ນະຄອນຫຼວງວຽງຈັນ, 25 ມິຖຸນາ 2018

ພະນະທ່ານ,

         ຂ້າພະ​ເຈົ້າ ມີ​ຄວາມ​ຍິນດີ​ເປັນ​ຢ່າງ​ຍິ່ງ ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ​ ແລະ ພອນໄຊອັນປະເສີດ ມາ​ຍັງ ພະນະ​ທ່ານ​ ແລະ ປະຊາຊົນ ໂມຊໍາບິກ ເນື່ອງໃນໂອກາດວັນຊາດ ແຫ່ງ ສາທາລະນະລັດ ໂມຊໍາບິກ.

          ຂ້າພະ​ເຈົ້າ ​ເຊື່ອ​ໝັ້ນວ່າ ສາຍ​ພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ ກໍຄື ສອງກະຊວງການຕ່າງປະເທດພວກເຮົາ ຈະ​ສືບ​ຕໍ່​ໄດ້​ຮັບ​ການພັດທະນາທັງໃນຂອບການຮ່ວມມືສອງຝ່າຍ ແລະ ຫຼາຍຝ່າຍ ເພື່ອຜົນປະໂຫຍດຂອງປະຊາຊົນສອງຊາດພວກເຮົາ.

          ຂ້າພະ​ເຈົ້າ ຂໍ​ຖື​ໂອກາດ​ນີ້​ອວຍພອນ ມາຍັງ ພະນະ​ທ່ານ ຈົ່ງ​ມີ​ສຸຂະພາບ​ເຂັ້ມ​ແຂງ, ມີ​ຄວາມສຸກ ​ແລະ ປະສົບ​ຜົນສຳ​ເລັດ​​ໃນ​ໜ້າ​ທີ່​ອັນ​ມີ​ກຽດ​ຂອງພະນະ​ທ່ານ.

          ດ້ວຍຄວາມ​ນັບຖືຢ່າງສູງ,

ສະເຫລີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະ​ທ່ານ ໂຮເຊ ກອນດຸນກົວ ປາເຊໂກ

ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ໂມຊໍາບິກ

ມາປູໂຕ