ພະນະທ່ານ,
ໃນນາມປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ແລະ ປະຊາຊົນ ຟີລິບປິນ ທຸກຖ້ວນໜ້າ ເນື່ອງໃນໂອກາດການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ຟີລິບປິນ ຄົບຮອບ 65 ປີ.
ພະນະທ່ານ ອາມັດ ນາເຊີ ອາລ-ໂມຮໍາມັດ ອາລ-ຊາບາ
ລັດຖະມົນຕີຕ່າງປະເທດ ແຫ່ງ ລັດກູເວດ
ທີ່ກູເວດ
ພະນະທ່ານ,
ຂ້າພະເຈົ້າ ຮູ້ສຶກປິຕິຍິນດີ ສົ່ງຄຳຊົມເຊີຍ ຢ່າງຈິງໃຈ ມາຍັງພະນະທ່ານ ເນື່ອງໃນໂອກາດທີ່ ພະນະທ່ານ ໄດ້ຮັບການແຕ່ງຕັ້ງເປັນລັດຖະມົນຕີຕ່າງປະເທດຄົນໃໝ່ ແຫ່ງ ລັດກູເວດ.
ພະນະທ່ານ ສະກ໊ອດ ໂມຣີຊັນ
ນາຍົກລັດຖະມົນຕີ ແຫ່ງ ອົດສະຕຣາລີ
ທີ່ ແຄນເບີຣາ
ພະນະທ່ານ,
ຂ້າພະເຈົ້າ ໄດ້ຮັບຂ່າວ ໄຟໄໝ້ຄັ້ງຮຸນແຮງທີ່ສຸດໃນທົດສະວັດ ຢູ່ ອົດສະຕຣາລີ, ຊຶ່ງໄດ້ສ້າງຄວາມເສຍຫາຍຕໍ່ຊີວິດ ແລະ ທຳລາຍບ້ານເຮືອນ ແລະ ຊັບສິນຂອງປະຊາຊົນເປັນຈຳນວນຫລວງຫລາຍ.
ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເຫັນໃຈ ແລະ ເສົ້າສະຫຼົດໃຈເປັນຢ່າງຍິ່ງ ມາຍັງ ພະນະທ່ານ, ລັດຖະບານ ແລະ ປະຊາຊົນ ອົດສະຕຣາລີ, ໂດຍສະເພາະ ຕໍ່ຄອບຄົວຂອງຜູ້ທີ່ໄດ້ຮັບເຄາະຮ້າຍຈາກເຫດການ ໄຟໄໝ້ໃນຄັ້ງນີ້.