ນະ​ຄອນ​ຫລວງວຽງ​ຈັນ, ວັນ​ທີ 7 ທັນວາ 2021

ສົມເດັດ ເຊກຄ໌ ຄາລີຟາ ບິນ ຊາຢິດ ອາລ ນາຢັນ

ປະທານາທິບໍດີ ແຫ່ງ ສະຫະນະຄອນ ເອເມຣັດ ອາຣັບ

ທີ່ ອາບູ ດາບີ

ສົມເດັດ,

ເນື່ອງໃນໂອກາດວັນຊາດ ແຫ່ງ ສະຫະນະຄອນ ເອເມຣັດ ອາຣັບ ຄົບຮອບ 50 ປີ, ໃນ​ນາມ​ປະ​ຊາ​ຊົນລາວ ທຸກຖ້ວນໜ້າ ແລະ ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ​ ມີຄວາມປິຕິຍິນດີເປັນຢ່າງຍິ່ງສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະ​ເສີດມາ​ຍັງ ​ສົມເດັດ ແລະ ປະ​ຊາ​ຊົນ​ສະຫະນະຄອນ ເອເມຣັດ ອາຣັບ ເພື່ອນມິດທຸກຖ້ວນໜ້າ.

ສາທາລະນະລັດ ປະຊາທິປະໄຕ ປະຊາຊົນລາວ ແລະ ສະຫະນະຄອນ ເອເມຣັດ ອາຣັບ ມີສາຍພົວພັນມິດ ຕະພາບ ແລະ ການຮ່ວມມືອັນດີງາມຕະຫຼອດ ໄລຍະທີ່ຜ່ານມາ. ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມດັ່ງກ່າວ ລະຫວ່າງ ສອງປະເທດພວກເຮົາ ຈະສືບຕໍ່ໄດ້ຮັບການພັດທະນາຍິ່ງໆຂຶ້ນໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ.

ໃນໂອກາດ ອັນສະຫງ່າລາສີນີ້, ຂ້າ​ພະ​ເຈົ້າ ຂໍ​ອວ​ຍ​ພອນໄຊ ມາຍັງ ​​ສົມເດັດ ຈົ່ງມີ​ພະ​ລາ​ນາ​ໄມສົມ​ບູນ ມີ​ຄວາມຜາສຸກ ແລະ ຂໍໃຫ້ປະຊາຊົນ ສະຫະນະຄອນ ເອເມຣັດ ອາຣັບ ຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງ.

ດ້ວຍ​ຄວາມ​ນັບ​ຖືຢ່າງ​ສູງ.

ທອງລຸນ ສີສຸລິດ

ປະທານປະປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

-------------------------------------------------------

ນະຄອນຫຼວງວຽງຈັນ, ວັນທີ 7 ທັນວາ 2021

ສົມເດັດ ໂມຮາເມັດ ບິນ ຊາຢິດ ອາລ-ນາຢັນ,

ອົງມົງກຸດຣາຊະກຸມມານ ແຫ່ງ ອາບູ ດາບີ

ຮອງຜູ້ບັນຊາການທະຫານສູງສຸດ ກອງທັບສະຫະນະຄອນ ເອເມຣັດ ອາຣັບ

ທີ່ ອາບູ ດາບີ

ສົມເດັດ,

ເນື່ອງໃນໂອກາດວັນຊາດ ແຫ່ງ ສະຫະນະຄອນ ເອເມຣັດ ອາຣັບ ຄົບຮອບ 50 ປີ, ໃນນາມ ປະຊາຊົນລາວ ທຸກຖ້ວນໜ້າ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດຢ່າງສູງ ສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງສົມເດັດ ແລະ ປະຊາຊົນ ແຫ່ງ ສະຫະນະຄອນ ເອເມຣັດ ອາຣັບ ເພື່ອນມິດທຸກຖ້ວນໜ້າ.

ຂ້າພະເຈົ້າ ຕີລາຄາສູງ ຕໍ່ສາຍພົວພັນມິດຕະພາບ ແລະ ການຮ່ວມມືອັນດີນຳກັນ ຕະຫຼອດໄລຍະຜ່ານມາ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສະຫະນະຄອນ ເອເມຣັດ ອາຣັບ ແລະ ຫວັງຢ່າງຍິ່ງວ່າ ສາຍພົວພັນມິດຕະພາບ ແລະ ການຮ່ວມມືທີ່ດີດັ່ງກ່າວຈະສືບຕໍ່ໄດ້ຮັບການພັດທະນາ ໃນຊຸມປີຕໍ່ໜ້າ ເພື່ອຜົນປະ ໂຫຍດຮ່ວມກັນ ຂອງ ປະຊາຊົນສອງຊາດພວກເຮົາ.

ຂ້າພະເຈົ້າ ຂໍຖືໂອກາດນີ້ ອວຍພອນ ສົມເດັດ ຈົ່ງມີພະລານາໄມສົມບູນ, ມີຄວາມກະເສມສໍາລານ ແລະ ຂໍໃຫ້ປະຊາຊົນ ສະຫະນະຄອນ ເອເມຣັດ ອາຣັບ ຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.

ດ້ວຍຄວາມນັບຖືຢ່າງສູງ,

ປານີ ຢາທໍ່ຕູ້

ຮອງປະທານປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

-------------------------------------------------------

  ນະຄອນຫຼວງວຽງຈັນ, ວັນທີ 7 ທັນວາ 2021

ສົມເດັດ ເຊກຄ໌ ໂມຮາເມັດ ບິນ ຣາຊິດ ອາລ ມາກຕຸມ,

ຮອງປະທານາທິບໍດີ, ນາຍົກລັດຖະມົນຕີ ແລະ ລັດຖະມົນຕີກະຊວງປ້ອງກັນປະເທດ,

ເຈົ້າຄອງນະຄອນດູໄບ

ແຫ່ງ ສະຫະນະຄອນ ເອເມຣັດ ອາຣັບ

ທີ່ ອາບູ ດາບີ

ສົມເດັດ,

ເນື່ອງ​ໃນ​ໂອ​ກາດ​ວັນ​ຊາດ ແຫ່ງ ​ສະຫະນະຄອນ ເອເມຣັດ ອາຣັບ ຄົບ​ຮອບ 50 ປີ, ໃນ​ນາມລັດຖະບານ ແລະ ປະຊາຊົນ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ກໍຄື ​ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ ຂໍສະແດງຄວາມຊົມເຊີຍຢ່າງຈິງໃຈ ແລະ ພອນ​ໄຊ​ອັນ​ປະ​ເສີດ ມາ​ຍັງ​ ສົມເດັດ ແລະ ​ປະ​ຊາ​ຊົນ ແຫ່ງ ສະຫະນະຄອນ ເອເມຣັດ ອາຣັບ​ ເພື່ອນ​ມິດທຸກຖ້ວນໜ້າ.

ຂ້າພະເຈົ້າ ມີຄວາມປິຕິຍິນດີ ທີ່ເຫັນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສາທາ ລະນະລັດ ປະຊາທິປະໄຕ ປະຊາຊົນລາວ ແລະ ສະຫະນະຄອນ ເອເມຣັດ ອາຣັບ ໄດ້ຮັບການພັດທະນາ ແລະ ຂະ ຫຍາຍຕົວ ໃນຊຸມປີຜ່ານມາ. ຂ້າພະເຈົ້າ ຫວັງເປັນຢ່າງຍິ່ງວ່າຈະໄດ້ເຮັດວຽກຮ່ວມກັບ ສົມເດັດ ເພື່ອເສີມຂະຫຍາຍສາຍພົວພັນມິດຕະພາບ ລະຫວ່າງ ສອງປະເທດພວກເຮົາ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ ກໍຄືເພື່ອສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາໃນພາກພື້ນ ແລະ ສາກົນ.

ຂ້າ​ພະ​ເຈົ້າ ຂໍ​ຖື​ໂອ​ກາດນີ້ ອວຍ​ພອນ ​ ສົມເດັດ ຈົ່ງ​ມີ​ພະ​ລານາ​ໄມສົມ​ບູນ, ມີ​ຄວາມ​ກະເສມສໍາລານ ແລະ ປະສົບຜົນສໍາເລັດ ໃນໜ້າທີ່ອັນມີກຽດສູງສົ່ງ ຂອງ ສົມເດັດ ແລະ ຂໍໃຫ້ປະຊາຊົນ ສະຫະນະຄອນ ເອເມຣັດ ອາຣັບ ຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.

ດ້ວຍ​ຄວາມ​ນັບ​ຖື​ຢ່າງ​ສູງ​.

ພັນຄໍາ ວິພາວັນ

ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

-------------------------------------------------------

ນະ​ຄອນຫຼວງວຽງ​ຈັນ, ວັນ​ທີ 7 ທັນວາ 2021

ສົມເດັດ,

ເນື່ອງ​ໃນ​ໂອ​ກາດ​ວັນ​ຊາດແຫ່ງ​ສະຫະນະຄອນ ເອເມຣັດ ອາຣັບ ຄົບ​ຮອບ50ປີ, ຂ້າ​ພະ​ເຈົ້າຂໍຖືເປັນກຽດ​ ​ສົ່ງ​ຄຳ​ຊົມ​ເຊີຍອັນ​ຈິງໃຈ ແລະພອນ​ໄຊ​ອັນ​ປະ​ເສີດ ມາ​ຍັງ​ ສົມເດັດແລະ​ປະ​ຊາ​ຊົນ ແຫ່ງ ສະຫະນະຄອນ ເອເມຣັດ ອາຣັບ​ ເພື່ອນ​ມິດທຸກຖ້ວນໜ້າ.

ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມ ທີ່ມີຢູ່ແລ້ວນັ້ນ ລະຫວ່າງ ສອງປະເທດພວກເຮົາ ຈະໄດ້ຮັບການພັດທະນາຍິ່ງໆຂຶ້ນ ໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ. ຂ້າພະເຈົ້າ ຫວັງເປັນຢ່າງຍິ່ງວ່າຈະໄດ້ຮ່ວມເຮັດວຽກຮ່ວມກັບ ສົມເດັດຢ່າງໃກ້ຊິດ ທັງໃນຂອບສອງຝ່າຍ ແລະ ຫຼາຍຝ່າຍ ເພື່ອນໍາເອົາຜົນປະໂຫຍດຕົວຈິງມາສູ່ປະຊາຊົນສອງປະເທດ ຂອງພວກເຮົາ ກໍຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ ຢູ່ໃນພາກພື້ນ ແລະ ໃນໂລກ.

ຂ້າ​ພະ​ເຈົ້າຂໍ​ຖື​ໂອ​ກາດນີ້ອວຍ​ພອນ ​ ສົມເດັດຈົ່ງ​ມີ​ພະ​ລານາ​ໄມສົມ​ບູນ, ມີ​ຄວາມກະເສມສໍາລານ ແລະ ປະສົບຜົນສໍາເລັດ ໃນໜ້າທີ່ອັນສູງສົ່ງ ຂອງ ສົມເດັດແລະຂໍໃຫ້ປະຊາຊົນ ສະຫະນະຄອນ ເອເມຣັດ ອາຣັບ ເພື່ອນມິດຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.

ດ້ວຍ​ຄວາມ​ນັບ​ຖື​ຢ່າງ​ສູງ​.                                    

ສະເຫຼີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ສົມເດັດ ເຊກຄ໌ ອັບດູນລາສ ບິນ ຊາຍຢິດ ອາລ ນາຢັນ

ລັດຖະມົນຕີຕ່າງປະເທດ ແລະ ການຮ່ວມມືສາກົນ

ແຫ່ງສະຫະນະຄອນ ເອເມຣັດ ອາຣັບ

ທີ່ ອາບູ ດາບີ

-------------------------------------------------------