ພະນະທ່ານ ນ. ຈູ​ລີພາ​ເຍັດ

ຜູ້​ສຳ​ເລັດ​ລາດຊະ​ການ ​ແຫ່ງ ກາ​ນາ​ດາ

ທີ່ ​ໂອ​ຕາ​ວາ

ນະຄອນຫຼວງວຽງຈັນ, ວັນທີ 27 ມິຖຸນາ 2018

ພະນະທ່ານ,

ເນື່ອງໃນໂອກາດວັນຊາດ ແຫ່ງ ກາ​ນາ​ດາ, ໃນນາມຕາງໜ້າປະຊາຊົນ ແຫ່ງ ສາທາລະນະ​ລັດ ປະຊາທິ ປະ​ໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າຂໍສົ່ງຄຳຊົມເຊີຍຢ່າງອົບ​ອຸ່ນ ແລະ ພອນໄຊອັນປະເສີດ ມາຍັງພະນະທ່ານ ແລະ ຜ່ານພະນະທ່ານໄປຍັງປະຊາຊົນກາ​ນາ​ດາ​ເພື່ອນ​ມິດທຸກຖ້ວນໜ້າ.

ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືທີ່​ເປັນ​ມູນ​ເຊື້ອ ລະຫວ່າງ ສອງປະ ເທດພວກເຮົາ ຈະໄດ້ສືບຕໍ່ຮັບການເສີມຂະຫຍາຍ ​​ໃຫ້​ແຕກ​ດອກ​ອອກ​ຜົນຍິ່ງໆຂຶ້ນ​ໃນ​ຊຸມ​ປີ​ຕໍ່ໜ້າ.

ດ້ວຍຄວາມນັບຖືຢ່າງສູງ,

ບຸນ​ຍັງ ວໍລະ​ຈິດ

ປະທານປະເທດ ແຫ່ງ ສາ​ທາ​ລະນະ​ລັດ ປະຊາທິປະ​​ໄຕ ປະຊາຊົນລາວ

ພະນະທ່ານ ຈັສຕິນທຣູ​ໂດ,

ນາຍົກລັດຖະມົນຕີ ​ແຫ່ງ ກາ​ນາ​ດາ

ທີ່ ​ໂອ​ຕາ​ວາ

ນະຄອນຫຼວງວຽງຈັນ, ວັນທີ 27 ມິຖຸນາ 2018

ພະນະທ່ານ,

ເນື່ອງໃນໂອກາດວັນຊາດ ກາ​ນາ​ດາ, ຂ້າພະ​ເຈົ້າໃນນາມຕາງໜ້າ​ໃຫ້​ແກ່​ລັດຖະບານ ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນລາວ ແລະ ໃນນາມສ່ວນຕົວ, ຂໍສົ່ງຄຳຊົມເຊີຍອັນອົບ​ອຸ່ນ ແລະ ພອນໄຊອັນປະເສີດ ມາຍັງພະນະທ່ານ.

ສາທາລະນະ​ລັດ ປະຊາທິປະ​ໄຕ ປະຊາຊົນລາວ ຕີ​ລາຄາ​ສູງ​ຕໍ່​ສາຍ​ພົວພັນມິດຕະພາບ ​ແລະ ການ​ຮ່ວມ​ມືທີ່​ມີ​ມາ​ແຕ່​ດົນນານ ລະຫວ່າງ ສປປ ລາວ​​ແລະ ກາ​ນາ​ດາທັງ​​ໃນ​ກອບ​ສອງ​ຝ່າຍ ​ແລະ ຫຼາຍ​ຝ່າຍ.ຂ້າພະເຈົ້າ​ເຊື່ອ​ໝັ້ນວ່າ ດ້ວຍ​ຄວາມ​ພະຍາຍາມ​ຮ່ວມ​ກັນ ​ແລະ ການ​ສະໜັບສະໜູນ​ຊຶ່ງ​ກັນ ​ແລະ ກັນ, ສາຍພົວພັນ ​ແລະ ການ​ຮ່ວມ​ມືອັນ​ຍາວ​ນານ​ລະຫວ່າງ​ສອງ​ປະ​ເທດ ຈະ​ໄດ້​ຮັບ​ການ​ສືບ​ຕໍ່​ຮັດ​ແໜ້ນ ​ແລະ ​ເສີມ​ຂະຫຍາຍ​ຍິ່ງໆ​ຂຶ້ນ ເພື່ອ​ຜົນ​ປະ​ໂຫຍ​ດຂອງ​ສອງ​ຊາດ​ພວກ​ເຮົາ​ເພື່ອ​ສັນຕິພາບ​, ສະຖຽນລະ​ພາບ ​ແລະ ການ​ຮ່ວມ​ມື​​ເພື່ອ​ການ​ພັດທະ ນາ​ໃນ​ພາກ​ພື້ນ ​ແລະ ​ໃນ​ໂລກ.

ດ້ວຍຄວາມນັບຖືຢ່າງສູງ,

ທອງ​ລຸນ ສີ​ສຸ​ລິດ

ນາຍົກລັດຖະມົນຕີ ແຫ່ງ ສາ​ທາ​ລະນະ​ລັດ ປະຊາທິປະ​​ໄຕ ປະຊາຊົນລາວ

ພະນະທ່ານ ນ. ຄຣິສ​ເທຍຟຣີ​ແລນ,

ລັດຖະມົນຕີກະຊວງ​ການ​ຕ່າງປະ​ເທດ ​ແຫ່ງ ກາ​ນາ​ດາ

ທີ່ ​ໂອ​ຕາ​ວາ

ນະຄອນຫຼວງວຽງຈັນ, ວັນທີ 27 ມິຖຸນາ 2018

ພະນະທ່ານ,

ເນື່ອງໃນໂອກາດ ວັນຊາດ ກາ​ນາ​ດາ ຂ້າພະ​ເຈົ້າຂໍສົ່ງຄຳຊົມເຊີຍອັນອັນ​ອົບ​ອຸ່ນ ແລະ ພອນໄຊອັນປະ ເສີດ ມາຍັງພະນະທ່ານ ພ້ອມ​ດ້ວຍ​ພະນັກງານ​ກະຊວງ​ຂອງ​ທ່ານ​ທຸກ​ທົ່ວ​ໜ້າ.

​ຂ້າພະ​ເຈົ້າ​ຫວັງ​ວ່າ​ຈະ​ໄດ້​ສືບ​ຕໍ່ເຮັດ​ວຽກ​ຮ່ວມກັບ​ພະນະ​ທ່ານ ​ເພື່ອເສີມຂະຫຍາຍ​ສາຍ​ພົວພັນ​ມິດຕະ ພາບ ​ແລະ ການ​ຮ່ວມ​ມື​ອັນ​ດີທັງ​ໃນ​ຂອບ​ສອງ​ຝ່າຍ ​ແລະ ຫຼາຍ​ຝ່າຍ ລະຫວ່າງ​ສອງ​ປະ​ເທດ ລາວ ​ແລະ ກາ​ນາ​ດາ ໃຫ້​​ເຂັ້ມ​ແຂງ ​ແລະ ​ແຕກ​ດອກ​ອອກ​ຜົນ​ຍິ່ງໆ​ຂຶ້ນ ​ເພື່ອ​ຜົນ​ປະ​ໂຫຍ​ດຂອງ​ປະຊາຊົນສອງ​ຊາດ​ພວກ​ເຮົາກໍ່​ຄື​ສັນຕິພາບ, ສະຖຽນລະ​ພາບ ​ແລະ ການ​ຮ່ວມ​ມື​​ເພື່ອ​ການ​ພັດທະນາ​ແບບ​ຍືນ​ຍົງ​ໃນ​ພາກ​ພື້ນຂອງ​ພວກ​ເຮົາ ​ແລະ ​ໃນທົ່ວ​ໂລກ.

ດ້ວຍຄວາມນັບຖືຢ່າງສູງ,

ສະ​ເຫຼີ​ມ​ໄຊ ກົມມະ​ສິດ

ລັດຖະມົນຕີກະຊວງ​ການ​ຕ່າງປະ​ເທດ ແຫ່ງ ສາ​ທາ​ລະນະ​ລັດ ປະຊາທິປະ​​ໄຕ ປະຊາຊົນລາວ