ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ການນຳຂັ້ນສູງຂອງລາວ ສົ່ງສານອວຍພອນວັນຊາດ ອົດສະຕຣາລີ

 

ພະນະທ່ານປີເຕີ ໂກສກຣົບ

ຜູ້ສຳເລັດຣາຊະການແຫ່ງເຄືອຈັກກະພົບ ອົດສະຕຣາລີ

ທີ່ ແຄນເບີຣາ

ພະນະທ່ານ,

ເນື່ອງ​ໃນ​ໂອ​ກາດ​ວັນ​ຊາດອົດ​ສະ​ຕ​ຣາ​ລີ ຄົບ​ຮອບ 229 ປີ​, ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ,ຂ້າພະເຈົ້າ ຂໍສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ອວຍ​ພອນ​ໄຊ​ອັນ​ປະ​ເສີດມາ​ຍັງ​ ພະ​ນະ​ທ່ານ, ລັດ​ຖະ​ບານ ແລະ ປະ​ຊາ​ຊົນອົດ​ສະ​ຕ​ຣາ​ລີ ທຸກ​ຖ້ວນ​ໜ້າ.

ຂ້າ​ພະ​ເຈົ້າ ມີ​ຄວາມ​ປິ​ຕິ​ຍິນ​ດີ ເປັນ​ຢ່າງ​ຍິ່ງ​ທີ່​ເຫັນ​ວ່າ ​ສາຍ​ພົວ​ພັນ​ມິດ​ຕະ​ພາບ ແລະ ການ​ຮ່ວມ​ມື​ທີ່​ມີ​ມາ​ແຕ່​ດົນ​ນານ ລະ​ຫວ່າງ ສ​ປ​ປ ລາວ ແລະ ອົດ​ສະ​ຕ​ຣາ​ລີ ໄດ້​ຄົບ​ຮອບ 65 ປີ ໃນ​ປີ 2017. ລັດຖະບານແລະປະຊາຊົນລາວຕີລາຄາສູງແລະຮູ້ບຸນຄຸນຕໍ່ການຊ່ວຍເຫຼືອແລະການສະໜັບສະໜູນຂອງລັດຖະບານແລະປະຊາຊົນອົດສະຕຣາລີໃຫ້ແກ່ສປປລາວຕະຫຼອດໄລຍະທີ່ຜ່ານມາ, ຊຶ່ງໄດ້ປະກອບສ່ວນ​ອັນສຳ​ຄັນ​ເຂົ້າ​ໃນ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ຂອງ ສ​ປ​ປ ລາວ. ຂ້າ​ພະ​ເຈົ້າ ມີ​ຄວາມ ເຊື່ອ​ໝັ້ນ​ວ່າ​ສາຍ​ພົວ​ພັນ ແລະ ການ​ຮ່ວມ​ມື​ທີ່​ດີ​ດັ່ງ​ກ່າວ ຈະ​ສືບ​ຕໍ່​ໄດ້​ຮັບ​ການ​ເສີມ​ຂະ​ຫຍາຍ​ໃຫ້​ກ້າວ​ຂຶ້ນ​ສູ່​ລະ​ດັບ​ໃໝ່ ໃນ​ຊຸ່ມ​ປີ​ຂ້າງ​ໜ້າ.

ຂ້າພະເຈົ້າຂໍຖື​ໂອ​ກາດນີ້ອວຍພອນໃຫ້ພະນະທ່ານ ຈົ່ງມີພະລານາໄມສົມບູນ, ມີຄວາມຜາສຸກແລະປະສົບຜົນສຳເລັດໃນພາລະກິດອັນ​ສູງ​ສົ່ງ​ຂອງ​ພະ​ນະ​ທ່ານ ແລະ ຂໍອວຍພອນໄຊປີໃໝ່ອັນເສີດມາຍັງພະນະທ່ານ.

ດ້ວຍ​ຄວາມນັບຖືຢ່າງສູງ.

ບຸນ​ຍັງວໍ​ລະ​ຈິດ

ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ນະຄອນຫຼວງວຽງຈັນ, ວັນທີ 24 ມັງ​ກອນ2017

-----------------------------------------------------------------------

 

ພະ​ນະ​ທ່ານ ມານ​ຄອມ ເທີນ​ບູນ

ນາຍົກລັດຖະມົນຕີ ແຫ່ງ ອົດ​ສະ​ຕ​ຣາ​ລີ

ທີ່ ແຄນ​ເບີ​ຣາ

ພະນະທ່ານ,

 

ເນື່ອງ​ໃນ​ໂອ​ກາດ​ວັນ​ຊາດອົດ​ສະ​ຕ​ຣາ​ລີ ຄົບ​ຮອບ 229 ປີ​, ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ,ຂ້າພະເຈົ້າ ຂໍສົ່ງ​ຄຳ​ຊົມ​ເຊີຍ​ຢ່າງ​ຈິງ​ໃຈ​ ແລະ ອວຍ​ພອນ​ໄຊ​ອັນ​ປະ​ເສີດມາ​ຍັງ​ ພະ​ນະ​ທ່ານ, ລັດ​ຖະ​ບານ ແລະ ປະ​ຊາ​ຊົນ ອົດ​ສະ​ຕ​ຣາ​ລີ ທຸກ​ຖ້ວນ​ໜ້າ.

​ຂ້າ​ພະ​ເຈົ້າ ມີ​ຄວາມ​ປິ​ຕິ​ຍິນ​ດີ​​ທີ່​ເຫັນ​ວ່າ ຕະ​ຫຼອດ​ເວ​ລາ 65 ປີ​ທີ່​ຜ່ານ​ມາສາຍ​ພົວ​ພັນ​ມິດ​ຕະ​ພາບ ແລະ ການ​ຮ່ວ​ມ​ມືອັນ​ດີ ​ລະ​ຫວ່າງ ສ​ປ​ປ ລາວ ແລະ ອົດ​ສະ​ຕ​ຣາ​ລີ ໄດ້​ຮັບ​ການ​ພັດ​ທະ​ນາ​ຢ່າງ​ຕໍ່​ເນື່ອງ​ໃນ​ຫຼາຍ​ດ້ານ. ລັດ​ຖະ​ບານ ແລະ ປະ​ຊາ​ຊົນ​ລາວ ຕີ​ລາ​ຄາ​ສູງ ແລະ ຂໍ​ສະ​ແດງ​ຄວາມ​ຮູ້​ບຸນ​ຄຸນ​ມາ​ຍັງ​ລັດ​ຖະ​ບານ ແລະ ປະ​ຊາ​ຊົນ ອົດ​ສະ​ຕ​ຣາ​ລີ ທີ່​ໄດ້​ໃຫ້​ການ​ຊ່ວ​ຍ​ເຫຼືອ ແລະ ສະ​ໜັບ​ສະ​ໜູນ ສ​ປ​ປ ລາວ ຕະ​ຫຼອດ​ໄລ​ຍະ​ທີ່​ຜ່ານ​ມາ. ຂ້າ​ພະ​ເຈົ້າ​ຫວັງ​ວ່າ​ຈະ​ໄດ້ສືບ​ຕໍ່​ເຮັດ​ວຽກ​ຢ່າງ​ໃກ້​ຊິດ​ກັບ ພະ​ນະ​ທ່ານ ເພື່ອ​ສືບ​ຕໍ່​ຮັດ​ແໜ້ນ ແລະ ເສີມ​ຂະ​ຫຍາຍ ສາຍ​ພົວ​ພັນ​ມິດ​ຕ​ະພາບ ແລະ ການ​ຮ່ວມ​ມື​ອັນ​ດີ ລະ​ຫວ່າງ ສອງ​ປະ​ເທດ​ໃຫ້​ນັບ​ມື້​ນັບ​ຂະ​ຫຍາຍ​ຕົວຍິ່ງ​ໆຂຶ້ນ ເພື່ອ​ຜົນ​ປະ​ໂຫຍດ​ຮ່ວມ​ກັນ​ຂອງ​ປະ​ຊາ​ຊົນ​ສອງ​ຊາດ​ພວກ​ເຮົາ. ຂ້າ​ພະ​ເຈົ້າ ຫວັງ​ວ່າ​ຈະ​ໄດ້​ພົບ​ປະ​ກັບ​ພະ​ນະ​ທ່ານ​ ໃນ​​ກອງ​ປະ​ຊຸມ​ສຸດ​ຍອດ​ອາ​ຊຽນ-ອົດ​ສະ​ຕ​ຣາ​ລີ ​ໃນ​ປີ 2018 ທີ່ ອົດ​ສະ​ຕ​ຣາ​ລີ.

ຂ້າ​ພະ​ເຈົ້າ ຂໍ​ຖື​ໂອ​ກາດນີ້ ອວຍ​ພອນ​ໄຊ ອັນ​ປະ​ເສີດ ມາ​ຍັງ​ ພະ​ນະ​ທ່ານ ຈົ່ງ​ມີ​ພະ​ລາ​ນາ​ໄມ​ສົມ​ບູນ, ມີ​ຄວາມ​ຜາ​ສຸກ ແລະ ປະ​ສົບ​ຜົນ​ສຳ​ເລັດ​ໃນ​ໜ້າ​ທີ່​ອັນ​ມີ​ກຽດ​​ຂອງ​ພະ​ນະ​ທ່ານ.

 

ດ້ວຍຄວາມນັບຖືຢ່າງສູງ.

 

ທອງລຸນ ສີ​ສຸ​ລິດ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

 ນະ​ຄອນ​ຫຼວງວຽງ​ຈັນ, ວັນ​ທີ 24 ມັງ​ກອນ 2017

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
129781
ມື້ນີ້13
ມື້ວານ95
ອາທິດນີ້557
ເດືອນນີ້1178
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710