ນະຄອນຫຼວງວຽງຈັນ, 20 ເມສາ 2021

ພະນະ​ທ່ານ,

​          ຂ້າພະ​ເຈົ້າ ມີ​ຄວາມ​ປິ​ຕິ​ຍິນ​ດີ​ເປັນ​ຢ່າງ​ຍິ່ງ ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ພອນໄຊອັນປະເສີດ   ມາ​ຍັງ ພະນະ​​ທ່ານ ​ເນື່ອງໃນໂອກາດ ໄດ້​ຮັບແຕ່ງຕັ້ງ​​ເປັນ ລັດຖະມົນຕີກະຊວງການຕ່າງປະເທດ ແລະ ການຄ້າສາກົນ ແຫ່ງ ສາທາລະນະລັດ ຊິມບັບເວ.

ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ຊິມບັບເວ ມີສາຍພົວພັນມິດຕະພາບ ແລະ ການຮ່ວມມື ອັນດີນໍາກັນຕະຫຼອດໄລຍະຜ່ານມາ. ຂ້າພະເຈົ້າ ຫວັງເປັນຢ່າງຍິ່ງວ່າ ຈະໄດ້ເຮັດວຽກຮ່ວມກັບ ພະນະທ່ານ ເພື່ອສືບຕໍ່ຮັດແໜ້ນສາຍ​ພົວພັນມິດຕະພາບ ແລະ ການຮ່ວມມື ອັນດີດັ່ງກ່າວ ລະຫວ່າງ ສອງປະເທດ ພວກເຮົາ ໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນ ຂອງ ປະຊາຊົນສອງຊາດພວກເຮົາ ກໍຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມື ເພື່ອພັັດທະນາ ໃນພາກພື້ນ ແລະ ໃນໂລກ.

ຂ້າພະ​ເຈົ້າ ຂໍ​ຖື​ໂອກາດນີ້ ອວຍ​ພອນໃຫ້ ​ພະນະ​ທ່ານ ຈົ່ງມີ​ພະ​ລາ​ນາ​ໄມ​ສົມບູນ, ມີ​ຄວາມຜາສຸກ ​ແລະ ​ປະສົມຜົນສໍາເລັດ ໃນໜ້າທີ່ອັນມີກຽດສູງສົ່ງຂອງ ພະນະທ່ານ.

ດ້ວຍ​ຄວາມ​ນັບຖື​ຢ່າງ​ສູງ.

​                  

                                                                ສະເຫຼີມໄຊ ກົມມະສິດ

                                                            ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະ​ນະ​ທ່ານ ເຟຣດເດີຣິກ ມາກາມູເຣ ຊາບາ

ລັດຖະມົນຕີກະຊວງການຕ່າງປະເທດ ແລະ ການຄ້າສາກົນ

ແຫ່ງ ສາ​ທາ​ລະ​ນະ​ລັດ ຊິມບັບເວ

ທີ່ ຮາຣາເຣ່.