ສະຫາຍ ທອງລຸນ ສີສຸລິດ,
ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ
ເນື່ອງໃນໂອກາດທີ່ ສະຫາຍ ທອງລຸນ ສີສຸລິດ, ໄດ້ຮັບເລືອກຕັ້ງໃຫ້ດຳລົງຕຳແໜ່ງເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ, ຂ້າພະເຈົ້າ ຂໍສົ່ງຄຳຊົມເຊີຍ ອັນອົບອຸ່ນແລະ ສົ່ງຄວາມຢືຢາມຖາມຂ່າວ ມາຍັງ ສະຫາຍ.
ການທີ່ສະຫາຍເລຂາທິການໃຫ່ຍ ໄດ້ຖືກດຳລົງຕຳແໜ່ງຂອງປະມຸກລັດ ທີ່ເຕັມໄປດ້ວຍຄວາມຮັບຜິດຊອບ ອັນໜັກໜ່ວງຄັ້ງນີ້ ເປັນການສະແດງໃຫ້ເຖິງຄວາມໄວ້ເນື້ອເຊື່ອໃຈອັນສູງ ແລະ ຄວາມມຸ້ງຫວັງ ຂອງທົ່ວປວງຊົນລາວທີ່ມີຕໍ່ສະຫາຍ.
ຂ້າພະເຈົ້າ ຂໍຫວັງຢ່າງຍິ່ງວ່າ ພາຍໃຕ້ການຊີ້ນຳນຳພາຂອງພັກປະຊາຊົນປະຕິວັດລາວ ອັນມີສະຫາຍເລຂາທິການໃຫ່ຍເປັນຜູ້ນຳນັ້ນ, ປະຊາຊົນລາວອ້າຍນ້ອງ ຈະສາມາດບັນລຸຄວາມກ້າວໜ້າອັນສຳຄັນຫຼາຍໃນການສູ້ຊົນ ເພື່ອປົກປັກຮັກປະເທດຊາດ ແລະ ສ້າງສາປະເທດສັງຄົມນິຍົມ ທີ່ມີຄວາມຈະເລີນຮຸ່ງເຮືອງ ແລະ ເຂັ້ມແຂງ.
ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ແລະ ການຮວ່ມມື ອັນເປັນມູນເຊື້ອ ລະຫວ່າງ ສປປ ເກົາຫຼີ ແລະ ສປປ ລາວ ຈະສືບຕໍ່ໄດ້ຮັບການຮັດແໜ້ນໃນອະນາຄົດ ໃນການສູ້ຊົນເປົ້າໝາຍຮ່ວມ ເພື່ອໄຊຊະນະຂອງພາລະກິດສັງຄົມນິຍົມ ແລະ ຂໍອວຍພອນຢ່າງຈິງໃຈ ມາຍັງ ສະຫາຍ ຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດອັນໃຫ່ຍຫຼວງກ່ວາເກົ່າ ໃນໜ້າທີ່ອັນສູງສົ່ງ ຂອງຕົນ.
ກິມ ເຈິງ ອຸນ
ເລຂາທິການໃຫ່ຍພັກແຮງງານເກົາຫຼີ
ປະທານກິດຈະການແຫ່ງລັດ ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ
ວັນທີ23 ມີນາ, ປີ ຈຸເຊ110(2021)
ນະຄອນຫຼວງພຽງຢາງ
------------------------------------------------------------------------