ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມລັດຖະມົນຕີຄະນະກຳມະການປະສານງານຮ່ວມ ເຂດສາມຫລ່ຽມພັດທະນາ ຄັ້ງທີ 10

3Lieum1 3Lieum2

 

ໃນວັນທີ 11 ທັນວາ 2015, ສປປ ລາວ ໄດ້ເປັນເຈົ້າພາບຈັດກອງປະຊຸມລັດຖະມົນຕີຄະນະກຳມະການປະສານງານຮ່ວມເຂດສາມຫລ່ຽມພັດທະນາ ຄັ້ງທີ 10 ທີ່ ແຂວງຈຳປາສັກ, ໂດຍການເປັນປະທານຮ່ວມຂອງ ທ່ານ ສົມດີ ດວງດີ, ລັດຖະມົນຕີວ່າການກະຊວງແຜນການ ແລະ ການລົງທຶນ, ປະທານຄະນະກຳມະການປະສານງານຮ່ວມເຂດສາມຫລ່ຽມພັດທະນາສຳລັບ ສປປ ລາວ; ທ່ານ ຊຸນ ຈັນໂທລ, ລັດຖະມົນຕີອາວຸໂສ, ລັດຖະມົນຕີວ່າການກະຊວງການຄ້າ, ປະທານຄະນະກໍາມະການປະສານງານຮ່ວມເຂດສາມຫລ່ຽມພັດທະນາ ສໍາລັບ ລາຊະອານາຈັກ ກຳປູເຈຍ ແລະ ທ່ານ ບຸຍ ກວາງ ວິງ, ລັດຖະມົນຕີວ່າການກະຊວງແຜນການ ແລະ ການລົງທຶນ, ປະທານຄະນະກຳມະການປະສານງານຮ່ວມເຂດສາມຫລ່ຽມພັດທະນາ ສຳລັບ ສສ ຫວຽດນາມ ແລະ ມີຄະນະຜູ້ແທນຈາກກະຊວງຂະແໜງການ ແລະ ບັນດາແຂວງຂອງເຂດສາມຫລ່ຽມພັດທະນາ ເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ທົບທວນຄືນ ການຈັດຕັ້ງຜັນຂະຫຍາຍຖະແຫຼງການຮ່ວມຂອງກອງປະຊຸມສຸດຍອດ CLV ຄັ້ງທີ 8 ໃນປີ 2014 ທີ່ນະຄອນຫຼວງວຽງຈັນ, ໂດຍສະເພາະຄວາມຄືບໜ້າຂອງການຈັດຕັ້ງປະຕິບັດແຜນແມ່ບົດການພັດທະນາເສດຖະກິດ-ສັງຄົມ ຂອງເຂດສາມຫລ່ຽມພັດທະນາ ແຕ່ປີ 2010 ຫາ 2020, ການຈັດຕັ້ງປະຕິບັດບົດບັນທຶກຄວາມເຂົ້າໃຈ ກ່ຽວກັບນະໂຍບາຍທີ່ດຶງດູດກວ່າເກົ່າຂອງເຂດສາມຫລ່ຽມພັດທະນາ ແລະ ປຶກສາຫາລືກ່ຽວກັບທິດທາງຮ່ວມມືໃນຕໍ່ໜ້າ, ໂດຍສຸມໃສ່ສ້າງເຂດການຮ່ວມມືດັ່ງກ່າວໃຫ້ກາຍເປັນເຂດທີ່ໄດ້ຮັບການສົ່ງເສີມ ແລະ ດຶງດູດການຄ້າ, ການລົງທຶນ ແລະ ການທ່ອງທ່ຽວໃຫ້ຫລາຍກວ່າເກົ່າລວມທັງການຊອກຫາວິທີທາງຂົນຂວາຍລະດົມແຫຼ່ງທຶນຈາກປະເທດຄູ່ຮ່ວມພັດທະນາ, ສະຖາບັນການເງິນ ແລະ ພາກເອກະຊົນ ເຂົ້າມາສະໜັບສະໜູນການຈັດຕັ້ງປະຕິບັດບັນດາແຜນງານ ແລະ ໂຄງການຕ່າງໆຂອງຂອບການຮ່ວມມືດັ່ງກ່າວ.

 

ການປະຊຸມໄດ້ຕີລາຄາສູງຕໍ່ຄວາມຄືບໜ້າຂອງຂອບການຮ່ວມມືເຂດສາມຫລ່ຽມພັດທະນາ ເຮັດໃຫ້ຂົງເຂດດັ່ງກ່າວ ສືບຕໍ່ຮັກສາໄດ້ຄວາມສາມັກຄີເພື່ອນມິດ ແລະ ບ້ານໃກ້ເຮືອນຄຽງ ທີມີມູນເຊື້ອອັນໄດ້ເຮັດໃຫ້ເຂດສາມຫລ່ຽມພັດທະນາ ມີສັນຕິພາບ ແລະ ສະຖຽນລະພາບ ແລະ ເອື້ອອຳນວຍໃຫ້ການພັດທະນາເສດຖະກິດ-ສັງຄົມໃຫ້ນັບມື້ນັບຂະຫຍາຍຕົວ, ການຈັດຕັ້ງປະຕິບັດແຜນແມ່ບົດ ວ່າດ້ວຍການພັດທະນາເສດຖະກິດ-ສັງຄົມ ເຂດສາມຫລ່ຽມພັດທະນາ ຮອດປີ 2020 ສະບັບປັບປຸງໃໝ່ ແມ່ນມີຄວາມຄືບໜ້າຫຼາຍດ້ານ,ໂດຍສະເພາະບັນດາໂຄງການພັດທະນາພື້ນຖານໂຄງລ່າງ, ໂຄງການປັບປຸງ ແລະ ຍົກລະດັບເສັ້ນທາງເຊື່ອມຈອດພາຍໃນແຕ່ລະປະເທດ ແລະ ເພື່ອເຊື່ອມຈອດກັບບັນດາແຂວງໃນເຂດສາມຫລ່ຽມພັດທະນາ. ການລົງທຶນຂອງພາກລັດ ແລະ ເອກະຊົນໃນເຂດສາມຫລ່ຽມພັດທະນາມີທ່າອ່ຽງເພີ່ມຂື້ນ,ໂດຍສະເພາະແມ່ນການລົງທຶນຂອງ ຫວຽດນາມຢູ່ 4 ແຂວງພາກໃຕ້ຂອງ ສປປ ລາວ ມີມູນຄ່າຫລາຍກວ່າ 2 ຕື້ໂດລາສະຫະລັດ.

 

ກອງປະຊຸມໄດ້ຊົມເຊີຍຕໍ່ຜົນສຳເລັດຂອງກອງປະຊຸມ 4 ຄະນະອະນຸກຳມະການ; ເວທີສົ່ງເສີມການຄ້າ ການລົງທຶນ ແລະ ທ່ອງທ່ຽວ; ງານວາງສະແດງສິນຄ້າ ແລະ ທ່ອງທ່ຽວ ແລະ ເວທີພົບປະຊາວໜຸ່ມຂອງເຂດສາມຫລ່ຽມພັດທະນາ ຊຶ່ງໄດ້ປະກອບສ່ວນເຂົ້າໃນການສົ່ງເສີມສິນຄ້າ, ການລົງທຶນ ແລະ ການໄປມາຫາສູ່ກັນຂອງປະຊາຊົນ ໃນເຂດສາມຫລ່ຽມພັດທະນາ.

 

ພ້ອມດຽວກັນນີ້, ລັດຖະມົນຕີໄດ້ມອບໝາຍໃຫ້ຄະນະເຈົ້າໜ້າທີ່ຈາກກະຊວງຂະແໜງການກ່ຽວຂ້ອງສືບຕໍ່ໜ້າວຽກສຳຄັນດັ່ງນີ້: 1. ສຶກສາ ກ່ຽວກັບການພັດທະນາອຸດສາຫະກຳຢາງພາລາໃນເຂດສາມຫລ່ຽມພັດທະນາ; 2. ສ້າງແຜນປະຕິບັດງານ ເຂດເຊື່ອມຈອດເສດຖະກິດເຂດສາມຫລ່ຽມພັດທະນາ; 3. ມອບໝາຍໃຫ້ຄະນະເຈລະຈາ ວ່າດ້ວຍການສົ່ງເສີມ ແລະ ອຳນວຍຄວາມສະດວກດ້ານການຄ້າ ສືບຕໍ່ເຈລະຈາ ວ່າດ້ວຍການສົ່ງເສີມ ແລະ ອຳນວຍຄວາມສະດວກ ດ້ານການຄ້າ ສືບຕໍ່ເຈລະຈາໃຫ້ສຳເລັດຜົນ ແລະ ສະເໜີຕໍ່ກອງປະຊຸມສຸດຍອດ ເຂດສາມຫລ່ຽມພັດທະນາຄັ້ງທີ 9 ທີ່ຈະຈັັດຂຶ້ນໃນປີ 2016 ທີ ລາຊະອານາຈັກ ກຳປູເຈຍ.

 

ກອງປະຊຸມລັດຖະມົນຕີຄະນະກຳມະການປະສານງານຮ່ວມເຂດສາມຫລ່ຽມພັດທະນາ ຄັ້ງທີ 11ຈະໄດ້ຈັດຂຶ້ນໃນປີ 2017 ໂດຍການເປັນເຈົ້າພາບຂອງ ສສ ຫວຽດນາມ.

ແຈ້ງການ

   

* ແຈ້ງການ ກ່ຽວກັບ ການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນທົ່ວໄປ (ວັນທີ 22 ກຸມພາ 2024)

  

* ກະຊວງການຕ່າງປະເທດ ເປີດຮັບສະໝັກລັດຖະກອນໃໝ່ ປະຈໍາປີ 2024(January 29th, 2024)

  

 *ASEAN FOREIGN MINISTERS’ STATEMENT ON THE EARTHQUAKE IN JAPAN (January 4th, 2024)

  

*ເວັບໄຊທາງການ ການເປັນປະທານອາຊຽນ ປີ 2024 ຂອງ ສປປ ລາວ (17 ພະຈິກ 2023)

  

*ຄໍາຂວັນ ແລະ ກາໝາຍ ການເປັນປະທານອາຊຽນ ປີ 2024 ຂອງ ສປປ ລາວ (8 ພະຈິກ 2023)

  

* ຂໍ້ມູນ: ການເປັນປະທານອາຊຽນຂອງ ສປປ ລາວ ໃນປີ 2024

  

* ກົມກົງສຸນ ອອກບົດຖະແຫຼງຂ່າວ ກ່ຽວກັບ ການອອກໜັງສືຜ່ານແດນ

   

* ຖະແຫຼງການ ຂອງກະຊວງການຕ່າງປະເທດ ກ່ຽວກັບ ສະຖານະການຄວາມຮຸນແຮງ ລະຫວ່າງ ອິດສະຣາແອນ ແລະ ປາແລັດສະຕິນ (10 ຕຸລາ 2023)

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ກັບການນຳໃຊ້ລະເບີດລູກຫວ່ານ. (10 ກໍລະກົດ 2023)

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ. (ອັບເດດ 19 ເມສາ 2023)

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia).

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
486440
ມື້ນີ້136
ມື້ວານ220
ອາທິດນີ້102
ເດືອນນີ້5745