ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

06 ປີ ພາຍໃຕ້ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ໄດ້ປະກອບ ສ່ວນສໍາຄັນເຂົ້າໃນການຮັດແໜ້ນ ແລະ ການສົ່ງເສີມການຮ່ວມມື ລະຫວ່າງ ສປ ຈີນ ແລະ ບັນດາປະເທດແມ່ນໍ້າຂອງຕອນລຸ່ມ.

 

ສປ ຈີນ ເປັນປະເທດທີ່ມີອານາເຂດອັນກວ້າງໃຫ່ຍໄພສານ, ມີຂະໜາດເສດຖະກິດອັບດັບທີສອງຂອງໂລກ ລວມທັງມີລະດັບການຂະຫຍາຍຕົວທາງເສດຖະກິດເປັນອັນດັບຕົ້ນໆ ຂອງພາກພື້ນ ແລະ ສາກົນ. ໃນຫລາຍທົດສະຕະວັດຜ່ານມາ, ພັກ-ລັດຖະບານ ສປ ຈີນ ໄດ້ມີຂໍ້ລິເລີ່ມໃໝ່ໆ ທີ່ຫາກຫລາຍ ເຊິ່ງທຸກຂໍ້ລິເລີ່ມລ້ວນແລ້ວແຕ່ເປັນປະໂຫຍດໃຫ້ແກ່ປະຊາຄົມໂລກ, ໃນນັ້ນ ອັນທີ່ພົ່ນເດັ່ນ ກໍແມ່ນຂໍ້ລິເລີ່ມໜຶ່ງແລວ-ໜຶ່ງເສັ້ນທາງ, ຂໍ້ລິເລີ່ມການພັດທະນາປະຊາຄົມໂລກ, ຂໍ້ລິເລີ່ມການສ້າງກຸ່ມຮ່ວມມືທາງດ້ານເສດຖະກິດຂອງກຸ່ມປະເທດກຳລັງພັດທະນາ (BRICS) ທີ່ໄດ້ລວມເອົາບັນດາປະເທດໃນ 04 ທະວີບ ເຂົ້າເປັນໜຶ່ງດຽວ. ນອກຈາກຂໍ້ລິເລີ່ມອັນເປັນມະຫາພາກແລ້ວ, ສໍາລັບຂອບການຮ່ວມມືອະນຸພາກພື້ນ, ສປ ຈີນ ຍັງມີບົດບາດສຳຄັນໃນການນຂັບເຄື່ອນ ແລະ ນຳສະເໜີຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ, ບັນດາປະເທດແມ່ນໍ້າຂອງຕອນລຸ່ມ ຕ່າງກໍໃຫ້ການສະໜັບສະໜູນ ນັບແຕ່ມື້ທີ່ມີການປະກາດສ້າງຕັ້ງຂໍ້ລິເລີ່ມດັ່ງກ່າວ ໃນກອງປະຊຸມສຸດຍອດຜູ້ນຳຂອງປະເທດສະມາຊິກ ທີ່ ເມືອງ ຊັນຢາ, ແຂວງໄຫໜານ ໃນປີ 2016. ນັບແຕ່ນັ້ນມາ, ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ໄດ້ມີບົດບາດອັນສຳຄັນໃນການສົ່ງເສີມການຮ່ວມມືຂອງບັນດາ     ປະເທດສະມາຊິກ ໂດຍສະເພາະ 05 ປະເທດແມ່ນໍ້າຂອງຕອນລຸ່ມ ທີ່ເປັນສາມາຊິກ.

 

ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຖືກສ້າງຕັ້ງຕາມຄວາມມຸງມາດປາຖະໜາຂອງຜູ້ນຳ ສປ ຈີນ ກັບ ບັນດາຜູ້ນຳປະເທດແມ່ນໍ້າຂອງຕອນລຸ່ມ ອັນປະກອບມີ ກຳປູເຈຍ, ສປປ ລາວ, ມຽນມາ, ໄທ ແລະ ສສ ຫວຽດນາມ ໂດຍໄດ້ແນໃສ່ສົ່ງເສີມ ແລະ ຮັດແໜ້ນ ການຮ່ວມມືດ້ານການພັດທະນາເສດຖະກິດ-ສັງຄົມ ແບບຮອບດ້ານ ບົນພື້ນຖານຄວາມສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ. ນອກນັ້ນ, ຂອບການຮ່ວມມືດັ່ງກ່າວ ຍັງຊ່ວຍສົ່ງເສີມການຫຼຸດຜ່ອນຄວາມແຕກໂຕນ ທາງດ້ານການພັດທະນາ ໂດຍເນັ້ນໃສ່ 03 ເສົາຄໍ້າ ທີ່ປະກອບດ້ວຍ: ເສົ້່າຄໍ້າການເມືອງ-ຄວາມຫມັ້ນຄົງ, ເສດຖະກິດ-ການພັດທະນາແບບຍືນຍົງ, ສັງ        ຄົມ-ວັດທະນະທໍາ ແລະ ການແລກປ່ຽນ ລະຫວ່າງ ປະຊາຊົນກັບປະຊາຊົນ, ເຊິ່ງໃນນີ້ໄດ້ສຸມໃສ່ 5 ຂົງເຂດບຸລິມະສິດ ເຊັ່ນ: ການເຊື່ອມໂຍງເຊື່ອມຈອດ, ສົ່ງເສີມຄວາມອາດສາມາດການຜະລິດເສດຖະກິດຂ້າມຊາຍແດນ, ການຄຸ້ມຄອງແຫຼ່ງຊັບພະຍາກອນນໍ້າ, ກະສິກໍາ ແລະ ການຫຼຸດຜ່ອນຄວາມທຸກຍາກ. ຄຽງຄູ່ກັບການສ້າງຕັ້ງກົນໄກຂອບການຮ່ວມມືດັ່ງກ່າວ, ສປ ຈີນ ກໍໄດ້ປະກອບສ່ວນງົບປະມານເບື້ອງຕົ້ນ 500 ລ້ານໂດລາ ສະຫະລັດ ເຂົ້າໃນກອງທຶນພິເສດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ເພື່ອຂັບເຄື່ອນ ແລະ ຈັດຕັ້ງປະຕິບັດແຜນງານ, ໂຄງການຕ່າງໆ ໃຫ້ເປັນຮູບປະທຳ. ນັບແຕ່ນັ້ນເປັນຕັ້ນມາ, ບັນດາປະເທດສະມາຊິກ ແມ່ນໍ້າຂອງ-ແມ່ນໍ້າລ້ານຊ້າງ ໄດ້ເພີ່ມທະວີການພົວພັນ ແລະ ຂະຫຍາຍຂົງເຂດການຮ່ວມມືໃນດ້ານຕ່າງໆ ຫຼາຍຂຶ້ນເປັນ ຕົ້ນແມ່ນ: ການສຶກສາ, ສາທາລະນະສຸກ, ສ້າງສະພາບແວດລ້ອມທີ່ເອື້ອອໍານວຍຄວາມສະດວກ ດ້ານການຂົນສົ່ງສິນຄ້າ ແລະ ອື່ນໆ ໂດຍເຫັນໄດ້ຈາກໝາກຜົນຂອງການຮ່ວມມືໃນໄລຍະຜ່ານມາ ເຊິ່ງໄດ້ໃຫ້ການຊ່ວຍເຫຼືອດ້ານທຶນຮອນ ແລະ ເຕັກນິກວິຊາການ ເພື່ອສ້າງຄວາມອາດສາມາດ ໃນການຍົກລະດັບການເຕີບໂຕທາງດ້ານເສດຖະກິດ ກໍຄືການຍົກລະດັບຊີວິດການເປັນຢູ່ຂອງປະຊາຊົນ ໃນເຂດແມ່ນໍ້າຂອງ-ແມ່ນໍ້າລ້ານຊ້າງ.

 

ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ໄດ້ເຕີບໃຫ່ຍຂະຫຍາຍຕົວຢ່າງບໍ່ຢຸດຢັ້ງ ນັບແຕ່ມື້ສ້າງຕັ້ງຂື້ນມາ, ພຽງ 06 ປີເທົ່ານັ້ນ ການຮ່ວມມືຂອງບັນດາປະເທດສະມາຊິກມີຫລາຍດ້ານພົ້ນເດັ່ນ ແລະ ເຂົ້່າສູ່ລ່ວງເລິກ ໃນ 5 ຂົງເຂດບຸລິມະສິດ, ມີຫລາຍກວ່າ 600 ໂຄງການ ຖືກຕັ້ງປະຕິບັດ ໃນບັນດາປະເທດສະມາຊິກ ເຊິ່ງລ້ວນແລ້ວແຕ່ປະກອບສ່ວນສຳຄັນໃນການສົ່ງເສີມການພັດທະນາເສດຖະກິດ-ສັງຄົມ ຂອງບັນ ດາປະເທດແມ່ນໍ້າຂອງຕອນລຸ່ມ ໃນນັ້ນອັນທີ່ພົ່ນເດັ່ນແມ່ນການຮ່ວມມືຂົງເຂດການແກ້ໄຂຄວາມທຸກຍາກ, ການສົ່ງເສີມການຜະລິດ ແລະ ການຄ້າຕາມຊາຍແດນ ລວມທັງການສົ່ງເສີມສ້າງຂີດຄວາມສາມາດ, ຍົກສູງທັກສະສີມືແຮງງານຂອງບັນດາປະເທດແມ່ນໍ້າຂອງຕອນລຸ່ມ. ໃນໄລຍະ 06 ປີຜ່ານມາ, ຜູ້ນໍາບັນດາປະເທດສະມາ ຊິກໄດ້ພ້ອມກັນຈັດຕັ້ງປະຕິບັດແຜນປະຕິບັດງານໄລຍະ 05 ປີ ຄັ້ງທີ 1 (2018-2022) ຢ່າງມີຜົນສໍາເລັດ. ພ້ອມດຽວກັນນັ້ນ, ກໍຍັງໄດ້ເປັນເອກະພາບກັນຕົກລົງເຫັນດີບົນຫຼັກການໃນການຮັບຮອງເອົາແຜນປະຕິບັດງານ 05 ປີຄັ້ງທີ2 (2023-2027) ໃນກອງປະຊຸມລັດຖະມົນຕີການຕ່າງປະເທດຂອງບັນດາປະເທດສະມາ ຊິກຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 7  ທີ່ເມືອງບາການ, ສສ ມຽນມາ ໃນລະຫວ່າງ ວັນທີ 3-4 ກໍລະກົດ 2022 ຜ່ານມາ, ເຊິ່ງຈະເປັນເອກະສານທີ່ສໍາຄັນໃຫ້ແກ່ກອງປະຊຸມສຸດຍອດຜູ້ນໍາ  ທີ່ຈະມີການຮັບຮອງໃນຂັ້ນຕໍ່ໄປ. ເຖິງແມ່ນ 2-3 ປີຜ່ານມາ, ບັນດາປະເທດໃນພາກພື້ນ ແລະ ສາກົນ ຈະໄດ້ຮັບຜົນກະທົບຢ່າງໜັກຈາກການແຜ່ລະບາດຂອງພະຍາດໂຄວິດ-19 ກໍຕາມ, ແຕ່ບັນດາປະເທດສະມາຊິກຂອງຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ກໍຍັງສຶບຕໍ່ຈັດຕັ້ງປະຕິ ບັດບັນດາໂຄງການຕ່າງໆ ໄດ້ຢ່າງເປັນຮູບປະທໍາ ແລະ ໄດ້ມີການຊ່ວຍເຫຼືອເຊິ່ງກັນ ແລະ ກັນ ໃນການຮັບມືກັບການແຜ່ລະບາດຂອງເຊື້ອພະຍາດດັ່ງກ່າວ ໂດຍສະເພາະ ການຊ່ວຍເຫຼືອດ້ານວັດຖຸອຸປະກອນການເເພດ, ຢາປົ່ວພະຍາດ ແລະ ວັກຊີນ ຂອງ ສປ ຈີນ ໃຫ້ແກ່ບັນດາປະເທດສະມາຊິກໄດ້ຢ່າງທັນການ  ແລະ ມີປະສິດຜົນສູງ ອັນເຮັດໃຫ້ບັນດາສະມາຊິກສາມາດຜ່ານຜ່າວິກິດການ ແລະ ເອົາຊະນະໃນການຄວບຄຸມການແຜ່ລະບາດໄດ້ຢ່າງມີປະສິດພາບ ເຊິ່ງເປັນປັດໃຈໜຶ່ງ ເຮັດໃຫ້ການຟຶ້ນຟູເສດຖະກິດ ແລະ ຊິີວີດການເປັນຢູ່ຂອງປະຊາຊົນຄ່ອຍໆ ດີຂຶ້ນເປັນກ້າວໆ.

 

ຄືດັ່ງທີ່ກ່າວມາຂ້າງເທິງ, ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ມີບົດບາດສຳຄັນໃນການສົ່ງ ເສີມການຮ່ວມມືດ້ານການພັດທະນາເສດຖະກິດ-ສັງຄົມ, ສັນຕິພາບ ແລະ ສະຖຽນລະພາບຂອງບັນດາປະເທດສະສາມຊິກ ໂດຍສະເພາະແມ່ນແນໃສ່ຈຳກັດຄວາມແຕກໂຕນ,ຊ່ອງວ່າງການພັດທະນາຂອງບັນດາປະ ເທດ ກໍຄື ການຫຼຸດຜ່ອນຄວາມທຸກຍາກຂອງບັນດາປະເທດແມ່ນໍ້າຕອນລຸ່ມ. ບົນຈິດໃຈດັ່ງກ່າວນີ້, ລັດຖະບານຂອງປະເທດສະມາຊິກ ຕາງກໍຕີລາຄາສູງຕໍ່ຜົນສຳເລັດຂອງຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ໃນຕະຫຼອດ 06 ປີຜ່ານມາ ເຊິ່ງສະແດງຢ່າງຈະແຈ້ງໃນບົດຂອງທ່ານ ສະເຫຼີມໄຊ ກົມມະສິດ, ຮອງນາຍົກ ລັດຖະມົນຕີ, ລັດຖະມົນຕີກະຊວງການຕ່າງປະເທດ ທີ່ກ່າວໃນໂອກາດຄົບຮອບ 06ປີ ການສ້າງຕັ້ງຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ (23 ມິນາ 2016-23 ມິນາ 2022) ໂດຍໄດ້ເນັ້ນໃຫ້ເຖິງຜົນສຳເລັດອັນໃຫ່ຍຫລວງຂອງການຮ່ວມມືພາຍໃນ ໂຄງການຕ່າງໆ ທີ່ ສປປ ລາວ ໄດ້ຮັບຢ່າງມະຫາສານ ຈາກການມີສ່ວນຮ່ວມໃນການຈັດຕັ້ງປະຕິບັດແຜນງານ, ໂຄງການຕ່າງໆ ຂອງກອງທຶນພິເສດແມ່ນໍ້າຂອງ-ແມ່ນໍ້າລ້ານຊ້າງ,  ອັນໄດ້ປະກອບສ່ວນໃນການພັດທະນາເສດຖະກິດ-ສັງຄົມຂອງ ສປປ ລາວ ໂດຍສະເພາະ ການຫລຸດຜ່ອນຄວາມແຕກໂຕນດ້ານການພັດທະນາ, ການຫລຸດຜ່ອນຄວາມທຸກຍາກຂອງປະຊາຊົນລາວ ລວມທັງການພັດທະນາແບບຍຶນຍົງ ແລະ ສີຂຽວ ເຊິ່ງໃນນັ້ນ ນັບແຕ່ປີ 2017 ເປັນຕົ້ນມາ ສປປ ລາວ ໄດ້ຮັບຜົນປະໂຫຍດ ທີ່ເປັນຮູບປະທໍາ ຈາກການຈັດຕັ້ງປະຕິບັດບັນດາໂຄງການຮ່ວມມືຕ່າງໆ ພາຍໃຕ້ຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ໂດຍສະເພາະ ພາຍໃຕ້ກອງທຶນພິເສດແມ່ນໍ້າຂອງ-ແມ່ນໍ້າລ້ານຊ້າງ ມີຈໍານວນທັງຫມົດ 68 ໂຄງການ, ຄິດເປັນມູນຄ່າລວມປະມານ 18 ລ້ານກວ່າໂດລາສະຫະລັດ ໃນນັ້ນມີ 11 ໂຄງການ ໄດ້ຈັດຕັ້ງສຳເລັດແລ້ວ ແລະ ອີກ 57 ໂຄງການ ແມ່ນກໍາລັງຈັດຕັ້ງປະຕິບັດຢູ່ ໃນນັ້ນລວມມີໂຄງການອະນຸມັດໃໝ່ ປີ 2022 ອີກ 12 ໂຄງການ. ບັນດາໂຄງການເຫລົ່ານັ້ນ ໄດ້ປະກອບສ່ວນສຳຄັນເຂົ້າໃນການພັດທະນາເສດຖະ ກິດ-ສັງຄົມ ຂອງ ສປປ ລາວ ກໍຄືພາກພື້ນແມ່ນໍ້າຂອງ. ໂຄງການທີ່ພົ້ນເດັ່ນຈາກການຈັດຕັ້ງປະຕິບັດໂຄງການເຫັນຜົນໄວ ສຳລັບ ສປປ ລາວ ແມ່ນໂຄງການທົດລອງແກ້ໄຂຄວາມທຸກຍາກ ລາວ-ຈີນ ມູນຄ່າ 33 ລ້ານຢວນ ເຊິ່ງຖືກຈັດຕັ້ງຢູ່ນະຄອນຫຼວງວຽງຈັນ ແລະ ແຂວງຫຼວງພະບາງ  ເຊິ່ງກວມເອົາບ້ານເຂດຫ່າງໄກສອກຫຼີກ. ໂຄງການດັ່ງກ່າວນີ້ ມີບົດບາດສໍາຄັນໃນການສ້າງພື້ນຖານໂຄງລ່າງຂະໜາດນ້ອຍຄື: ສ້າງສຸກສາລາ, ຫໍພັກ     ຄູ-ອາຈານ, ສູນບໍາບັດຂີ້ເຫຍື້ອ ແລະ ສູນຝຶກອົບຮົມການເຮັດກະສິກໍາສະອາດໃຫ້ປະຊາຊົນໃນລະດັບທ້ອງຖີ່ນຂັ້ນບ້ານ ອັນເປັນການສ້າງລາຍຮັບໃຫ້ປະຊາຊົນໃນເຂດດັ່ງກ່າວ.

             

ສປປ ລາວ ຍາມໃດກໍຖືສຳຄັນ ແລະ ຕີລາຄາສູງຕໍ່ໝາກຜົນການຮ່ວມມື ພາຍໃຕ້ຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ບົນຈິດໃຈການຮ່ວມມືເພື່ອສັນຕິພາບ, ສະຖຽນລະພາບ, ຄວາມສາມັກຄີປອງດອງ ແລະ ເປັນຈິດຫນຶ່ງໃຈດຽວ ໃນການພັດທະນາອະນຸພາກພື້ນແມ່ນໍ້າຂອງ ກໍ່ຄືການສົ່ງເສີມການຮ່ວມມື ໃຫ້ນັບມື້ນັບແຫນ້ນແຟ້ນ, ຂະຫຍາຍໄປສູ່ລວງກວ້າງ ແລະ ລວງເລິກຢ່າງມີປະສິດທິຜົນ ແລະ ມີຜົນປະໂຫຍດຮ່ວມກັນ ລະຫວ່າງ ປະເທດສະມາຊິກ. ສປປ ລາວ ຮູ້ບຸນຄຸນ ຕໍ່ລັດຖະບານ ແຫ່ງ ສປ ຈີນ ທີ່ໄດ້ໃຫ້ຄວາມສຳຄັນ ແລະ ສະໜັບສະໜູນຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ຕະຫຼອດມາ ໂດຍສະເພາະ ການສະໜັບສະໜູນທຶນຊ່ວຍເຫລືອ ເຂົ້າໃນກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ ເຊິ່ງເຮັດໃຫ້ບັນດາໂຄງການຮ່ວມມືຕ່າງໆ ໃນອະນຸພາກພື້ນແມ່ນໍ້າຂອງ ໄດ້ຮັບການຈັດຕັ້ງປະຕິບັດ ຢ່າງມີໝາກຜົນ ແລະ ເປັນຮູບປະທຳ ທີ່ນັບມື້,ນັບມີບົດບາດໃນການປະກອບສ່ວນເຂົ້າໃສ່ການພັດທະນາອະນຸພາກພື້ນແມ່ນໍ້າຂອງ ໃຫ້ມີຄຸນນະພາບ ແລະ ມີຄວາມຍືນຍົງ ແລະ ທັງເປັນການຮັບປະກັນ ສັນຕິພາບ, ສະຖຽນລະພາບ ແລະ ການພັດທະນາ ຢ່າງຮອບດ້ານ ຂອງອະນຸມພາກພື້ນ ໄປຄຽງຄູ່ກັບຂະບວນການສ້າງປະຊາຄົມອາຊຽນ ໃຫ້ປະກົດຜົນເປັນຈິງ ກໍຄື ການຈັດຕັ້ງປະຕິບັດຂໍ້ລິເລີ່ມໜຶ່ງແລວ ໜຶ່ງເສັ້ນທາງ, ການຮ່ວມມືໃຕ້-ໃຕ້ ແລະ ການບັນລຸເປົ້າໝາຍພັດທະ ນາແບບຍືນຍົງ ຮອດປີ 2030 ຂອງ ສປປ ລາວ ໄດ້ຍັບໃກ້ຄວາມເປັນຈິງຂື້ນຕື່ມອີກກ້າວໜຶ່ງ

 

(ຄົ້ນຄວ້າ ແລະ ຮຽບຮຽງໂດຍ ໂຄງການຄົ້ນຄວ້າລາວ-ຈີນ, ສະຖາບັນການຕ່າງປະເທດ).

ແຈ້ງການ

   

* ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ຈະນໍາພາຄະນະຜູ້ແທນຂັ້ນສູງ ເດີນທາງຢ້ຽມຢາມທາງລັດຖະກິດ ທີ່ ຣາຊະອານາຈັກກໍາປູເຈຍ (19 ເມສາ 2024)

    

* ເຊີນເຂົ້າຮ່ວມ ການແຂ່ງຂັນອອກແບບໂລໂກແອັກແມັກ (ACMECS) (28 ກຸມພາ 2024)

   

* ແຈ້ງການ ກ່ຽວກັບ ການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນທົ່ວໄປ (ວັນທີ 22 ກຸມພາ 2024)

  

* ກະຊວງການຕ່າງປະເທດ ເປີດຮັບສະໝັກລັດຖະກອນໃໝ່ ປະຈໍາປີ 2024(January 29th, 2024)

  

 *ASEAN FOREIGN MINISTERS’ STATEMENT ON THE EARTHQUAKE IN JAPAN (January 4th, 2024)

  

*ເວັບໄຊທາງການ ການເປັນປະທານອາຊຽນ ປີ 2024 ຂອງ ສປປ ລາວ (17 ພະຈິກ 2023)

  

*ຄໍາຂວັນ ແລະ ກາໝາຍ ການເປັນປະທານອາຊຽນ ປີ 2024 ຂອງ ສປປ ລາວ (8 ພະຈິກ 2023)

  

* ຂໍ້ມູນ: ການເປັນປະທານອາຊຽນຂອງ ສປປ ລາວ ໃນປີ 2024

  

* ກົມກົງສຸນ ອອກບົດຖະແຫຼງຂ່າວ ກ່ຽວກັບ ການອອກໜັງສືຜ່ານແດນ

   

* ຖະແຫຼງການ ຂອງກະຊວງການຕ່າງປະເທດ ກ່ຽວກັບ ສະຖານະການຄວາມຮຸນແຮງ ລະຫວ່າງ ອິດສະຣາແອນ ແລະ ປາແລັດສະຕິນ (10 ຕຸລາ 2023)

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ກັບການນຳໃຊ້ລະເບີດລູກຫວ່ານ. (10 ກໍລະກົດ 2023)

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ. (ອັບເດດ 19 ເມສາ 2023)

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia).

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
485471
ມື້ນີ້172
ມື້ວານ227
ອາທິດນີ້507
ເດືອນນີ້4776