ນະຄອນຫລວງ​ວຽງ​ຈັນ, ວັນ​ທີ 03 ຕຸລາ 2020

ພະນະ​ທ່ານ,

          ​ເນື່ອງ​ໃນ​ໂອກາດ ​ວັນຊາດ ​ສາທາລະນະ​ລັດ​ ເກົາຫລີ, ໃນນາມປະຊາຊົນ​ລາວທຸກ​ຖ້ວນໜ້າ ​ແລະໃນ​ນາມ​ສ່ວນ​ຕົວ, ຂ້າພະ​ເຈົ້າ​ ຂໍສົ່ງຄຳ​ຊົມ​ເຊີຍ​ອັນ​ອົບ​ອຸ່ນ ​ແລະ ພອນ​ໄຊ​ອັນ​ປະ​ເສີດ​ ມາ​ຍັງພະນະ​ທ່ານ ​ແລະ ​ປະຊາຊົນ ສ.ເກົາຫລີ ທຸກ​ຖ້ວນໜ້າ.

          ຂ້າພະ​ເຈົ້າ ມີຄວາມປິຕິຍິນດີເປັນຢ່າງຍິ່ງທີ່ເຫັນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສອງປະເທດຂອງພວກເຮົາ ໄດ້ຮັບການເສີມຂະຫຍາຍຢ່າງຕໍ່ເນື່ອງ ແລະ ແຕກດອກອອກຜົນໃນຫລາຍດ້ານ ຕະຫລອດ​ໄລຍະ​ 25 ປີ​ຜ່ານ​ມາ. ຂ້າພະເຈົ້າ ເຊື່ອ​ໝັ້ນຢ່າງໜັກແໜ້ນວ່າສາຍ​ພົວພັນມິດຕະພາບ ແລະ ການຮ່ວມມືອັນດີງາມດັ່ງກ່າວ ຈະສືບຕໍ່ໄດ້ຮັບການ​ເສີມ​ຂະຫຍາຍ​​ໃຫ້ແໜ້ນແຟ້ນ​​ຍິ່ງໆ​ຂຶ້ນ​ ເພື່ອ​​ຜົນ​ປະ​ໂຫຍ​ດຂອງປະຊາຊົນ​ສອງ​ຊາດພວກເຮົາ ກໍ​ຄື​ ເພື່ອ​ສັນຕິພາບ, ສະຖຽນ​ລະ​ພາບ ​ແລະ ການຮ່ວມມື ເພື່ອການພັດທະນາ ໃນພາກພື້ນ ແລະ ສາກົນ.

          ໃນໂອ​ກາດ​ອັນ​ສະຫງ່າ​ລາສີ​ນີ້, ຂ້າພະ​ເຈົ້າຂໍ​ອວຍພອນ​​ໃຫ້ພະນະ​ທ່ານ ຈົ່ງ​ມີ​ພະ​ລາ​ນາ​ໄມ​ສົມບູນ, ມີ​ຄວາມ​ຜາ​ສຸກ ​ແລະ ປະສົບ​ຜົນສຳ​ເລັດໃໝ່ໃຫຍ່ຫລວງກວ່າເກົ່າ ໃນ​ໜ້າທີ່ອັນ​ສູງ​ສົ່ງ​ຂອງ​ ພະນະ​ທ່ານ ​ແລະ ຂໍໃຫ້ ສາທາລະນະລັດ ເກົາຫລີ ສືບຕໍ່ມີຄວາມຈະເລີນຮຸ່ງເຮືອງຍິ່ງຂຶ້ນ.

          ດ້ວຍຄວາມ​ນັບຖືຢ່າງສູງ,

                                                                                      ບຸນຍັງ ວໍລະຈິດ

                                                                                  ປະທານ​ປະ​ເທດ ​ແຫ່ງ​
                                                                    ສາທາລະນະ​ລັດ ປະຊາທິປະ​ໄຕ ປະຊາ​ຊົນ​ລາວ

ພະນະ​ທ່ານ ມູນ ແຈ ອິນ

ປະທານາທິບໍດີ ແຫ່ງ ສາທາລະນະ​ລັດ​ ເກົາຫລີ

ທີ່​ເຊ​ອູ​ນ
----------------------------------------------------------------------------------------------------

ພະນະ​ທ່ານ,

          ໃນນາມລັດຖະບານ ແຫ່ງ ສາທາລະນະ​ລັດປະຊາທິປະ​ໄຕປະຊາຊົນ​ລາວ ​ແລະ ​ໃນ​ນາມ​ສ່ວນ​ຕົວ, ຂ້າພະ​ເຈົ້າຂໍ​ສົ່ງຄຳ​ຊົມ​ເຊີຍອັນ​ອົບອຸ່ນ ​ແລະ ພອນ​ໄຊ​ອັນ​ປະ​ເສີດ​ມາ​ຍັງພະນະ​ທ່ານ ​ແລະ ​ລັດຖະບານ ແຫ່ງ ສາທາລະນະລັດ ​​ເກົາຫລີ​ ເນື່ອງ​ໃນ​ໂອກາດ​ວັນຊາດ ​ຂອງສ.ເກົາຫລີ.

          ຂ້າພະ​ເຈົ້າຕີລາຄາສູງຕໍ່ສາຍ​ພົວພັນ​ມິດຕະພາບ ​ແລະ ການຮ່ວມ​ມື​ອັນ​ດີງາມ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ເກົາຫລີ ທີ່ໄດ້ຮັບການ​ເສີມຂະຫຍາຍໃນ​ຫຼາຍໆ​ດ້ານ ແລະ ຕໍ່ເນື່ອງ ນັບຕັ້ງແຕ່ໄດ້ສ້າງຕັ້ງສາຍພົວພັນການທູດນຳກັນ ໃນປີ 1995​ ເປັນຕົ້ນມາ. ຂ້າພະ​ເຈົ້າ ເຊື່ອ​ໝັ້ນ​ວ່າສາຍ​ພົວພັນ​ມິດຕະພາບ ແລະ ການຮ່ວມມືອັນດີງາມດັ່ງກ່າວນັ້ນ ​ຈະສືບຕໍ່ໄດ້ຮັບການຮັດແໜ້ນໃຫ້ເຂັ້ມແຂງຍິ່ງໆຂຶ້ນ ໃນຊຸມປີຕໍ່ໜ້າ ເພື່ອຜົນປະໂຫຍດລວມຂອງປະຊາຊົນສອງຊາດພວກເຮົາ ກໍ​ຄື ​ເພື່ອ​ສັນຕິພາບ, ສະຖຽນ​ລະ​ພາບ ແລະ ການຮ່ວມມືເພື່ອການພັດທະນາ ​ໃນພາກພື້ນ ແລະ ສາກົນ.

         ໃນໂອ​ກາດອັນ​ສະຫງ່າ​ລາສີ​ນີ້, ຂ້າພະ​ເຈົ້າຂໍອວຍພອນ​ໃຫ້ພະນະ​ທ່ານ ຈົ່ງ​ມີພະ​ລາ​ນາ​ໄມ​ສົມ​ບູນ, ມີ​ຄວາມຜາ​ສຸກ​ ​ແລະ ປະສົບຜົນສຳເລັດໃໝ່ໃຫຍ່ຫລວງກວ່າເກົ່າ ໃນພາລະກິດອັນສູງສົ່ງຂອງ ພະນະທ່ານ.

          ດ້ວຍ​ຄວາມ​ນັບຖື​ຢ່າງສູງ,

                                                                                 ທອງລຸນ ສີສຸລິດ

                                                                            ນາຍົກລັດຖະມົນຕີ ​ແຫ່ງ​
                                                                  ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ພະນະ​ທ່ານ ຈອງ ເຊ ກຸນ

ນາຍົກລັດຖະມົນຕີ ແຫ່ງ​ ສາທາລະນະ​ລັດ ​ເກົາຫລີ

ທີ່​ເຊ​ອູ​ນ
----------------------------------------------------------------------------------------------------

ພະນະ​ທ່ານ,

          ​ເນື່ອງ​ໃນ​ໂອກາດ​ ວັນຊາດ ​ແຫ່ງ ສາທາລະນະ​ລັດ ​ເກົາຫລີ, ຂ້າພະ​ເຈົ້າມີ​ຄວາມ​ຍິນ​ດີ​ ​ສົ່ງ​ຄຳຊົມເຊີຍອັນ​ອົບ​ອຸ່ນ ແລະ ພອນໄຊອັນປະເສີດ ​ມາ​ຍັງ ພະນະ​ທ່ານ ​ແລະ ​ໂດຍ​ຜ່ານ ພະນະ​ທ່ານ ​ໄປ​ຍັງ​ພະນັກງານ​ກະຊວງ​ການ​ຕ່າງປະ​ເທດ ແຫ່ງ ສາທາລະນະ​ລັດ ​ເກົາຫລີ ທຸກ​ຖ້ວນ​ໜ້າ.

          ຂ້າພະເຈົ້າ ມີຄວາມປິຕິຍິນດີທີ່ເຫັນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສອງ​ປະ​ເທດ ກໍຄື ສອງກະຊວງການຕ່າງປະເທດພວກ​ເຮົາ ໄດ້​ຮັບ​ການ​ສືບຕໍ່ເສີມ​ຂະຫຍາຍ ຕະຫລອດ​ໄລຍະກວ່າ 2 ທົດ​ສະ​ວັດ​ຜ່ານ​ມາ. ຂ້າພະເຈົ້າ ຫວັງວ່າ ຈະໄດ້ເຮັດວຽກຢ່າງໃກ້ຊິດຮ່ວມກັບ ພະນະທ່ານ ເພື່ອຮັດແໜ້ນສາຍ​ພົວພັນ​ມິດຕະພາບ ​ທີ່ດີງາມ ແລະ ການຮ່ວມມືອັນໃກ້ຊິດດັ່ງກ່າວນັ້ນ ເພື່ອ​ຜົນ​ປະ​ໂຫຍ​ດຂອງປະຊາຊົນສອງຊາດພວກເຮົາ ກໍ່ຄື ເພື່ອສັນຕິພາບ, ສະຖຽນລະພາບ ແລະ ເພື່ອການຮ່ວມມື ເພື່ອການພັດທະນາ ຢູ່ໃນພາກພື້ນ ແລະ ສາກົນ.

          ຂ້າພະ​ເຈົ້າຂໍ​ຖື​ໂອ​ກາດ​ນີ້ ອວຍພອນ​​ໄຊໃຫ້ ພະນະ​ທ່ານ ແລະ ພະນັກງານກະຊວງການຕ່າງປະເທດ ທັງໝົດ ຈົ່ງ​ມີພະ​ລາ​ນາ​ໄມ​ສົມ​ບູນ, ມີຄວາມຜາສຸກ ​ແລະ ສືບຕໍ່ປະສົບ​ຜົນສຳ​ເລັດ​ໃນ​ໜ້າ​ທີ່​ອັນ​ມີກຽດສູງສົ່ງຂອງ ​ພະນະ​ທ່ານ.                      

ດ້ວຍ​ຄວາມ​ນັບຖືຢ່າງສູງ​,

                                                                             ສະເຫຼີມໄຊ ກົມມະສິດ
                                                                    ລັດຖະມົນຕີ​ກະຊວງ​ການ​ຕ່າງປະ​ເທດ​
                                                          ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ພະນະ​ທ່ານ ນາງກັງ ກຽງ ຮວາ

ລັດຖະມົນຕີ​​ກະຊວງ​ການ​ຕ່າງປະ​ເທດ     

ແຫ່ງ ສາທາລະນະ​ລັດ ​ເກົາຫລີ

ທີ່​ເຊ​ອູ​ນ