ນະຄອນຫຼວງ​ວຽງ​ຈັນ, ວັນ​ທີ 1 ຕຸລາ 2020

ສົມ​ເດັດ,

          ໃນ​ນາມ​ປະຊາຊົນລາວ​ທຸກ​ຖ້ວນ​ໜ້າ ​ແລະ ​ໃນ​ນາມ​ສ່ວນ​ຕົວ, ຂ້າພະ​ເຈົ້າ​ຂໍ​ສະ​ແດງ​ຄວາມ​ປິ​ຕິ​ຍິນ​ດີສົ່ງ​ຄຳ​​   ຊົມ​ເຊີຍ​ອັນ​ອົບ​ອຸ່ນ ມາ​ຍັງສົມ​ເດັດ ​ທີ່​​ຂຶ້ນ​ຄອງ​ລາດ​ເປັນ ກະສັດ ອົງທີ XVI ແຫ່ງ ລັດກູເວດ.

          ຂ້າພະ​ເຈົ້າ​ ມີ​ຄວາມ​ຮູ້ສຶກ​ຍິນ​ດີ​ເປັນ​ຢ່າງ​ຍິ່ງ ຕໍ່​ການ​ຮ່ວມ​ມື​ທີ່​ມີ​ໝາກຜົນ ລະຫວ່າງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ​ແລະ ລັດກູເວດ ຕະຫຼອດ​ໄລຍະຜ່ານ​ມາ ​ແລະ ​ເຊື່ອ​ໝັ້ນ​ວ່າ ສາຍ​ພົວພັນ​​ແລະ ການ​ຮ່ວມ​ມືອັນ​ດີງາມດັ່ງກ່າວ ລະຫວ່າງ ສອງ​ປະ​ເທດ​ພວກ​ເຮົາ ຈະ​ສືບ​ຕໍ່​ໄດ້​ຮັບ​ການ​ຮັດແໜ້ນ ​ແລະ ພັດທະນາ​ຍິ່ງ​ໆຂຶ້ນ ​ໃນ​ຊຸມ​ປີ​ຕໍ່ໜ້າ ​ເພື່ອ​ຜົນ​ປະ​ໂຫຍ​ດຮ່ວມ​ກັນ ​ຂອງ​ປະຊາຊົນ​ສອງ​ຊາດພວກເຮົາ.

          ຂ້າພະ​ເຈົ້າ​ ຂໍ​ຖື​ໂອກາດ​ນີ້ອວຍພອນ​​ໄຊ​ອັນ​ປະ​ເສີດ ມາ​ຍັງ​ສົມ​ເດັດ ຈົ່ງ​ມີ​ພາລະ​ນາ​ໄມ​ສົມບູນ, ມີ​ຄວາມ​ກະ​ເສມສຳລານ ​ແລະ ຂໍໃຫ້ປະຊາ​ຊົນກູເວດ​ ພາຍ​ໃຕ້ພະ​ບໍຣົມ​ໂພທິສົມພານ ​ຂອງ​   ພະ​ອົງ ຈົ່ງ​ສືບ​ຕໍ່​ມີ​ຄວາມ​ກ້າວໜ້າ ​ແລະ ຈະ​ເລີ​ນຮຸ່ງ​ເຮືອງ.

ດ້ວຍ​ຄວາມ​ນັບຖື​ຢ່າງ​ສູງ,

                                                                                                                      ບຸນຍັງ ວໍລະຈິດ

ສົມເດັດ ເຊກຄ໌ ນາວາ ອາລ-ອາມັດ ອາລ-ຈາເບີ ອາລ-ຊາບາສ

ກະສັດອົງທີ XVI ແຫ່ງ ລັດກູເວດ

ທີ່ ກູເວດ