ທີ່ ນະຄອນຫລວງວຽງຈັນ.

          ພະນະທ່ານປະທານປະເທດທີ່ນັບຖື,

          ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຂ້າພະເຈົ້າໃນນາມຕາງຫນ້າໃຫ້ປະຊາຊົນ ມົງໂກລີ ແລະ ໃນນາມສ່ວນຕົວ ຂໍສະແດງຄວາມຊົມເຊີຍຢ່າງຈິງໃຈມາຍັງພະນະທ່ານປະທານປະເທດ ແລະ ຜ່ານພະນະທ່ານໄປຍັງປະຊາຊົນລາວເພື່ອນມິດ.

          ການສ້າງຕັ້ງສາຍພົວພັນການທູດລະຫວ່າງ ມົງໂກລີ ແລະ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 60 ປີກໍ່ຈະມີຂຶ້ນໃນປີຫນ້ານີ້. ຂ້າພະເຈົ້າມີຄວາມພາກພູມໃຈທີ່ຈະໄດ້ຮ່ວມມືຢ່າງໃກຊິດກັບພະນະທ່ານໃນພາລະກິດເສີ່ມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອລະຫວ່າງສອງປະເທດຂອງພວກເຮົາທີ່ເຕີບໃຫຍ່ຂະຫຍາຍຕົວມາຕະຫລອດໄລຍະຫົກທົດສະວັດນັ້ນໃຫ້ຂະຫຍາຍຕົວຢ່າງເລິກເຊິ່ງເພື່ອສິດຜົນປະໂຫຍດຂອງປະຊາຊົນສອງຊາດ ແລະ ເພື່ອການພັດທະນາຂອງຂົງເຂດ.

          ໂອກາດນີ້, ຂ້າພະເຈົ້າຂໍອວຍພອນໃຫ້ພະນະທ່ານປະທານປະເທດຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ຂໍໃຫ້ປະຊາຊົນລາວເພື່ອນມິດປະສົບແຕ່ຄວາມວັດທະນາຖາວອນ.

          ດ້ວຍຄວາມນັບຖືຢ່າງສູງ,

                                                        ປະທານາທິບໍດີ ແຫ່ງ ມົງໂກລີ

                                                           ອົກຄ໌ນາກີງ ຮູເຣນສຸກຄ໌

ນະຄອນຫລວງອູລານບາຕໍ,

ວັນທີ 02 ທັນວາ 2021.

ທີ່ ນະຄອນຫລວງວຽງຈັນ.

          ພະນະທ່ານນາຍົກລັດຖະມົນຕີທີ່ນັບຖື,

          ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຂ້າພະເຈົ້າໃນນາມຕາງຫນ້າໃຫ້ລັດຖະບານ ແຫ່ງ ມົງໂກລີ ແລະ ໃນນາມສ່ວນຕົວ ຂໍສະແດງຄວາມຊົມເຊີຍອັນອົບອຸ່ນມາຍັງພະນະທ່ານນາຍົກລັດຖະມົນຕີ ແລະ ລັດຖະບານ ແຫ່ງ ສປປ ລາວ.

          ຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງທີ່ຈະໄດ້ສືບຕໍ່ຮ່ວມມືກັບພະນະທ່ານເພື່ອເສີມຂະ ຫຍາຍສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອລະຫວ່າງ ມົງໂກລີ ແລະ ລາວ ໃຫ້ເຕີບໃຫຍ່ຂະຫຍາຍຕົວຍິ່ງໆຂຶ້ນໃນຕໍ່ຫນ້າ.

          ໂອກາດນີ້, ຂ້າພະເຈົ້າຂໍອວຍພອນໃຫ້ພະນະທ່ານຈົ່ງມີສຸຂະພາບເຂັ້ມແຂງ ແລະ ປະສົບຜົນສຳ ເລັດໃນຫນ້າທີ່ວຽກງານ.

          ດ້ວຍຄວາມນັບຖືຢ່າງສູງ,

                                                        ນາຍົກລັດຖະມົນຕີ ແຫ່ງ ມົງໂກລີ

                                                            ລົບຊັງນຳສ໌ໄຣ ອໍໂຢງ-ເອຣ໌ເດນ

ນະຄອນຫລວງອູລານບາຕໍ,

ວັນທີ 02 ທັນວາ 2021.

ທີ່ ນະຄອນຫລວງວຽງຈັນ.

           ພະນະທ່ານລັດຖະມົນຕີທີ່ນັບຖື,

          ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຂ້າພະເຈົ້າຂໍສະ ແດງຄວາມຊົມເຊີຍອັນອົບອຸ່ນ ແລະ ຈິງໃຈມາຍັງພະນະທ່ານລັດຖະມົນຕີ ແລະ ຜ່ານພະນະທ່ານໄປຍັງພະນັກງານກະຊວງການຕ່າງປະເທດ ແຫ່ງ ສປປ ລາວ ທຸກຖ້ວນຫນ້າ.

        ຂ້າພະເຈົ້າເຊື່ອຫມັ້ນວ່າການຮ່ວມມືອັນໃກ້ຊິດລະຫວ່າງກະຊວງການຕ່າງປະເທດຂອງສອງປະເທດພວກເຮົາຈະປະກອບສ່ວນອັນລ້ຳຄ່າເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອລະຫວ່າງ ມົງໂກລີ ແລະ ລາວ ໃຫ້ຂະຫຍາຍຕົວຍິ່ງໆຂຶ້ນໃນຕໍ່ຫນ້າ.

          ໂອກາດນີ້, ຂ້າພະເຈົ້າຂໍອວຍພອນໃຫ້ພະນະທ່ານຈົ່ງມີສຸຂະພາບເຂັ້ມແຂງ ແລະ ປະສົບຜົນສຳ ເລັດໃນຫນ້າທີ່ວຽກງານອັນສູງສົ່ງ.

          ດ້ວຍຄວາມນັບຖືຢ່າງສູງ,

                                                           ບັດເມິງຄີງ ບັດເຊເຊັກ

ນະຄອນຫລວງອູລານບາຕໍ,

ວັນທີ 02 ທັນວາ 2021.