ນະ​ຄອນຫຼວງ​ວຽງ​ຈັນ, ວັນ​ທີ08ພະຈິກ 2020

​ສົມ​ເດັດ,

​         

ເນື່ອງ​ໃນ​ໂອກາດພິ​ທີ​ບໍ​ຣົມຣາ​ຊາ​ພິ​ເສກ ສົມເດັດ ອາກິຊິໂນະ ເປັນອົງມົງກຸດຣາຊະກຸມມານ ແຫ່ງ ປະເທດຍີ່ປຸ່ນ ຢ່າງ​ເປັນ​ທາງ​ການ,ຕາງ​ໜ້າ​ໃຫ້​ລັດ​ຖະ​ບານແລະປະ​ຊາ​ຊົນ​ລາວ​ທຸກ​ຖ້ວນ​ໜ້າກໍ​ຄື​ໃນ​ນາມ​ສ່ວນ​ຕົວ, ຂ້າ​ພະ​ເຈົ້າຂໍ​ຖື​ເປັນ​ກຽດ​ຢ່າງ​ສູງ ສົ່ງ​ຄຳ​​ຊົມ​ເຊີຍ​ອັນ​ອົບ​ອຸ່ນແລະພອນ​ໄຊ​ອັນ​ປະ​ເສີດ​ມາ​ຍັງ ​ສົມ​ເດັດແລະພະ​ບໍ​ຣົມ​ວົງ​ສາ​ນຸ​ວົງ​ທຸກ​ພະ​ອົງ. ​

ຂ້າ​ພະ​ເຈົ້າ​ ເຊື່ອ​ໝັ້ນ​ວ່າສາຍພົວພັນມິດຕະພາບ ແລະ ການຮ່ວມມືອັນດີງາມທີ່​ມີ​ມາ​ແຕ່​ດົນ​ນານ ກໍຄືການເປັນຄູ່ຮ່ວມມືຍຸດທະສາດ ລະຫວ່າງ ສປປ ລາວ ແລະ ຍີ່ປຸ່ນຈະ​ສືບ​ຕໍ່​ໄດ້​ຮັບ​ການເສີມ​ຂະ​ຫຍາຍ ​ຢ່າງ​ບໍ່​ຢຸດຢັ້ງແລະແຕກດອກ​ອອກ​ຜົນ​ຍິ່ງໆ​ຂຶ້ນເພື່ອນຳ​ເອົາ​ຜົນ​ປະ​ໂຫຍດຕົວຈິງມາ​ສູ່​ປະ​ຊາ​ຊົນ​ສອງ​ຊາດ ກໍຄື​ປະກອບສ່ວນ​ເຂົ້າໃນ​ການ​ສ້າງ​ສັນຕິພາບ, ສະຖຽນ​ລະ​ພາບ ​ແລະການ​ຮ່ວມ​ມື​​ເພື່ອ​ການ​ພັດທະນາ​ຢູ່​​ພາກ​ພື້ນ ​ແລະ ​ໃນ​ໂລກ.

ໃນ​ໂອ​ກາດ​ອັນ​ສະ​ຫງ່າ​ລາ​ສີນີ້, ຂ້າພະເຈົ້າ ຂໍ​ອວຍພອນ​ໄຊ​ແດ່​ສົມ​ເດັດຈົ່ງ​ມີ​ພະ​ລາ​ນາ​​ໄມ​ສົມບູນ ​ແລະຊົງພະ​ກະ​ເສມສຳລານ​ຍິ່ງ​ຍືນນານ, ຂໍໃຫ້ປະ​ຊາ​ຊົນ​ຍີ່​ປຸ່ນຈົ່ງມີ​ຄວາມວັດ​ທະ​ນະ​ຖາ​ວອນ​ຕະຫຼອດ​ໄປ.

ດ້ວຍ​ຄວາມ​ນັບຖື​ຢ່າງ​ສູງ,

                                                                                 (ລາຍ​ເຊັນ)

           ພັນຄໍາ ວິພາວັນ

ຮອງປະທານ​ປະ​ເທດ ແຫ່ງສປປ ລາວ

ສົມ​ເດັດອາກິຊິໂນະ

​ອົງມົງກຸດຣາຊະກຸມມານ ແຫ່ງປະເທດຍີ່ປຸ່ນ

ທີ່ ​ນະຄອນຫຼວງໂຕ​ກຽວ