ດາກາ, 30 ພະຈິກ 2017
ພະນະທ່ານ ບຸນຍັງ ວໍລະຈິດ
ປະທານປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ
ພະນະທ່ານ,
ໃນນາມປະຊາຊົນ ບັງກະລາເທດ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳອວຍພອນອັນອົບອຸ່ນ ແລະ ຄຳຊົມເຊີຍອັນຈິງໃຈມາຍັງ ພະນະທ່ານ ແລະ ໂດຍຜ່ານ ພະນະທ່ານ ໄປຍັງ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
ບັງກະລາເທດ ແລະ ສປປ ລາວ ມີສາຍພົວພັນມິດຕະພາບອັນອົບອຸ່ນ ແລະ ດີງາມນຳກັນ. ຂ້າພະເຈົ້າ ເຊື່ອໝັ້ນວ່າ ຍັງມີຫຼາກຫຼາຍທ່າແຮງ ທີ່ຈະສາມາດສືບຕໍ່ເສີມຂະຫຍາຍ ແລະ ຍົກສູງສາຍພົວພັນຂອງພວກເຮົາ. ຂ້າພະເຈົ້າ ເຊື່ອໝັ້ນຢ່າງຍິ່ງວ່າ ສາຍພົວພັນມິດຕະພາບອັນດີງາມລະຫວ່າງສອງປະເທດຂອງພວກເຮົາ ຈະໄດ້ຮັບການສືບຕໍ່ຮັດ ແໜ້ນໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນຂອງປະຊາຊົນສອງຊາດພວກເຮົາ.
ຂ້າພະເຈົ້າ ຂໍຖືໂອກາດນີ້ ອວຍພອນ ພະນະທ່ານ ຈົ່ງມີສຸຂະພາບແຂງແຮງ, ມີອາຍຸໝັ້ນຍືນ ແລະ ມີຄວາມ ຜາສຸກ, ແລະ ຂໍອວຍພອນໄຊໃຫ້ປະຊາຊົນລາວສືບຕໍ່ມີສັນຕິພາບ, ມີຄວາມກ້າວໜ້າ ແລະ ວັດທະນະຖາວອນ.
ອັບດູລ ຮາມິດ
ປະທານາທິບໍດີ
ແຫ່ງ ສາທາລະນະລັດ ປະຊາຊົນ ບັງກະລາເທດ
ພະນະທ່ານ ທອງລຸນ ສີສຸລິດ
ນາຍົກລັດຖະມົນຕີ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ
ພະນະທ່ານ,
ຂ້າພະເຈົ້າ ມີຄວາມປິຕິຍິນດີສົ່ງ ຄຳຊົມເຊີຍຢ່າງໃຈຈິງ ແລະ ອົບອຸ່ນ ມາຍັງ ພະນະທ່ານ ແລະ ຜ່ານ ພະນະທ່ານ ໄປຍັງ ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເນື່ອງໃນໂອກາດວັນຊາດ.
ບັງກະລາເທດ ຕີລາຄາສູງຕໍ່ສາຍພົວພັນມິດຕະພາບກັບ ສປປ ລາວ ຊຶ່ງເປັນເພື່ອນບ້ານໃກ້ຊິດໃນພາກພື້ນ. ມິດຕະພາບ ແລະ ສາຍພົວພັນອັນດີ ລະຫວ່າງ ລັດຖະບານ ແລະ ປະຊາຊົນສອງຊາດພວກເຮົາ ເປັນການຮ່ວມມືທີ່ມີຄວາມໝາຍສຳຄັນທີ່ຕ້ອງສະແດງອອກໃຫ້ເຫັນ. ຂ້າພະເຈົ້າ ເຊື່ອໝັ້ນວ່າ ຍັງມີຫຼາຍໆທ່າແຮງໃນຂົງເຂດຕ່າງໆ ທີ່ຈະເປັນຜົນປະໂຫຍດໃຫ້ແກ່ການຮ່ວມມືສອງຝ່າຍ ຊຶ່ງຈະນຳສູ່ຄວາມຢູ່ດີກິນດີຂອງປະຊາຊົນສອງຊາດພວກເຮົາ.
ຂ້າພະເຈົ້າ ຂໍອວຍພອນໃຫ້ ພະນະທ່ານ ມີສຸຂະພາບແຂງແຮງ, ມີອາຍຸໝັ້ນຍືນ ແລະ ມີຄວາມຜາສຸກ, ແລະ ຂໍໃຫ້ປະຊາຊົນລາວ ສືບຕໍ່ມີສັນຕະພາບ, ມີຄວາມກ້າວໜ້າ ແລະ ວັດທະນະຖາວອນ.
ເຊັກຄ໌ ຮາສິນາ
ນາຍົກລັດຖະມົນຕີ
ແຫ່ງ ສາທາລະນະລັດ ປະຊາຊົນ ບັງກະລາເທດ