ພະນະທ່ານ ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂ້າພະເຈົ້າ ຂໍສະແດງຄວາມຍິນດີຢ່າງຈິງໃຈ ແລະ ຂໍອວຍພອນໃຫ້ ທ່ານ ປະທານປະເທດ ມີພາລະນາໄມສົມບູນ, ແຂງແຮງ ແລະ ອວຍພອນແດ່ ສາທາລະນະລັດ ປະຊາທິປະໄຕ ປະຊາຊົນລາວ ຈົ່ງປະສົບຄວາມສໍາເລັດ ແລະ ຈະເລີນຮຸ່ງເຮືອງຍິ່ງໆຂຶ້ນໄປ.

ຂ້າພະເຈົ້າ ຮູ້ສຶກຍິນດີຢ່າງຍິ່ງ ທີ່ເຫັນວ່າຄວາມສໍາພັນມິດໄມຕີ ຜ່ານມາຫຼາຍກວ່າ 7 ທົດສະວັດ ລະຫວ່າງ ປະເທດໄທ ແລະ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຈະເລີນເຕີບໂຕ ແລະ ພັດທະນາຕໍ່ໄປຢ່າງຢືນຍົງ. ຂ້າພະເຈົ້າເຊື່ອໝັ້ນຢ່າງຈິງໃຈວ່າ ປະເທດໄທ ແລະ ສາທາລະນະລັດ ປະຊາທິປະໄຕ ປະຊາຊົນລາວ ໃນຖານະປະເທດເພື່ອນບ້ານທີ່ມີຄວາມສະໜິດສະໜົມຜູກພັນກັນປຽບດັ່ງອ້າຍນ້ອງທີ່ໃກ້ຊິດ ຕ່າງຝ່າຍຕ່າງກໍເປັນສ່ວນສໍາຄັນ ແລະ ເປັນບ່ອນເພິ່ງພາເຊິ່ງກັນ ແລະ ກັນ ທາງດ້ານພັດທະນາການກິນດີຢູ່ດີ, ເສດຖະກິດ ແລະ ຄວາມຈະເລີນກ້າວໜ້າຂອງປະເທດ ແລະ ປະຊາຊົນທັງສອງຊາດ ພ້ອມທັງສະແຫວງຫາໂອກາດຮ່ວມກັນ ເພື່ອເສີມຂະຫຍາຍການພົວພັນຮ່ວມມືໃນທຸກໆດ້ານ ທັງໃນລະດັບຫຼາຍຝ່າຍ ແລະ ໃນຂອບການຮ່ວມມືອາຊຽນ ໂດຍສະເພາະຜົນສໍາເລັດອັນພົ້ນເດັ່ນໃນການພັດທະນາດ້ານພະລັງງານ ແລະ ການເຊື່ອມໂຍງຮ່ວມກັນ.

ອີກວາລະໜຶ່ງ ຂ້າພະເຈົ້າຂໍສະແດງຄວາມຍິນດີ ທີ່ ສາທາລະນະລັດ ປະຊາທິປະໄຕ ປະຊາຊົນລາວ ຈະເປັນປະທານອາຊຽນ ໃນປີ 2024, ປະເທດໄທ ເຊື່ອໝັ້ນຢ່າງຍິ່ງວ່າ ປະຊາຄົມອາຊຽນ ພາຍໃຕ້ການເປັນປະທານໂດຍ ສາທາລະນະລັດ ປະຊາທິປະໄຕ ປະຊາຊົນລາວ ນັ້ນຈະສາມາດຂັບເຄື່ອນການຮ່ວມມື ແລະ ການເປັນຄູ່ຮ່ວມ ລະຫວ່າງ ປະເທດສະມາຊິກ ລວມທັງສົ່ງເສີມການເຊື່ອມໂຍງໃນພາກພື້ນ ນໍາມາເຊິ່ງຄວາມຈະເລີນຮຸ່ງເຮື່ອງ ແລະ ສັນຕິພາບໃນປະຊາຄົມອາຊຽນ ໃນຕໍ່ໜ້າ.

ມະຫາວະຊິຣະລົງກອນ ພະວະຊິຣະເກົ້າເຈົ້າຢູ່ຫົວ ແຫ່ງ ຣາຊະອານາຈັກໄທ

---------------------------------------------

ພະນະທ່ານ ສອນໄຊ ສີພັນດອນ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ໃນນາມຂອງລັດຖະບານ ແລະ ປະຊາຊົນໄທ ຂ້າພະເຈົ້າ ຂໍສະແດງຄວາມຍິນດີມາຍັງ ພະນະທ່ານ ແລະ ປະຊາຊົນລາວ ເນື່ອງໃນໂອກາດຄົບຮອບ 48 ປີ ແຫ່ງການສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວວັນທີ 2 ທັນວາ 2023.

ໃນຖານະເພື່ອນບ້ານທີ່ມີສາຍພົົວພັັນ ແລະ ການຮ່ວມມືືທີ່ໃກ້ຊິດໃນທຸກລະດັບ ໄທຮູ້ສຶກຍິນດີທີ່ໄດ້ເຫັນ ສາທາລະນະລັດ ປະຊາທິປະໄຕ ປະຊາຊົນລາວ ທີ່ມີຄວາມສະຫງົບສຸກ ແລະ ຈະເລີນຮຸ່ງເຮືອງຕະຫຼອດໄລຍະເວລາເກືອບ 5 ທົດສະວັດ ທີ່ຜ່ານມາ.

ຂ້າພະເຈົ້າ ມີຄວາມຕັ້ງໃຈທີ່ຈະເຮັດວຽກຮ່ວມກັບ ພະນະທ່ານ ໃນການພັດທະນາສາຍພົວພັນ ແລະ ການຮ່ວມມືເຊິ່ງກັນ ແລະ ກັນ ໂດຍສະເພາະການຕິດຕາມຄວາມຄືບໜ້າການຮ່ວມມືຕ່າງໆ ທີ່ພວກເຮົາໄດ້ປືກສາຫາລືກັນໃນການຢ້ຽມຢາມ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງເປັນທາງການ ຂອງ ຂ້າພະເຈົ້າ ໃນວັນທີ 30 ຕຸລາ 2023 ໃຫ້ເກີດຜົນທີ່ເປັນຮູບປະທໍາ ເພື່ອຜົນປະໂຫຍດທີ່ຢືນຍົງຕໍ່ປະເທດ ແລະ ປະຊາຊົນທັງສອງຊາດ.

ໃນໂອກາດນີ້ ຂ້າພະເຈົ້າ ຂໍອວຍພອນໃຫ້ ພະນະທ່ານ ແລະ ສາທາລະນະລັດ ປະຊາທິປະໄຕ ປະຊາຊົນລາວ ຈົ່ງປະສົບຄວາມສໍາເລັດໃນການເປັນປະທານອາຊຽນ ໃນປີ 2024 ໂດຍລັດຖະບານໄທ ພ້ອມທີ່ຈະໃຫ້ການສະໜັບສະໜູນ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງເຕັມທີ່.

ສຸດທ້າຍນີ້ ຂ້າພະເຈົ້າ ຂໍໃຫ້ສິ່ງສັກສິດທັງຫຼາຍໃນໂລກນີ້ຈົ່ງດົນບັນດານໃຫ້ ພະນະທ່ານ ແລະ ຄອບຄົວ ລວມເຖິງປະຊາຊົນລາວ ຈົ່ງປະສົບແຕ່ຄວາມຜາສຸກ ແລະ ຄວາມຈະເລີນຮູ່ງເຮືອງສືບໄປ.

ດ້ວຍຄວາມນັບຖື.

ເສດຖາ ທະວີສິນ

ນາຍົກລັດຖະມົນຕີ ແຫ່ງ ຣາຊະອານາຈັກໄທ

---------------------------------------------

ພະນະທ່ານ ສະເຫຼີມໄຊ ກົມມະສິດ

ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເນື່ອງໃນໂອກາດຄົບຮອບ 48 ປີ ແຫ່ງການສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ  ໃນວັນທີ 2 ທັນວາ 2023 ຂ້າພະເຈົ້າ ຂໍສະແດງຄວາມຍິນດີມາຍັັງທ່ານ ແລະ ປະຊາຊົນຊາວລາວ ຕໍ່ຄວາມສໍາເລັດຂອງ ສາທາລະນະລັດ ປະຊາທິປະໄຕ ປະຊາຊົນລາວ ໃນການນໍາພາປະເທດໃຫ້ມີຄວາມຈະເລີນຮຸ່ງເຮື່ອງ ແລະ ໄດ້ຮັບການພັດທະນາຢ່າງບໍ່ຢຸດຢັ້ງ.

ຂ້າພະເຈົ້າ ຮູ້ສຶກຍິນດີ ແລະ ເປັນກຽດທີ່ໄດ້ປຶກສາຫາລືກັບທ່ານໃນຫຼາຍໂອກາດຜ່ານມາ ແລະ ຂໍຢືນຢັນຄວາມມຸ່ງໝັ້ນໃນການເຮັດວຽກຮ່ວມກັບທ່ານ ໃນການພັດທະນາສາຍພົວພັນ ແລະ ການຮ່ວມມື ລະຫວ່າງ ສອງປະເທດໃຫ້ໃກ້ຊິດຍິ່ງຂຶ້ນ.

ຂ້າພະເຈົ້າ ຍິນດີທີ່ຈະໄດ້ຕ້ອນຮັບທ່ານໃນຊ່ວງຕົ້ນປີ 2024 ເພື່ອປືກສາຫາລືປະເດັນຕ່າງໆ ໂດຍສະເພາະການຕິດຕາມຜົນການປືກສາຫາລື ລະຫວ່າງ ການນໍາສອງປະເທດ ໃນໂອກາດການຢ້ຽມຢາມ ສາທາລະນະລັດ ປະຊາທິປະໄຕ ປະຊາຊົນລາວ ຂອງ ພະນະທ່ານ ນາຍົກລັດຖະມົນຕີ ເສດຖາ ໄປຈັດຕັ້ງປະຕິບັດໃຫ້ເກີດຜົນເປັນຮູບປະທໍາໂດຍໄວ ລວມທັງການຮ່ວມມືໃນຂອບອາຊຽນ.

ຂ້າພະເຈົ້າ ເຊື່ອໝັ້ນວ່າ ພາຍໃຕ້ການນໍາພາຂອງທ່ານ ສາທາລະນະລັດ ປະຊາທິປະໄຕ ປະຊາຊົນລາວ ຈະປະສົບຄວາມສໍາເລັດໃນການເປັນປະທານອາຊຽນ ໃນປີ 2024 ໂດຍຂ້າພະເຈົ້າ ແລະ ລັດຖະບານໄທ ພ້ອມທີ່ຈະໃຫ້ ການສະໜັບສະໜູນຢ່າງເຕັມທີ່.

ໃນໂອກາດນີ້ ຂ້າພະເຈົ້າ ຂໍໃຫ້ສິ່ງສັກສິດທັງຫຼາຍໃນໂລກນີ້ຈົ່ງດົນບັນດານໃຫ້ທ່ານ, ພະນັກງານກະຊວງການຕ່າງປະເທດ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຄອບຄົວ ປະສົບແຕ່ຄວາມຜາສຸກ ແລະ ຄວາມຈະເລີນຮຸ່ງເຮືອງຕະຫຼອດໄປ.

ດ້ວຍຄວາມນັບຖື.

ປານປຣີ ພະຫິດທານຸກອນ

ຮອງນາຍົກລັດຖະມົນຕີ ແລະ ລັດຖະມົນຕີວ່າການກະຊວງການຕ່າງປະເທດ ແຫ່ງ ຣາຊະອານາຈັກໄທ