ໃນຕອນ​ເຊົ້າວັນທີ 9 ເມສາ 2015, ທີ່ ສູນ​ກາງ​ຊາວໜຸ່ມ ປະຊາຊົນ ປະຕິວັດລາວ, ຄະນະບໍລິຫານ ງານຊາວໜຸ່ມກະຊວງການຕ່າງປະເທດ ແລະ ຄຕພ, ນຳໂດຍ ສະຫາຍ ອານຸພາບ ວົງໜໍ່ແກ້ວ, ​ເລຂາຄະນະບໍລິຫານງານຊາວໜຸ່ມກະຊວງການຕ່າງປະເທດ ແລະ ຄຕພ ໄດ້ເຂົ້າອວຍພອນ ສະຫາຍ ດຣ. ວິໄລວົງ ບຸດດາຄຳ, ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດ​ລາວ ​ແລະ ບັນດາ​ສະຫາຍ​ໃນ​ຄະນະ, ເນື່ອງໃນໂອກາດວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 60 ປີ (14/04/1955-14/04/2015) ​ແລະ ອວຍພອນ​ປີ​ໃຫມ່​ລາວ ທີ່​ຈະ​ບັນຈົບ​ຄົບຮອບ​ມາ​ອີກ​ວາລະ​ຫນຶ່ງ.

ໃນວັນທີ 03 ເມສາ 2015, ທີ່ ສູນ​ກາງ​ສະຫະພັນກຳມະບານ​ລາວ, ສະຫະພັນກຳມະບານກະ ຊວງການຕ່າງ ປະເທດ ແລະ ຄະນະ​ພົວພັນ​ຕ່າງປະ​​ເທດ​ສູນ​ກາງ​ພັກ ເຊິ່ງນຳໂດຍ ສະຫາຍ ຄຳອິນ ຄິດຈະເດດ ໄດ້ເຂົ້າອວຍພອນ ສະຫາຍ ຄຳຫຼ້າ ລໍ​ລອນ​ສີ, ກຳມະການ​ສູນ​ກາງ​ພັກ, ປະທານ​ສູນ​ກາງ​ກຳມະບານ​ລາວ ເນື່ອງໃນໂອກາດຜົນສຳເລັດກອງປະຊຸມໃຫຍ່ ຄັ້ງທີ X ຂອງສະຫະພັນກຳມະ ບານກະຊວງການຕ່າງ ປະເທດ ແລະ ຄະນະ​ພົວພັນ​ຕ່າງປະ​​ເທດ​ສູນ​ກາງ​ພັກ. ໃນໂອກາດດັ່ງກ່າວ, ສະຫາຍ ຄຳຫຼ້າ ລໍ​ລອນ​ສີ ກໍ່ໄດ້ໂອ້ລົມ ແລະ ຍ້ອງຍໍຊົມເຊີຍ​ຜົນງານ​ທີ່ສະຫະພັນ​ກຳມະບານກະຊວງ​ການ​ຕ່າງປະ​ເທດ ​ແລະ ຄະນະ​ພົວພັນ​ຕ່າງປະ​​ເທດ​ສູນ​ກາງ​ພັກ ທີ່ຍາດ​ມາ​ໄດ້​ໃນ​ໄລຍະ​ຜ່ານ​ມາ ​ແລະ ​ໄດ້​ເນັ້ນ​ໃຫ້​ກຳມະບານທຸກ​ຂັ້ນຈົ່ງ​ຊ່ວຍ​ກັນ​ແກ້​ໄຂ​ບັນດາ​ຂໍ້ຄົງຄ້າງ, ປະຕິບັດ​ສິດ​ພາລະ​ບົດບາດ​ກຳມະບານ​ຕິດ​ພັນ​ກັບ​ວຽກງານ​ຂອງ​ຕົນ​ໃຫ້​ແທດ​ເໝາະ ​​ແນ​ໃສ່​ເຮັດ​ໃຫ້​ສະມາຊິກ​ກຳມະບານ ​ມີ​ຄວາມ​ເຂົ້າ​ໃຈ​ແຈ້ງ​ຕໍ່​ແນວທາງ​ຂອງ​ພັກ ​ແລະ ກົດ​ລະບຽບຂອງ​ລັດ ກໍ​ຄື​ແນວທາງ​ນະ​ໂຍບາຍ​ການ​ຕ່າງປະ​ເທດ​ຂອງ​ພັກ​ເຮົາ ​ເພື່ອ​ປົກ​ປ້ອງ​ສິດຜົນປະ​ໂຫຍ​ດຂອງ​ເຂົາ​ເຈົ້າ​ຢ່າງ​ແທ້​ຈິງ.

ໃນວັນທີ 24 ມີນາ 2015, ທີ່ກະຊວງການຕ່າງປະເທດ, ສາມອົງການຈັດຕັ້ງມະຫາຊົນ ປະກອບມີ: ສະຫະພັນກຳມະມານ, ຄະນະບໍລິຫານງານຊາວໜຸ່ມ ແລະ ສະຫະພັນແມ່ຍິງຂອງກະຊວງການ ຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ໄດ້ເຂົ້າອວຍພອນຄະນະພັກ, ຄະນະນຳ ກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ເນື່ອງໃນໂອກາດວັນ ສ້າງຕັ້ງພັກປະຊາຊົນ ປະຕິວັດລາວ ຄົບຮອບ 60 ປີ (22 ມີນາ 1955 ຫາ 22 ມີນາ 2015).