- ອີງຕາມຈົດໝາຍທາງການທູດ ຈາກ ສະຖານເອກອັກຄະລັດຖະທູດ ແຫ່ງ ສາທາລະນະລັດ ຕວັກກີ, ສະບັບເລກທີ Z-2022/99614231/34508590, ລົງວັນທີ 02 ມິຖຸນາ 2022.
- ລັດຖະບານ ແຫ່ງ ສາທາລະນະລັດ ຕວັກກີ ຂໍແຈ້ງໃຫ້ຊາບວ່າ ປະຈຸບັນ ລັດຖະບານ ຕວັກກີ ໄດ້ອອກແຈ້ງ ກ່ຽວກັບ ການປັບປ່ຽນຊື່ປະເທດ ຄືນໃຫມ່ ຈາກເດີມ “Republic of Turkey” ປ່ຽນໃຫມ່ ໂດຍນຳໃຊ້ຢ່າງເປັນທາງການແມ່ນ “Republic of Türkiye”.
- ສຳລັບການນຳໃຊ້ຊື່ປະເທດ ໃນຮູບແບບຫຍໍ້ ແມ່ນ "Türkiye"
ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ ເພື່ອທາບທາມ ຄຳເຫັນຈາກສາທາລະນະຊົນ ແລະ ພາກສ່ວນກ່ຽວຂ້ອງໃນການສ້າງນິຕິກຳ. (ສຳລັບຮ່າງກົດໝາຍ ແລະ ຮ່າງດຳລັດ ສາມາດຖ່າຍຮູບສະແກນຜ່ານ QR Code ລຸ່ມນີ້)
ເພື່ອຕອບສະໜອງຕາມຄຳເຊີນຂອງ ພະນະທ່ານ ພົນເອກ ປຣະຢຸດ ຈັນໂອຊາ, ນາຍົກລັດຖະມົນຕີ ແຫ່ງ ຣາຊະອານາຈັກໄທ, ພະນະທ່ານ ພັນຄໍາ ວິພາວັນ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍ ພັນລະຍາ ແລະ ຄະນະ ຈະເດີນທາງຢ້ຽມຢາມ ຣາຊະອານາຈັກໄທ ຢ່າງເປັນທາງການ ໃນລະຫວ່າງວັນທີ 01-02 ມິຖຸນາ 2022 ເພື່ອຮັດແໜ້ນສາຍພົວພັນມິດຕະພາບ ແລະ ການຮ່ວມມື ຖານບ້ານໃກ້ເຮືອນຄຽງທີ່ດີ ທີ່ມີມາແຕ່ດົນນານ ລະຫວ່າງ ສອງປະເທດ ລາວ ແລະ ໄທ.
ນະຄອນຫຼວງວຽງຈັນ, ວັນທີ 30 ພຶດສະພາ 2022