ນະຄອນຫຼວງວຽງຈັນ, ວັນທີ 05 ສິງຫາ 2020

ສະຫາຍ ຫງວຽນ ຊວັນ ຟຸກ ທີ່ນັບຖື,

ຂ້າພະເຈົ້າ ສຸດທີ່ມີຄວາມເປັນຫ່ວງ ເມື່ອໄດ້ຊາບຂ່າວ ການລະບາດຮອບໃໝ່ ຂອງພະຍາດ ໂຄວິດ-19 ຢູ່ ຫວຽດນາມ ອັນໄດ້ສ້າງຄວາມຫຍຸ້ງຍາກ ໃຫ້ແກ່ ພັກ-ລັດ ແລະ ຊີວິດການເປັນຢູ່ຂອງປະຊາຊົນ ຫວຽດນາມ ອ້າຍນ້ອງ, ໂດຍສະເພາະແມ່ນນະຄອນດານັງ ບ່ອນທີ່ຂ້າພະເຈົ້າ ແລະ ສະຫາຍ ຫາກໍພົບປະກັນ ໃນຕົ້ນເດືອນ ກໍລະກົດ ຜ່ານມາ.

ຕາງໜ້າໃຫ້ພັກ, ລັດຖະບານ ສປປ ລາວ, ຂ້າພະເຈົ້າ ຂໍສົ່ງຄຳຢື້ຢາມຖາມຂ່າວ ແລະ ຄວາມເປັນຫ່ວງອັນຈິງໃຈ ແລະ ເລິກເຊິ່ງ ເຖິງສະຫາຍ ແລະ ຜ່ານສະຫາຍ ໄປຍັງ ປະຊາຊົນ ຫວຽດນາມ ອ້າຍນ້ອງ.

ຂ້າພະເຈົ້າເຊື່ອໜັ້ນວ່າ, ພາຍໃຕ້ການນໍາພາອັນສະຫຼາດສ່ອງໃສຂອງພັກ ແລະ ລັດຖະບານ ຫວຽດນາມ, ໂດຍສະເພາະການເອົາໃຈໃສ່ຂອງສະຫາຍ ສສ ຫວຽດນາມ ອ້າຍນ້ອງ ຈະສາມາດຄວບຄຸມການແຜ່ລະບາດ ຂອງພະຍາດ ໂຄວິດ-19 ໄດ້ ແລະ ເຮັດໃຫ້ຊີວິດການເປັນຢູ່ຂອງປະຊາຊົນ ຫວຽດນາມ ເຂົ້າສູ່ສະພາບປົກກະຕິໂດຍໄວ.

ລັດຖະບານ ແລະ ປະຊາຊົນ ລາວ ຍາມໃດກໍ່ຢູ່ຄຽງຂ້າງພັກ, ລັດຖະບານ ແລະ ປະຊາຊົນ ຫວຽດນາມອ້າຍນ້ອງໃນເວລາພົບຄວາມຫຍຸ້ງຍາກນີ້ ແລະ ຍົກສູງມູນເຊື້ອ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ.

ດ້ວຍຄວາມນັບຖື ຮັກແພງ.

ທອງລຸນ ສີສຸລິດ

ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ສະຫາຍ ຫງວຽນ ຊວນ ຟຸກ

ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິຍົມ ຫວຽດນາມ.

ທີ່ ນະຄອນຫຼວງຮ່າໂນ້ຍ.