ສະຫາຍ ມີເກັນ ມາຣີໂອ ດຽດຊ໌-ກາແນນ ເບີມູເດັສ
ປະທານສະພາແຫ່ງລັດ ແລະ ສະພາລັດຖະມົນຕີ ແຫ່ງ ສາທາລະນະລັດ ກູບາ
ທີ່ ລາຮາວານ
ສະຫາຍ ປະທານ,
ພວກຂ້າພະເຈົ້າ ໄດ້ຊາບຂ່າວດ້ວຍຄວາມເສົ້າສະຫຼົດໃຈເປັນຢ່າງຍິ່ງ ຕໍ່ເຫດການອຸບັດຕິເຫດຂອງຍົນສາຍການບິນ CUBANA ຂອງ ກູບາ ຕົກຢູ່ໃກ້ສະໜາມບິນ ທີ່ ລາຮາວານ ອັນໄດ້ເຮັດໃຫ້ມີການສູນເສຍຊີວິດ ແລະ ຊັບສິນ ຂອງປະຊາຊົນ ແລະ ພັກ-ລັດຖະບານກູບາ.
ໃນນາມລັດຖະບານ ແລະ ປະຊາຊົນລາວ, ພວກຂ້າພະເຈົ້າ ຂໍສະແດງຄວາມເຫັນໃຈຢ່າງສຸດຊຶ້ງ ແລະ ຄວາມເສົ້າສະຫຼົດໃຈເປັນຢ່າງຍິ່ງມາຍັງ ສະຫາຍ ປະທານ ແລະ ຜ່ານ ສະຫາຍ ປະທານ ໄປຍັງ ລັດຖະບານ ແລະ ປະຊາຊົນ ກູບາ, ໂດຍສະເພາະແມ່ນ ຕໍ່ຄອບຄົວຂອງຜູ້ປະສົບເຄາະຮ້າຍຈາກອຸບັດຕິເຫດ ແລະ ການສູນເສຍຄັ້ງໃຫຍ່ ດັ່ງກ່າວນີ້.
ດ້ວຍຄວາມນັບຖືຢ່າງສູງ,
ບຸນຍັງ ວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທອງລຸນ ສີສຸລິດ
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ 19 ພຶດສະພາ 2018