ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ຄະນະພົວພັນຕ່າງປະເທດສູນກາງພັກ ຕ້ອນຮັບທູດ ຫວຽດຄົນໃໝ່

st am viet

ໃນ​ວັນ​ທີ 3 ມັງກອນ 2017, ທີ່​ ສຳນັກງານ​ຄະນະພົວພັນ​ຕ່າງປະ​ເທດ ​ສູນ​ກາງ​ພັກ, ທ່ານ ນາງ ສູນ​ທອນ ​ໄຊ​ຍະ​ຈັກ, ຫົວໜ້າ​ຄະນະ​ພົວພັນ​ຕ່າງ​ປະ​ເທດ ​ສູນ​ກາງ​ພັກ ປະຊາຊົນ ປະຕິວັດ​ລາວ ​ໄດ້​ຕ້ອນຮັບ​ການ​ເຂົ້າ​ຢ້ຽມ​ຂໍ່ານັບ​ຂອງ​ ທ່ານ ຫງວຽນ ບາ ຮຸ່ງ, ​ເອກ​ອັກຄະ​ລັດຖະທູດ ​ວິສາມັນ​ຜູ້​ມີ​ອຳນາດ​ເຕັມ ແຫ່ງ ສສ ຫວຽດນາມ ປະຈຳ ສປປ ລາວ ​ໃນ​ໂອກາດ​ທີ່​ມາ​ຮັບ​ໜ້າ​ທີ່​ໃໝ່ ຢູ່ ສປປ ລາວ ​ເຊິ່ງ​ທ່ານ​ທູດ​​ແມ່ນ​ເປັນ​ແຂກ​ຜູ້​ທຳ​ອິດ ​ຂອງ​ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ ​ໃນ​ປີ 2017.

​ໃນ​ໂອກາດ​ດັ່ງກ່າວ, ທ່ານນາງ ສູນ​ທອນ ​ໄຊ​ຍະ​ຈັກ ​ໄດ້​ສະ​​ແດງ​ຄວາມ​ຊົມ​ເຊີຍ ​ແລະ ອວຍພອນ ທ່ານ ຫງວຽນ ບາ ຮຸ່ງ ທີ່​ໄດ້​ຮັບມອບ​ໝາຍ​ໜ້າ​ທີ່ ​ເປັນ​ເອກ​ອັກຄະ​ລັດຖະທູດວິສາມັນ ​ຜູ້​ມີ​ອຳນາດ​ເຕັມ ​ແຫ່ງ ສສ ຫວຽດນາມ​ ປະຈໍາ ສປປ ລາວ ຄົນ​​ໃໝ່ ​ແລະ ສະ​ແດງ​ຄວາມ​ເຊື່ອ​ໝັ້ນ​ວ່າ ທ່ານ​ທູດ​ຄົນ​ໃໝ່ ຈະ​ສືບ​ຕໍ່​ໃຫ້ການ​ຮ່ວມ​ມື ​ແລະ ປະສານ​ສົມ​ທົບ​ກັນ​ຢ່າງ​ແໜ້ນ​ແຟ້ນ ກັບ​ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ ​ໃນ​ການ​ປະຕິບັດ​ໜ້າ​ທີ່​ ເປັນ​ຂົວ​ຕໍ່​ປະສານ​ງານ ລະຫວ່າງ ພັກ, ລັດ ລາວ-ຫວຽດນາມ. ເວົ້າ​ລວມ, ​ເວົ້າ​ສະ​ເພາະ ລະຫວ່າງ ​ບັນ​ດາ​ອົງການ​ຈັດ​ຕັ້ງ​ຂອງ​ພັກ, ອົງການ​ຈັດ​ຕັ້ງມະຫາຊົນ​ ຂອງລາວ-ຫວຽດນາມ. ອັນ​ພິ​ເສດ ​ກໍ​ແມ່ນ​ໃນ​ປີ 2017 ສອງ​ປະ​ເທດ​ຈະ​​ໄດ້​ປະສານ​ສົມທົບ​ກັນ ຈັດ​ຕັ້ງບັນດາ​ກິດຈະກຳ​ການ​ເຄື່ອນ​​ໄຫວ ສະ​ເຫລີ​ມສະຫລອງ ວັນ​ສ້າງ​ຕັ້ງ​ສາ​ຍພົວພັນ​ການ​ທູດ ລາວ-ຫວຽດນາມ ຄົບຮອບ 55 ປີ, ​ວັນ​ເຊັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື ລາວ-ຫວຽດນາມ ຄົບຮອບ 40 ປີ ​ໃຫ້​ມີ​ບັນຍາກາດ​ຄຶກຄື້ນ, ປະກອບ​ສ່ວນ​ເຂົ້າ​ ໃນ​ການ​ເສີມ​ຂະຫຍາຍ ສາຍ​ພົວພັນ​ມິດຕະພາບ​ ອັນ​ເປັນ​ມູນ​ເຊື້ອ, ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບ​ດ້ານ ລະຫວ່າງ ສອງ​ພັກ-ລັດ ​ແລະ ປະຊາຊົນ​ສອງ​ຊາດ ລາ​ວ-ຫວຽດນາມ ​ໃຫ້​ນັບ​ມື້​ນັບ​ກ້າວ​ເຂົ້າ​ສູ່​ລວງ​ເລິກ ​ແລະ ມີ​ປະສິດທິ​ຜົນ​ສູງ​ຍິ່ງໆ​ຂຶ້ນ.

ພ້ອມ​ດຽວ​ກັນ, ທ່ານ ຫງວຽນ ບາ ຮຸ່ງ ກໍ​ໄດ້​ສະ​ແດງ​ຄວາມ​ດີ​ໃຈ ​ເປັນ​ຢ່າງ​ຍິ່ງ ທີ່​ໄດ້​ມີ​ໂອກາດ​ເຂົ້າຢ້ຽມ​ຂໍ່ານັບ ທ່ານ​ ຫົວໜ້າ​ຄະນະ​ພົວພັນ​ຕ່າງປະ​ເທດ ​ສູນ​ກາງ​ພັກ ​ໃນ​ໂອກາດ​ທີ່​ຕົນ​ມາ​ຮັບໜ້າ​ທີ່​ ເປັນ​ເອກ​ອັກຄະ​ລັດຖະທູດ​ວິສາມັນ ຜູ້​ມີ​ອຳນາດ​ເຕັມ ​ແຫ່ງ ສສ ຫວຽດນາມ ປະຈຳ ສປປ ລາວ ຄົນ​ໃໝ່ ​ແລະ ​ເນັ້ນໜັກ​ວ່າ​ຕົນ​ເອງ ​ແລະ ພະນັກງານ​ສະຖານທູດ ຈະ​ເຮັດ​ສຸດ​ຄວາມ​ສາມາດ​ຂອງ​ຕົນ ​ເພື່ອ​ສືບ​ຕໍ່​ປະຕິບັດ​ໜ້າ​ທີ່​ວຽກ​ງານ ​ການ​ຕ່າງປະ​ເທດ ​ເປັນ​ຂົວ​ຕໍ່​​ໃນ​ການ​ປະສານ​ສົມທົບ ກັບ​ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ ປະຊາຊົນ ປະຕິວັດ​ລາວ ກໍ​ຄື​ບັນດາ​ກະຊວງ, ອົງການ ຂັ້ນ​ສູນ​ກາງ ​ແລະ ທ້ອງ​ຖິ່ນ​ຂອງ​ລາວ ​ເພື່ອ​ປະກອບ​ສ່ວນ​ເຂົ້າ​ ໃນ​ການ​ເພີ່ມ​ພູນ​ຄູນ​ສ້າງ ​ແລະ ​ເຮັດ​ໃຫ້​ສາຍ​ພົວພັນ​ມິດຕະພາບ ອັນ​ເປັນ​ມູນ​ເຊື້ອ, ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ ລະຫວ່າງ​ສອງ​ພັກ, ສອງ​ລັດ ​ແລະ ປະຊາຊົນ​ສອງ​ຊາດ ລາວ-ຫວຽດນາມ ​ໃຫ້​ນັບ​ມື້ນັບ​ແຕກ​ດອກ​ອອກ​ຜົນ​ ຢ່າງ​ບໍ່​ຢຸດ​ຢັ້ງ ​ແລະ ໝັ້ນຄົງ​ຕະຫລອດ​ໄປ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
118265
ມື້ນີ້38
ມື້ວານ95
ອາທິດນີ້11
ເດືອນນີ້2591
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710