຊ່ວຍຊີ້ແຈງ ອະທິບາຍວ່າເປັນແນວໃດ?

ຂໍສະແດງຄວາມຂອບໃຈຕໍ່ສື່ມວນຊົນທີ່ມີຄວາມສົນໃຈກ່ຽວກັບສະພາບຊາຍແດນລາວ-ກຳປູເຈຍ ໂດຍສະເພາະເມືອງສະໜາມໄຊ, ແຂວງອັດຕະປື ກັບເມືອງແສນປາງ, ແຂວງຊຽງແຕງ ບໍລິເວນຊາຍແດນທີ່ຄົງຄ້າງ ແກ້ງຕໍມໍຄອຍ-ຫ້ວຍຕະເງົາ.